Սեպտեմբերի 2-ին «Երիտասարդություն» հասարակական կազմակերպության նախաձեռնությամբ Երևանում տեղի կունենա «Խաղաղության, միասնության և համերաշխության» երթ: Այս մասին այսօր Երևանում կայացած մամուլի ասուլիսում հայտարարել է կազմակերպության ղեկավար Գևորգ Մկրտչյանը:

 Լեռնային Ղարաբաղի Հանրապետության անկախության ճանաչման մասին Կալիֆորնիայի Սենատի ընդունած բանաձևը չի արտահայտում Վաշինգտոնի պաշտոնական քաղաքականությունը: Այս մասին է ասված Ադրբեջանում ԱՄՆ դեսպանության հայտարարության մեջ:

Ռոբերտ Քոչարյանի վերջին հարցազրույցում որևէ նոր շեշտադրումներ չկան: Այս մասին հայտարարել է ՀՀ խորհրդարանի փոխխոսնակ, ՀՀԿ մամուլի քարտուղար Էդուարդ Շարմազանովը, լրագրողների խնդրանքով մեկնաբանելով ՀՀ երկրորդ նախագահի հարցազրույցը «Նոև Կովչեգ» թերթին:

Վարչապետ Հովիկ Աբրահամյանն ընդունել է The Rezidor Hotel Group-ի փոխնախագահ Արիլդ Հովլանդին:

Ստեղծվում է այնպիսի տպավորություն, որ ՀՀ ԱԳՆ ղեկավարը Թուրքիա էր գնացել ընդամենը «գալոչկայի» կամ նշվելու համար: Այս մասին այսօր կայացած մամուլի ասուլիսում հայտարարել է տարածաշրջանային պրոբլեմների վերլուծաբան, հրապարակախոս Սարգիս Հացպանյանը: Փորձագետը գտնում է, որ Թուրքիայի նորընտիր նախագահի երդմնակալությանն Էդվարդ Նալբանդյանի մասնակցությունը դիվանագիտական սխալ էր:

Նախօրեին Հայաստանի Բանկերի միությունում տեղի է ունեցել Հայաստանում գործող բանկերի ղեկավարների և միջազգային կառույցների` Համաշխարհային բանկի (ՀԲ), Արժույթի Միջազգային Հիմնադրամի (ԱՄՀ), Վերակառուցման և Զարգացման Եվրոպական Բանկի (ՎԶԵԲ) և Միջազգային Ֆինանսական Կորպորացիայի (ՄՖԿ) ներկայացուցիչների հանդիպումը:

 2014 թվականի օգոստոսի 28-ին ՎՏԲ-Հայաստան Բանկի աջակցությամբ վերանորոգված «Լիարժեք կյանք» ՀԿ ներառական ճամբարում /ք. Ստեփանավան, «Էլեն» հանգստյան տուն/ տեղի ունեցավ ճամբարային սեզոնի փակումը:

Ադրբեջանը հայ գերի Հակոբ Ինջիգուլյանին հանձնել է երրորդ երկրին: Այս մասին տեղեկությունը հաստատել են Կարմիր խաչի միջազգային կոմիտեի երևանյան գրասենյակում:

 Ադրբեջանական զինված ուժերի մարտական հենակետերից 2014 թվականի հունիս-օգոստոս ամիսներին տարբեր տեսակի զենքերից Տավուշի մարզի սահմանամերձ գյուղերը գնդակոծելու դեպքերի առթիվ հարուցվել է քրեական գործ` միջազգային ահաբեկչության հատկանիշներով և ուղարկվել Ազգային անվտանգության ծառայություն: Այս մասին հաղորդել է Քննչական կոմիտեի նախագահի մամուլի քարտուղար Սոնա Տռուզյանը:

ՎիվաՍել-ՄՏՍ ընկերության գլխամասային գրասենյակում հյուրընկալվել են արտերկրից ժամանած 20-ից 30 տարեկան հայ երիտասարդ կամավորներ, ովքեր պատրաստակամ են մասնագիտական հմտությունները Հայաստանի մարզերում կիրառելու հարցում: ՎիվաՍել-ՄՏՍ-ի գլխավոր տնօրեն Ռալֆ Յիրիկյանը կամավորներին ծանոթացրել է ընկերության գործունեության գլխավոր գործառույթների, հիմնարար արժեքների, ինչպես նաև որդեգրած կորպորատիվ սոցիալական պատասխանատվության քաղաքականությանը:

Կալիֆորնիայի Սենատի կողմից ընդունված` «Լեռնային Ղարաբաղի ճանաչման մասին» բանաձևը ղարաբաղա-ադրբեջանական զորքերի շփման գծի վրայի լարվածության արդյունքն էր: Այս մասին այսօր Երևանում կայացած մամուլի ասուլիսում հայտարարել է Միջազգային անվտանգության հայկական ինստիտուտի տնօրեն Ստեփան Սաֆարյանը:

 Իսկապես, գյուղմթերքի հայ արտահանողները կարող են էականորեն ընդլայնել դեպի Ռուսաստան արտահանումների ծավալները, բայց որպեսզի ամրապնդվեն այդ շուկայում երկարաժամկետ, պետք է արտադրեն որակով ու գնով մրցունակ ապրանք: Այդ մասին հայտարարել է Հայաստանի երկրորդ նախագահ Ռոբետ Քոչարյանը «Նոև Կովչեգում» հրապարակված հարցազրույցում:

 Beeline-ը հայտարարում է ֆիքսված հեռախոսակապի ծառայությունների սակագների զգալի իջեցման մասին, որոնք ուժի մեջ կմտնեն 2014 թ. սեպտեմբերի 1-ից: Նոր սակագները կգործեն Հայաստանում Beeline-ի ֆիքսված հեռախոսակապի բոլոր բաժանորդների համար:

Անհասկանալի է, թե ինչ կկատարվի Հայաստանի տնտեսության տարածաշրջանային բաղադիչի հետ Եվրասիական տնտեսական միություն մտնելուց հետո /խոսքը վերաբերում է Իրանի և Վրաստանի հետ ապրանքաշրջանառությանը/: Այդ մասին հայտարարել է Հայաստանի երկրորդ նախագահ Ռոբետ Քոչարյանը «Նոև Կովչեգում» հրապարակված հարցազրույցում:  

Հայաստանի երկրորդ նախագահը ձեռնպահ է մնում լավատեսական գնահատականներից Լեռնային Ղարաբաղի հակամարտության վերջնական կարգավորման հհեռանկարների վերաբերյալ: Այդ մասին հայտարարել է Հայաստանի երկրորդ նախագահ Ռոբետ Քոչարյանը «Նոև Կովչեգում» հրապարակված հարցազրույցում` մեկնաբանելով Հայաստանի, Ադրբեջանի և Ռուսաստանի նախագահների վերջին հանդիպումը:  

ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ 10 տարի առաջ, առաջին էր ՀՀ բանկային համակարգում, որը սկսեց ուսման վարկավորումը Հայաստանում: Անցած տարիների ընթացքում  մենք արդեն տրամադրել ենք ավելի քան 31.000 ուսման վարկեր: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, այսուհետև ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՈՒՄ ուսման վարկ կարելի է ստանալ ընդամենը 15 րոպեում՝ ներկայացնելով  ուսումնական  հաստատությունից  տեղեկանք, ուսանողի և վարկառուի անձերը հաստատող փաստաթղթերը և հանրային ծառայությունների համարանիշները:

 Հայաստանը ողջունում է ԱՄՆ Կալիֆորնիայի Սենատի որոշումը` Լեռնային Ղարաբաղի Հանրապետության անկախության ճանաչման վերաբերյալ: Այս մասին է նշվում ՀՀ արգործնախարար Էդվարդ Նալբանդյանի հայտարարության մեջ:

  «Միկա» մարզադաշը հարկադրված աճուրդի հանելը չի ծածկի «Արմավիա» ավիաընկերության բոլոր պարտքերը: Այս մասին այսօր լրագրողներին հայտարարել է ՀՀ ֆինանսների փոխնախարար Պավել Սաֆարյանը:

 Թուրքիայի իշխող Արդարություն և Զարգացում կուսակցության նոր առաջնորդ Ահմեդ Դավութօղլուի մանիֆեստի հիմնական շեշտադրումներն են հանդիսանում Հայկական հարցը և Կիպրոսը:

Թուրքիայի նախագահ Ռեջեփ Թայիփ Էրդողանի երդմնակալության արարողությանը մասնակցելուց հայկական կողմի հրաժարվելը կարող էր հանգեցնել Հայաստանի նկատմամբ միջազգային հանրության ճնշումների: Օգոստոսի 28-ին մամուլի ասուլիսում այդ մասին հայտարարել է թուրքագետ Հակոբ Չաքրյանը: