ԱրմԻնֆո.  Ավարտվել է առանձնապես խոշոր չափերով խարդախության փորձ կատարելու և քաղաքացիական գործով դատարանին կեղծ ցուցմունքներ ներկայացնելու փաստի առթիվ հարուցված քրեական գործի նախաքննությունը։ Այս մասին հայտնում է Քննչական կոմիտեի մամուլի ծառայությունը։

ԱրմԻնֆո. Ադրբեջանի կողմից կրակոցների դեպքում չպետք է ակնկալել պատասխան կրակոց, դա խաղաղություն չի բերի Հայաստանին։ Այս մասին սեպտեմբերի 16-ին լրագրողների հետ զրույցում հայտարարել է ՀՀ Ազգային ժողովի իշխող «Քաղաքացիական պայմանագիր» խմբակցության պատգամավոր Հասմիկ Հակոբյանը՝ պատասխանելով Գանձասարի վերաբերյալ պաշտոնական Բաքվի հայտարարությունների նկատմամբ իշխանությունների վերաբերմունքի մասին հարցին։

ԱրմԻնֆո.  Հայաստանի Անվտանգության խորհրդի քարտուղար Ալեն Սիմոնյանը և երկրում Վրաստանի դեսպան Գեորգի Շարվաշիձեն սեպտեմբերի 16-ին կայացած հանդիպման ընթացքում քննարկել են երկկողմ հարաբերություններին վերաբերող մի շարք հարցեր։

ԱրմԻնֆո.  Հայաստանի արտաքին գործերի նախարարության ղեկավարի տեղակալ Ռոբերտ Աբիսողոմոնյանը՝ Բռնի անհետացումների հարցերով կոմիտեի 31-րդ նստաշրջանի շրջանակներում Հայաստանի հետ երկխոսության ընթացքում, ներկայացրել է Կոմիտեի առաջարկությունների կատարման ուղղությամբ հանրապետության կողմից իրականացվող ջանքերը։ Խոսքը, մասնավորապես, այն իրավական, ինստիտուցիոնալ և գործնական միջոցների մասին է, որոնք ուղղված են բռնի անհետացման ենթարկված անձանց և նրանց ընտանիքների անդամների հիմնական իրավունքների պաշտպանության, օրենքի գերակայության և արդարադատության ապահովմանը։

ԱրմԻնֆո.  Հայաստանի Ազգային ժողովի իշխող «Քաղաքացիական պայմանագիր» խմբակցության փոխխոսնակն հերթական անգամ կոչ է արել հասարակական քննարկումների համատեքստում փակել հայ ռազմագերիների թեման։

ԱրմԻնֆո.  Օտարերկրյա քաղաքացիների մուտքի հասանելիության մակարդակով Հայաստանը 199 երկրների շարքում զբաղեցնում է 53-րդ տեղը, մինչդեռ հայկական անձնագրի վարկանիշը համաշխարհային մասշտաբով 114-րդ հորիզոնականում է։ Այդ մասին վկայում են ամերիկյան Passport Reports («Անձնագրային հաշվետվություններ») վերլուծական հարթակի՝ 2026 թվականի սեպտեմբերին ԱրմԻնֆո ստացված տվյալները։

ԱրմԻնֆո. Աշխատանքային այցով Վրաստանում գտնվող ՀՀ ներքին գործերի նախարար Արփինե Սարգսյանն իր ուղեկցությամբ այցելել է դատաբժշկական վարչություն և ծանոթացել դրա գործունեությանը։

ԱրմԻնֆո. Երևանում կայացած հանդիպման ընթացքում երկկողմ հայ-գերմանական օրակարգին առնչվող հարցերի լայն շրջանակ են քննարկել ՀՀ ԱԳ նախարարի տեղակալ Վահան Կոստանյանը և Գերմանիայի Բունդեսթագի Եվրամիության հարցերի հանձնաժողովի նախագահ Անտոն Հոֆրայթերի գլխավորած պատվիրակությունը։

ԱրմԻնֆո.  «Թրամփի ուղին՝ հանուն միջազգային խաղաղության և բարգավաճման» (TRIPP) ծրագիրն իրականացվում է այնպես, որ Հայաստանի ներգրավվածությունը, եկամուտը և ազդեցությունը հնարավորինս նվազագույն լինեն։ Այս մասին Facebook-ի իր էջում գրել է սահմանադրական իրավունքի մասնագետ, «Ուժեղ Հայաստան» կուսակցության անդամ Գոհար Մելոյանը՝ արձագանքելով Ադրբեջանի արտաքին գործերի նախարարության (ԱԳՆ) ղեկավարի՝ նախագծի իրականացման ընթացքին վերաբերող հայտարարությանը։

ԱրմԻնֆո.  Հայ Առաքելական Եկեղեցու Երուսաղեմի պատրիարքությունը վճռականորեն դատապարտում է Լեռնային Ղարաբաղի (Արցախի) Գանձասարի վանքում վերջերս տեղի ունեցած «ներկայացումը», որի ընթացքում դիվանագետների և այլ օտարերկրյա ներկայացուցիչների ներկայությամբ Ալիևի վարչակարգը ներկայացնող պաշտոնյաները ցուցադրում էին ձեռագրերի թանգարանային վերարտադրություններ՝ առաջ քաշելով պնդումներ, որոնք ուղղված էին այդ վայրը նրա հաստատված հայկական քրիստոնեական ինքնությունից անջատելուն։ Այս մասին ասվում է Երուսաղեմի պատրիարքության հայտարարության մեջ։

ԱրմԻնֆո.  Խաղաղության և անվտանգության գործընթացներում կանանց լիարժեք և արդյունավետ ներգրավվածության կարևորությունն ընդգծել է Հայաստանի արտաքին գործերի նախարարի տեղակալ Վահան Կոստանյանը «Եվրոպա-Եվրասիա» տարածաշրջանային գագաթնաժողովի՝ «Կանայք, խաղաղություն և անվտանգություն» թեմայով ելույթի ընթացքում։ Միջոցառումը կազմակերպել էր Միջազգային հանրապետական ինստիտուտի «Կանանց ժողովրդավարության ցանցը»։

ԱրմԻնֆո.  Տավուշի մարզի դատախազությունն իր լիազորությունների շրջանակում դատարան է ներկայացրել հայց՝ Վոսքևան համայնքի սեփականություն նախկին մանկապարտեզի շենքը վերադարձնելու պահանջով։ Այս մասին հայտնում է ՀՀ գլխավոր դատախազության մամուլի ծառայությունը։

ԱրմԻնֆո.  Պատերազմը մարդկության մեծագույն ձախողումներից մեկն է, սակայն պատերազմից հրաժարվելն ինքնին չի նշանակում ապրել խաղաղ պայմաններում։ Այս մասին Facebook-ի իր էջում գրել է Արցախի Հանրապետության պաշտպանության բանակի նախկին մամուլի խոսնակ, գնդապետ Սենոր Հասրաթյանը։

Արմինֆո.  Սեպտեմբերի 15-ին ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանն ընդունել է ԱՄՆ Կանզաս նահանգի ազգային գվարդիայի հրամանատար, բրիգադի գեներալ Փոլ Շնեյդերի գլխավորած պատվիրակությանը։

Արմինֆո. "Հայաստան" համահայկական հիմնադրամի հոգաբարձուների խորհուրդը հաստատել է հիմնադրամի զարգացման նոր ռազմավարական ուղղությունները:

Արմինֆո. Սեպտեմբերի 15-ին Մայր Աթոռ Սուրբ Էջմիածնում, Ամենայն հայոց Գարեգին Բ կաթողիկոսի նախագահությամբ սկսվել է Գերագույն հոգևոր խորհրդի հերթական ժողովը։

Արմինֆո. Կրթության զարգացման պետական ծրագրով սահմանված է հավակնոտ թիրախ՝ մինչև 2030 թվականը Հայաստանի առնվազն չորս բուհեր պետք է ընդգրկվեն միջազգային հեղինակավոր վարկանիշային աղյուսակների լավագույն 500-ի շարքում։ Այս մասին հայտնել է  ԿԳՄՍ նախարար Ժաննա Անդրեասյանը համաշխարհային համալսարանական վարկանիշավորման QS Quacquarelli Symonds կազմակերպության հետ համագործակցության մեկնարկի միջոցառմանը։

Արմինֆո. Թուրքիան ակնկալում է Հարավային Կովկասում տարածաշրջանային համագործակցության նոր փուլ սկսել՝ Ադրբեջանի և Հայաստանի միջև խաղաղության համաձայնագրի ստորագրումից հետո, հայտարարել է Թուրքիայի ԱԳ նախարար Հաքան Ֆիդանը:

Արմինֆո. Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները ՝ Հայաստանի վարչապետ Նիկոլ Փաշինյանի կողմից նախանշված երկկողմ կապերի գույքագրման շրջանակներում: Այդ մասին սեպտեմբերի 15-ին կայացած ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Արմինֆո. Երեւանի կողմից ԵՄ-ին անդամակցության գործընթացի մեկնարկի վերաբերյալ համազգային հանրաքվեի շուտափույթ անցկացման անհրաժեշտության վերաբերյալ Ռուսաստանի դիրքորոշումը փոփոխության չի ենթարկվել: Այդ մասին սեպտեմբերի 15-ին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։