Հայաստանի բուժհաստատությունների ղեկավարներ կարող են դառնալ նաեւ ոլորտի մասնագետ չհանդիսացղ անձինք

Արմինֆո. ՀՀ առողջապահության նախարարությունն առաջարկում է ընդլայնել պետական բժշկական հաստատությունների գործադիր մարմինների կազմում ընդգրկված անձանց մասնագիտական կրթության նկատմամբ պահանջները: ՀՀ Ազգային ժողովի հանձնաժողովն ապրիլի 21-ի նիստում դրական եզրակացություն է տվել "Բնակչության բժշկական օգնության եւ սպասարկման մասին" օրենքում երկրորդ ընթերցմամբ ՀՀ կառավարության ներկայացրած փոփոխությանը:

Ինչպես իր ելույթում նշել է ՀՀ առողջապահության նախարար Անահիտ Ավանեսյանը, փոփոխությունները հնարավորություն կընձեռեն ընտրելու ավելի որակյալ և կոմպետենտ կադրեր, որոնց նշանակումը առողջապահական կազմակերպությունների տնօրենների պաշտոններում կբարձրացնի կազմակերպությունների կառավարման և ընդհանուր գործունեության արդյունավետությունը:

Նախարարը հաղորդել է, որ առաջին ընթերցումից հետո կառավարությունից ստացվել է մեկ առաջարկ, որն ընդգրկվել է օրենքի նախագծում: Ինչպես հայտարարել Է նախարարը, օրենսդրական նախաձեռնությունը կարգավորում է աշխատանքային հարաբերությունները 100 տոկոս պետական բաժնեմաս ունեցող առողջապահական ընկերություններում, ինչպես նաեւ քաղաքային բաժնետիրական ընկերություններում եւ պետական կամ համայնքային ոչ առեւտրային կազմակերպություններում, այդ թվում ՝ սահմանում է նշված կազմակերպություններում ընթացիկ գործունեությունը կազմակերպող գործադիր մարմնի ղեկավարին ներկայացվող պահանջները: "Մենք ընդլայնում ենք բժշկական կազմակերպությունների գործադիր մարմինների կազմում ընդգրկված անձանց մասնագիտական կրթության պայմանները, քանի որ ՓԲԸ-ն, հանդիսանալով նաև շահույթ ստանալու ձգտող ձեռնարկատիրական կազմակերպություն, պետք է հնարավորություն ունենա ղեկավարության կազմում ընդգրկել նաև այնպիսի անձանց, ովքեր ունեն համապատասխան կրթություն, որը չպետք է սահմանափակվի միայն բժշկական կրթությամբ: Նրանք նաև պետք է համապատասխանեն գործադիր մարմիններում աշխատանքի բավարար փորձի պայմանին", - պարզաբանել է Ավանեսյանը։

Նախարարը, ով կրթությամբ իրավաբան է, նշել է, որ փոփոխությունն ուղղված է պետական բաժնեմաս ունեցող բժշկական հաստատությունների ֆինանսական կայունության և զարգացման ապահովմանը, ինչպես նաև չափելի ցուցանիշների ներդրմանը, որոնցով հնարավոր կլինի գնահատել ղեկավարների աշխատանքային գործունեությունը: "Մեզ համար չափազանց կարևոր է, որ պետական բաժնեմաս ունեցող ԲԿ-ները լինեն ֆինանսապես կայուն, առողջ և զարգացող", - ասել է նա:

ՀՀ առողջապահության նախարարը նաև հաղորդել է, որ գերատեսչությունը գնում է խոշորացման, այլ ոչ թե կազմակերպաիրավական ձևի կրճատման: "ՀՀ-ում ոչ մի ԲԿ, ամբուլատորիա չի կրճատվում, այլ խոշորացվում է։ Դա մեզ թույլ կտա ավելի արդյունավետ կառավարել, կրճատել վարչատնտեսական ծախսերը և մեր ֆինանսական ռեսուրսներն ուղղել բժշկական ծառայությունների բարձր որակի ապահովմանը՝ խուսափելով ավելորդ ծախսերից", - եզրափակել է Անահիտ Ավանեսյանը ։