COP17-ը կարևոր հարթակ կդառնա Կունմին-Մոնրեալի շրջանակային ծրագրի իրականացման առաջին գլոբալ ամփոփման համար. Արա Մկրտչյան

Արմինֆո. Կենսաբանական բազմազանության մասին կոնվենցիայի կողմերի 17-րդ համաժողովը (COP17) կարևոր հարթակ կդառնա Կունմին-Մոնրեալի շրջանակային ծրագրի իրականացման առաջին գլոբալ ամփոփման անցկացման համար:

Այդ մասին հայտարարել է ՀՀ շրջակա միջավայրի փոխնախարար Արա Մկրտչյանը՝ Կունմին-Մոնրեալի կենսաբազմազանության գլոբալ շրջանակային ծրագրի (GBF) իրականացման հավաքական առաջընթացի առաջին գլոբալ ամփոփմանը նվիրված մամուլի ասուլիսի ժամանակ։ Մամուլի ասուլիսը տեղի է ունեցել Աստանայում 2026 տարածաշրջանային բնապահպանական գագաթնաժողովի (RES) շրջանակներում:

Մկրտչյանը տեղեկացրել է, որ COP17-ն այս տարի կանցկացվի Երևանում հոկտեմբերի 19- 30-ը՝ "Միջոցներ ձեռնարկել հանուն բնության շահերի" կարգախոսով։

Խորհրդաժողովը, ըստ փոխնախարարի, կծառայի նաեւ որպես հարթակ մասնակից երկրների առաջընթացի գնահատման, ազգային ռազմավարությունների եւ պլանների ուժեղացման, կենսաբազմազանության պահպանման միջազգային ջանքերի մոբիլիզացման համար։

Հանդիպման մասնակիցները նշել են, որ COP անցկացումն ընդգծում է տարածաշրջանի կաաարեեեւորությւոնը գլոբալ էկոլոգիական օրակարգում և նոր հնարավորություններ է ստեղծում միջազգային երկխոսության եւ համագործակցության ընդլայնման համար։

Կողմերը վստահություն են հայտնել, որ առաջիկա համաժողովը կարևոր քայլ կդառնա կենսաբազմազանության պահպանման և կայուն ապագայի ապահովման գլոբալ նպատակներին հասնելու ճանապարհին:

Ասուլիսի ընթացքում Կենսաբանական բազմազանության մասին կոնվենցիայի գործադիր քարտուղար Աստրիդ Շոմակերը բարձր է գնահատել Ղազախստանի կողմից կենսաբազմազանության վերականգնման և պահպանման ուղղությամբ տարվող աշխատանքները: Փորձագետն ընդգծել է, որ հանրապետությունն այդ ուղղությամբ ակտիվ միջոցներ է ձեռնարկում ոչ միայն Կոնվենցիայի շրջանակներում, այլև դրանից դուրս:

Մասնավորապես, Շումակերը բարձր է գնահատել Ղազախստանի ջանքերը Հյուսիսային Արալյան ծովի էկոհամակարգերի վերականգնման, ինչպես նաև թուրանյան վագրի և Պրժևալսկու ձիու վերաինտեգրման ուղղությամբ: Գործադիր քարտուղարը նշել է, որ 8 մլն բույսերից ու կենդանիներից մոտ 1 միլիոնն անհետացման վտանգի տակ է, շատերը կարող են անհետանալ մոտակա տասնամյակների ընթացքում ։ «Կենսաբազմազանության կորուստը խաթարում է էկոհամակարգային ծառայությունները, որոնցից կախված է պարենային անվտանգությունը, տնտեսությունը եւ միլիոնավոր մարդկանց առողջությունը», - ասել է նա:

Նշենք, որ Կենսաբազմազանության Կունմին-Մոնրեալի շրջանակային ծրագիրը (Kunming-Montreal Global Biodiversity Framework) միջազգային համաձայնագիր է, որն ընդունվել Է 2022 թվականին ՄԱԿ - ի կենսաբազմազանության համաժողովում (COP15), որը սահմանում է բնության պահպանության գործողությունների գլոբալ ծրագիրը մինչև 2030 և 2050 թվականները: Ծրագրի էությունն է․ դադարեցնել և կանխել կենսաբազմազանության կորուստը' ապահովելով «բնության հետ ներդաշնակ կյանք»: