Քաղաքագետը՝ ԵՄ-ի հետ Հայաստանի հարաբերությունների մասին․ պաշտոնական Երևանի համար անվտանգությունը կարևոր է՝ առաջին հերթին

Արմինֆո.  Պաշտոնական Երևանի համար անվտանգությունը կարևոր է՝ առաջին հերթին ։ Այդ մասին իր հոդվածում գրում է "Կովկաս" ինստիտուտի տնօրեն, քաղաքագետ Ալեքսանդր Իսկանդարյանը՝ խոսելով Եվրոպական քաղաքական համայնքի առաջիկա գագաթնաժողովի և Հայաստան - Եվրամիություն առաջին գագաթնաժողովի մասին:

Իսկանդարյանի խոսքով ՝ անվտանգությունը նշանակում է, որ պաշտոնական Երևանը փորձում է երկիրը դիտարկել որպես եվրոպական: Հայաստանը, նույնիսկ, օրենք է ընդունել, որով փորձելու է զարգացնել հարաբերությունները Եվրոպական միության հետ։ Սակայն, ինչպես նկատեյ է քաղաքագետը, չպետք է անտեսել հայկական պետության հարևանների շահերը, որոնք հանդես են գալիս որպես մեկ ամբողջություն: "Մենք ունենք Թուրքիա, Իրան, Ադրբեջան և Վրաստան՝ որպես հարևաններ։ Եվ բոլոր չորս հարևանները բավականին խնդրահարույց են մեզ համար, քանի որ Վրաստանը բավականին բարդ հարաբերություններ ունի ինչպես Եվրոպայի, այնպես էլ Ռուսաստանի հետ։ Ինչ վերաբերում է Իրանին, ապա ակնհայտ է, որ այժմ իրավիճակը բավականին բարդ է Թեհրանի և Արևմուտքի հարաբերություններում։ Միանգամայն ակնհայտ է, որ Թուրքիան և Ադրբեջանը քիչ խնդիրներ չունեն մեզ հետ հարաբերություններում։ Ընդ որում, կարող է տեղի ունենալ նաև հակառակը, որովհետև մենք նույնպես խնդիրներ ունենք Ադրբեջանի և Թուրքիայի հետ հարաբերություններում։ Իրավիճակը պարզ չէ, եւ նման իրավիճակում հասկանալի է, որ Եվրոպան՝ մոտ 40 երկրների ներկայացուցիչներով, կարող է նշել խնդրի առկայությունը", - նշել է Ալեքսանդր Իսկանդարյանը։

Նա հավելել է, որ Հայաստանն, իհարկե, կարող է փորձել այդ հարցերը լուծել ոչ թե Կալաշնիկովի ինքնաձիգների օգնությամբ, այլ՝ բանակցությունների սեղանի շուրջ: "Առաջիկա գագաթնաժողովը յուրովի աջակցություն է Հայաստանին ԵՄ կողմից, բայց, չեմ կարծում, որ այն էական ազդեցություն կունենա, քանի որ խնդիրներն, իսկապես, բավականին լուրջ են ։ Եվրոպան, պարզապես, կարող է աջակցություն ցուցաբերել, ինչը կօգնի ձևավորել անհրաժեշտ մթնոլորտ։ Բայց դա հեշտ է ասել, քանի որ, եթե ձեզ չի հետաքրքրում քաղաքականությունը, քաղաքականությունը կհետաքրքրվի ձեզանով: Ամեն բան բավականին պարզ է: Եթե մենք ուզում ենք շարունակել համագործակցությունը Եվրոպայի հետ, և եթե ուզում ենք, որ նրա հետ հարաբերությունների զարգաման այդ գործընթացը շարունակվի, եթե ուզում ենք Եվրոպա գնալ առանց վիզայի, եթե ուզում ենք, որ եվրոպական նորմերը գան Հայաստան, որպեսզի Հայաստանը համագործակցի եվրոպական երկրների հետ, ապա դրանում պետք է շահագրգռված լինենք, առաջին հերթին, մենք՝ ինքներս, որովհետև դա աշխատում է ի բարօրություն բոլորիս", - նշել է քաղաքագետը։

Այնուամենայնիվ, ինչպես կարծում է քաղաքագետը, հազիվ թե դա ինչ-որ կերպ փոխի ողջ գործընթացը ։ "Գագաթնաժողովը ցույց կտա, թե ինչպես է այն զարգանում, ինչպես է տեղի ունենում, այսպես կոչված, դիվերսիֆիկացումը, ինչպես է Եվրամիությունն աջակցում Հայաստանին այդ գործընթացում, ինչը բավականին կարևոր է", - ընդգծեկ է քաղաքագետը:

Հիշեցնենք, որ մայիսի 4-ին Երևանում տեղի կունենա Եվրոպական քաղաքական համայնքի գագաթնաժողովը: Դրան զուգահեռ կկայանա Հայաստան - Եվրոպական միություն առաջին բարձր մակարդակի հանդիպումը։ Ինչպես սպասվում է, միջոցառումներին կմասնակցեն աշխարհի 40 երկրների բարձրաստիճան պատվիրակություններ: