Ալեն Սիմոնյան․ Հայաստանը, պաշտպանելով սեփական շահերը, չպետք է հետ նայի Ռուսաստանին

Արմինֆո.Հայաստանը, պաշտպանելով սեփական շահերը, չպետք է հետ նայի՝ արդյոք Ռուսաստանը չի նեղվել։ Այդ մասին մայիսի 6-ին ճեպազրույցում հայտարարել է ԱԺ նախագահ Ալեն Սիմոնյանը՝ մեկնաբանելով Երեւանում եվրոպական առաջնորդների հայտարարություններից հետո հայ-ռուսական հարաբերություններին հասցված հնարավոր վնասի մասին հարցը։

Նա անդրադարձել է հայելային մոտեցմանը, նշելով, որ երբ ՌԴ-ն իր շահերն է հետապնդում, չի նայում ՝ Հայաստանի շահերը ոտնահարվում են, թե՝ ոչ։ Որպես օրինակ ՝ ԱԺ նախագահը հիշեցրել է Ադրբեջանի հետ պատերազմի մասին, նշելով, որ Ռուսաստանը զենք է վաճառել Ադրբեջանին և դաշնակցային հարաբերությունների մեջ է եղել: "Նրանք ասում էին, որ անկախ պետություն են և իրենց հարաբերություններն ունեն այլ պետությունների հետ", - նշել է Սիմոնյանը:

Անդրադառնալով ՌԴ-ից տնտեսական կախվածության մասին ակնարկին՝ խորհրդարանի ղեկավարն առաջարկել է ընտրություն կատարել կոշիկի տակ ծնկաչոք, բերանը փակ, առանց ազատ ԶԼՄ-ների ապրելու կամ առանց պատերազմի, գրոհների, այդ թվում՝ քաղաքական հարձակումների ապրելու և սեփական երկիրը ղեկավաարելու փորձի միջև: "Դա վերաբերում է ցանկացած երկրի՝ լինի դա Ռուսաստանը,  Ֆրանսիան, մեկ այլ պետություն։ Մի "մեծ եղբորը" փոխարինել մյուսով ՝ ոչ, ազատությունը զիջել ՝ ոչ։ Դա ընտրության հարց է", - ասել է նա, նկատելով, որ նախկինում Հայաստանը "ծնկաչոք" է եղել ՝ վկայակոչելով ընտրությունների արդյունքները, դեսպանությունների գործունեությունը և այլն ։