Էդմոն Մարուքյան. նախագահի աթոռին այլ մարդ պետք է լինի, մենք առաջարկում ենք Միքայել արքեպիսկոպոս Աջապահյանի թեկնածությունը

Արմինֆո. Հայաստանում կայանալիք ընտրությունները սովորական չեն, ուստի "Լուսավոր Հայաստան" կուսակցությունը դրանց մասնակցում է ոչ սովորական պայմաններում։ Կուսակցությունը հետապնդում է միայն մեկ նպատակ՝ պաշտպանել պետականությունը, ինքնությունը, հայ ժողովրդի հիշողությունը, պատմությունը, ստեղծված մշակույթը, ավանդույթները, կրոնը և եվրոպական մոդելի ազգային պետությունը: Այդ մասին մայիսի 7-ին մամուլի ասուլիսի ժամանակ հայտարարել է կուսակցության առաջնորդ Էդմոն Մարուքյանը։

Նա նշել է, որ կուսակցությունն ընտրություններին գնում է "պաշտպանենք մեր ինքնությունը" կարգախոսով ։ "Մենք կոչ ենք անում մարդկանց քվեարկել "Լուսավոր Հայաստանի" օգտին, որն Ազգային ժողովում կարողանա ձեւավորել մի խմբակցություն, որի գործունեությունն ուղղված լինի հայ ժողովրդի ինքնության պաշտպանությանը՝ ինչպես երկրի ներսում, այնպես էլ նրա սահմաններից դուրս, ինչպես նաեւ իր նպաստը բերել ապագա կառավարության ձեւավորմանը:

Մարուքյանը նաև ցուցադրել է ընտրարշավի խորհրդանիշը՝ վահանը, որի վրա պատկերված են հայկական ինքնության սյուները: «Այստեղ կարող եք գտնել հայ ժողովրդի բազմադարյա պատմության խորհրդանիշները՝ Հայաստանի Հանրապետության զինանշանը, որը վտանգված է: Դուք գիտեք, որ պայքար է գնում Արարատ լեռը այստեղից հեռացնելու համար։ Հաջորդը աստվածատուր հայ գործիչ Մեսրոպ Մաշտոցն ու Մայր Աթոռ Էջմիածինն են ՝ որպես առաջին քրիստոնյա ազգ»: Մարուքյանը նաև ընդգծել է, որ իրենց նախընտրական ծրագիրն իր մեջ ներառում է նախագահական ինստիտուտի վերափոխման կետ: «Մինչ սուպերվարչապետի սահմանադրությունն ապամոնտաժելը, մինչ այդ սահմանադրությունը փոխելը, մենք տեսնում ենք, որ նախագահական ինստիտուտում պետք է այլ մարդ լինի, և մենք առաջարկում ենք Միքայել Աջապահյանին՝ Հայ Առաքելական Սուրբ Եկեղեցու արքեպիսկոպոս, Շիրակի թեմի առաջնորդ, ով այլևս չի կարող կատարել իր առաքելությունը, քանի որ քաղաքական բանտարկյալ է։ Մենք նրա թեկնածության մեջ տեսնում ենք մեր տեսլականը։ Մենք նաեւ առաջարկել ենք բոլոր քաղաքական ուժերին իրենց կարծիքն արտահայտել այդ հարցի վերաբերյալ", - նշել է Մարուքյանը։