Արմինֆո. ԵՆԲ խումբը (ԵՆԲ և ԵՆՀ) կտրամադրի մասնակի պորտֆելային երաշխիք` ապահովելով մինչև 106.25 միլիոն եվրոյի նոր ֆինանսավորման հնարավորություն ՓՄՁ-ների համար։
Եվրոպական ներդրումային բանկը (ԵՆԲ) և Եվրոպական ներդրումային հիմնադրամը (ԵՆՀ), որոնք միասին ներկայացնում են ԵՆԲ խումբը, միավորում են ուժերն Ամերիաբանկի հետ՝ Հայաստանում միկրո, փոքր և միջին ձեռնարկությունների (ՄՓՄՁ) ֆինանսավորման հասանելիությունն ընդլայնելու համար։
Գործարքն իրենից ներկայացնում է մասնակի պորտֆելային երաշխիք, որը թույլ կտա Ամերիաբանկին ձևավորել մինչև 106.25 միլիոն եվրոյի նոր վարկային պորտֆել՝ նպաստելով բիզնեսի աճին և տնտեսական կայունությանը։
Այս նոր նախաձեռնությունը հիմնված է ԵՆԲ-ի և Ամերիաբանկի միջև արդեն իսկ առկա գործընկերության վրա և հաստատությունների միջև երկրորդ ուղղակի գործարքն է։ Դրա նպատակն է բարելավել ֆինանսավորման հասանելիությունը հայկական ՄՓՄՁ-ների համար, մասնավորապես այն ձեռնարկությունների, որոնք դժվարությունների են հանդիպում մատչելի ֆինանսավորում ստանալու հարցում։
Ակնկալվում է, որ գործարքը կաջակցի շուրջ 900 ՄՓՄՁ-ների և կնպաստի ավելի քան 5000 աշխատատեղի պահպանմանն ամբողջ Հայաստանում՝ նպաստելով երկրի տնտեսական զարգացմանը և մասնավոր հատվածի աճին։
Ստորագրման արարողությունը տեղի ունեցավ Երևանում՝ Ամերիաբանկի ֆինանսական գծով տնօրեն Հովհաննես Թորոյանի և ԵՆԲ փոխնախագահ Կարլ Նեհամերի մասնակցությամբ։ Միջոցառմանը Եվրոպական միության անունից ելույթ ունեցավ Հայաստանում Եվրոպական միության դեսպան Վասիլիս Մարագոսը։
ԵՆԲ փոխնախագահ Կարլ Նեհամերը, որը վերահսկում է ԵՆԲ գործունեությունը Հայաստանում, ասաց.
«Փոքր բիզնեսները Հայաստանի տնտեսության հենասյունն են, և ֆինանսավորման հասանելիությունը կարող է վճռորոշ դեր ունենալ նրանց աճի համար։ Այս համաձայնագրի շնորհիվ մենք ձեռնարկատերերի համար ստեղծում ենք ներդրումներ կատարելու, ընդլայնվելու և ավելի կայուն բիզնես կառուցելու իրական հնարավորություններ։ Լավ գաղափարները չպետք է թղթի վրա մնան ֆինանսավորման պակասի պատճառով»։
Երաշխիքը հնարավոր է դարձել Եվրոպական միության կողմից «ԵՄ-ն բիզնեսի համար» (EU4Business) երաշխիքային գործիքի շրջանակներում տրամադրված ֆինանսական աջակցության շնորհիվ։ Այս նախաձեռնությունն իրականացվում է ԵՄ-ի ավելի մեծ ջանքերի շրջանակներում, որոնք ուղղված են կայուն տնտեսական զարգացման խթանմանը, մրցունակության բարձրացմանը և Հայաստանում նորարարությանը աջակցելուն։
Հայաստանում ԵՄ դեսպան Վասիլիս Մարագոսը նշեց.
«Փոքր բիզնեսին աջակցելը նշանակում է աջակցություն աշխատատեղերի ստեղծմանը, նորարարությանը և երկարաժամկետ կայունությանը։ Ամերիաբանկի և ԵՆԲ խմբի այս գործընկերության միջոցով մենք օգնում ենք հայկական ընկերություններին, որպեսզի վերջիններս հասանելիություն ստանան առաջ շարժվելու, զարգանալու և նոր շուկաներ գտնելու համար անհրաժեշտ ֆինանսական միջոցներին։ Այսօր ստորագրված երաշխիքային համաձայնագիրը վերջերս ընդունված` ԵՄ-Հայաստան գործընկերության ռազմավարական օրակարգի ներքո մեր քաղաքական և տնտեսական համագործակցությունն ընդլայնելու իրական օրինակ է: Ռազմավարական օրակարգը վերահաստատում է Եվրոպական միության հանձնառությունը` աջակցելու Հայաստանին հասարակության կայունությունը և տնտեսական մրցունակությունն ամրապնդելու հարցում` երկու գործոն, որոնք անբաժանելի են մասնավոր ներդրումների և նոր աշխատատեղերի ստեղծման գործընթացներից»։
Ամերիաբանկի Ֆինանսական գծով տնօրեն Հովհաննես Թորոյանը եզրափակեց.
«Փոքր բիզնեսին աջակցությունը ռազմավարական ուղղություն է Ամերիաբանկի համար։ Այս համագործակցությունը մեզ թույլ է տալիս ձեռք մեկնել ավելի շատ բիզնեսների, որոնք պատրաստ են աճել, բայց ճիշտ ֆինանսական աջակցության կարիքն ունեն։ Ընդլայնելով ֆինանսավորման հասանելիությունը՝ մենք կշարունակենք օգնել ձեռնարկատերերին կյանքի կոչել իրենց ծրագրերը, խթանել իրենց գործունեությունը և, ամենակարևորը, ավելի ակտիվ ներդրում ունենալ Հայաստանի տնտեսության զարգացման մեջ։ Մեր գործընկերությունն ուղղված է ամենակարևոր ոլորտում առաջընթաց ապահովելուն»։
Ընդհանուր տեղեկատվություն
ԵՆԲ խումբ
Եվրոպական ներդրումային բանկի (ԵՆԲ) խումբը Եվրոպական միության ֆինանսավորման ճյուղն է, որը պատկանում է 27 անդամ պետություններին` հանդիսանալով աշխարհի խոշորագույն բազմակողմ զարգացման բանկերից մեկը։ 2025 թվականին ԵՆԲ խումբը ստորագրել է 100 միլիարդ եվրոյի նոր ֆինանսավորման և խորհրդատվական ծառայությունների համաձայնագրեր բարձր ազդեցության ավելի քան 870 նախագծերի համար՝ ԵՄ քաղաքականության նպատակների իրագործմանը նպաստող ութ հիմնական առաջնահերթ ուղղությունների ներքո՝ կլիմային վերաբերող գործողություններ և շրջակա միջավայր, թվայնացում և տեխնոլոգիական նորարարություն, անվտանգություն և պաշտպանություն, տարածքային համախմբվածություն, գյուղատնտեսություն և կենսատնտեսություն, սոցիալական ենթակառուցվածքներ, ամուր համաշխարհային գործընկերություններ, խնայողությունների և ներդրումների միություն։ Ի լրումն խոշոր ենթակառուցվածքների համար նախատեսված երկարաժամկետ վարկերի, ԵՆԲ խումբը ներգրավում է մասնավոր ներդրումներ բարձր ռիսկային նորարարական նախագծերի և բիզնեսների համար՝ ավելի ու ավելի կարևոր դեր խաղալով վենչուրային պարտքի, վենչուրային կապիտալի, երաշխիքների և արժեթղթերի եվրոպական շուկաներում։
Եվրոպական ներդրումային հիմնադրամը (ԵՆՀ) ԵՆԲ խմբի դուստր ձեռնարկությունն է, որը մասնագիտանում է երաշխիքների և կապիտալի տրամադրման մեջ՝ Եվրոպայում փոքր և միջին ձեռնարկությունների ու ստարտափների համար ֆինանսավորման հասանելիությունը բարձրացնելու համար։ Հանդես գալով որպես «խարիսխային» ներդրող՝ ԵՆՀ-ն մոբիլիզացնում է մասնավոր ներդրումները գործընկեր բանկերի և ներդրումային ֆոնդերի իր լայն ցանցի միջոցով և զարգացնում վենչուրային կապիտալի ֆոնդերի էկոհամակարգը՝ եվրոպացի նորարար ձեռնարկատերերին աջակցելու համար։
2023 թվականին ԵՆՀ-ն վեց անդամ պետությունների (Ֆրանսիա, Գերմանիա, Իտալիա, Իսպանիա, Բելգիա և Նիդերլանդներ) հետ համատեղ մեկնարկեց «Եվրոպական տեխնոլոգիական չեմպիոնների նախաձեռնությունը» (European Tech Champions Initiative), որը նորարարական ստարտափների ընդլայնման համար նախատեսված հիմնադրամների հիմնադրամ է։ Մինչ օրս այդ նախաձեռնությունն արդեն հնարավոր է դարձրել եվրոպական վենչուրային կապիտալի 14 մեգահիմնադրամի ստեղծումը և 43 ընկերության ընդլայնումը, ներառյալ 11 «միաեղջյուր» ընկերություն (ավելի քան 1 միլիարդ եվրո կապիտալով)։
ԵՆԲ խմբի ներկայացուցիչների և գլխամասային գրասենյակի լուսանկարները, լոգոտիպի ֆայլերը և լրատվամիջոցների համար նախատեսված լրացուցիչ տեսանյութերը հասանելի են այստեղ։
«Ամերիաբանկ» ՓԲԸ
Ամերիաբանկը ֆինանսական և տեխնոլոգիական առաջատար հաստատություն է, ՀՀ տնտեսական ոլորտի նշանակալի դերակատարներից մեկը: Թվային փոխակերպման ռազմավարության ներքո բանկը շարունակաբար ներդնում և կատարելագործում է նորարարական պրոդուկտներ, ծառայություններ և հարթակներ, որոնք միտված են բավարարելու մարդկանց ֆինանսական և ոչ ֆինանսական կարիքները։ Ամերիաբանկը, որպես դինամիկ զարգացող ֆինթեք միջավայր, առաջարկում է կյանքի որակը բարելավող ամբողջական լուծումներ:
Փորձագետ. Հայաստանի վրա տնտեսական ճնշումը կարող է գործնականում անցավ լինել ԵԱՏՄ մյուս անդամների համար, բայց ոչ հենց Հայաստանի համար
Ֆրանսիայում բողոքի ցույցերի փորձագետ. Քաղաքակրթությունները մարում են, երբ հասարակությունը կորցնում է ապագայի տեսլականը
Թուրքագետ․ Ադրբեջանն ամենազոր չէ․ նրա խոցելիությունները պետք է դառնան Հայաստանի անվտանգության ռազմավարության մաս
Կարծիք․ Ջերմուկի ծոցում Ամուլսարի բացումը էկոլոգիական աղետի մեկնարկ է Հայաստանում
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Վիեննայի միջազգային փառատոնին Արցախի մշակութային համույթների մասնակցությունը չեղարկվել է մի քանի դեսպանատների միջամտությունից հետո
Փորձագետ. Հայաստանին ժամանակն է հրաժարվել անորոշությունից և ընտրություն կատարել Արևմուտքի ու Արևելքի միջև
Հայաստանի ԱԳՄԱ նախարարը մեկնաբանել է երկրի վերադարձը ՀԱՊԿ շրջանակներում աշխատանքներին
Արցախի Հանրային խորհուրդը վրդովմունք է հայտնել ՄԱԿ-ի գլխավոր քարտուղարի վարքագծի վերաբերյալ
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
