Արմինֆո.Երևանի «Մոսկվայի տուն» կենտրոնում մեկնարկել է «Սպիտակի երկրաշարժ. ժողովուրդներին միավորած ողբերգությունը» խորագրով համաժողովը
Երևանի «Մոսկվայի տուն» կենտրոնում իր աշխատանքներն է սկսել «Սպիտակի երկրաշարժ. ժողովուրդներին միավորած ողբերգությունը» խորագրով համաժողովը, որին մասնակցում են Ռուսաստանի և Հայաստանի փրկարարական ծառայությունների ներկայացուցիչները:
Ինչպես հայտնում է «Մոսկվայի տուն» կենտրոնի մամուլի ծառայությունը, ողջունելով ներկաներին՝ Մոսկվայի արտաքին տնտեսական և միջազգային կապերի դեպարտամենտի ղեկավարի առաջին տեղակալ Իգոր Տկաչն ընդգծել է նման համաժողովների կարևորությունը գործարար ու հումանիտար կապերի ամրապնդման, ինչպես նաև Ռուսաստանի և Հայաստանի պրոֆիլային կառույցների միջև կայուն երկխոսության ձևավորման գործում:
«Խորհրդանշական է, որ այս հանդիպումն անցկացվում է Հայրենական մեծ պատերազմում տարած հաղթանակի 81-րդ տարեդարձի տոնակատարության օրերին, որը մեր ժողովուրդներին միավորում է ընդհանուր հիշողությամբ և հարգանքով մեր հայրերի ու պապերի սխրանքի հանդեպ: Դժվար է գերագնահատել այսօրվա միջոցառման նշանակությունը. սա կարևոր հարթակ է մեր երկրների փրկարարական ծառայությունների ներկայացուցիչների փորձի փոխանակման համար, որոնք այս ոլորտում փոխգործակցության հարուստ պատմություն ունեն: Դրա վառ օրինակն է ռուս մասնագետների մասնակցությունը 1988 թվականի Սպիտակի երկրաշարժի հետևանքների վերացմանը, և մենք ուրախ ենք, որ այսօր մեր հանդիպման մասնակիցների թվում ներկա են այդ տխուր իրադարձությունների անմիջական մասնակիցներ Ավետիկ Ասլանյանն ու Յուրի Ռասկազովը: Կարծում եմ՝ նրանք նույնպես պատմելու և կիսվելու շատ բան կունենան», - ասել է Իգոր Տկաչը:
Իր հերթին, ՀՀ-ում ՌԴ դեսպանության խորհրդական Ալեքսանդր Նովիկովն ընթերցել է Ռուսաստանի դեսպան Սերգեյ Կոպիրկինի ողջույնի խոսքը համաժողովի մասնակիցներին, որում նշված էր, որ մեր երկրների փրկարարական ծառայությունների փոխգործակցությունը հին պատմություն ունի, և դրա շնորհիվ, մասնավորապես, Սպիտակի երկրաշարժի ողբերգական օրերին հաջողվել է բազմաթիվ կյանքեր փրկել, ինչը դարձավ մեր ժողովուրդների իսկական եղբայրության դրսևորումը:
«Այսօր Ռուսաստանի և Հայաստանի փրկարարական ծառայությունների համագործակցությունը շարունակում է ակտիվորեն զարգանալ: Մեր երկրների փրկարարներն արդեն ավելի քան տասը տարի հաջողությամբ համագործակցում են Հայ-ռուսական հումանիտար արձագանքման կենտրոնի ստեղծման մասին համաձայնագրի շրջանակներում, որը հարթակ է դարձել փորձի փոխանակման, համատեղ վարժանքների և արտակարգ իրավիճակներում օպերատիվ օգնության համար: Վստահ եմ, որ այսօրվա հանդիպումը լրացուցիչ թափ կհաղորդի երկկողմ մասնագիտական կապերին և հերթական քայլը կդառնա մեր պետությունների քաղաքացիների անվտանգության մակարդակի բարձրացման գործում», - ասված էր ուղերձում:
Որպես հյուրընկալող կողմ՝ ներկաներին ողջունել է Երևանում «Մոսկվայի տուն» կենտրոնի տնօրեն Հայկ Մելիքյանը՝ մաղթելով նրանց հաջող և արդյունավետ աշխատանք:
Իրենց հերթին հայկական կողմի ներկայացուցիչները հաստատել են նման համաժողովների կազմակերպման կարևորությունը։ «Այսպիսի հանդիպումները իրական օգուտ են բերում մասնագետների միջև շփման, փորձի փոխանակման և հետագա փոխգործակցության վեկտորների հստակեցման առումով»,- ասել է Երևանի քաղաքապետարանի արտաքին կապերի վարչության պետ Դավիթ Գևորգյանը։
Համաժողովի աշխատանքներին մասնակցել են նաև ՀՀ ՆԳՆ փրկարար ծառայության տնօրենի տեղակալ Արսեն Մկրտչյանը, Մոսկվայի քաղաքացիական պաշտպանության, արտակարգ իրավիճակների և հրդեհային անվտանգության հարցերով դեպարտամենտի Հարավարևելյան վարչական շրջանի վարչության պետ Գերման Դոբրյակովը, Հայ-ռուսական հումանիտար արձագանքման կենտրոնի տնօրեն Արմեն Օհանյանը, ՀՀ-ում «Ռոսսոտրուդնիչեստվո» ներկայացուցչության ղեկավարի տեղակալ Եկատերինա Անդրեևան, ռուսական «Էրեբունի» ավիաբազայի ներկայացուցիչներ և այլք։
Համաժողովի ընթացքում մասնակիցները պատմել են իրենց աշխատանքի մասին, կիսվել մշակումներով ու կուտակված փորձով և քննարկել հետագա համագործակցության հնարավորությունները։
Մոսկվայի կառավարության, Մոսկվայի արտաքին տնտեսական և միջազգային կապերի դեպարտամենտի, Մոսկվայի հայրենակիցների տան և Երևանի «Մոսկվայի տուն» կենտրոնի կողմից կազմակերպված ֆորումի շրջանակներում մասնակիցները կայցելեն Գյումրի և Սպիտակ, որտեղ տեղի կունենան Սպիտակի երկրաշարժի զոհերի հիշատակին նվիրված հուշարձաններին ծաղիկների խոնարհման արարողություններ։
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Թուրքագետ. Ադրբեջանը երբեք, ոչ մի պարագայում չի դադարի հայ ժողովրդի վրա ճնշում գործադրելուց
Քաղաքագետ. Մենք պետք է հեռանանք «երբ» հարցից և այն փոխարինենք ավելի կարևոր հարցերով
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
