Հայաստանը մասնակցել է Հայրենական մեծ պատերազմում հաղթանակի 82-րդ տարեդարձին նվիրված "Ճշմարտությունը մեկն է" նախագծին․ «Ռոսսոտրուդնիչեստվո»

Արմինֆո.Մայիսի 11-17-ը Հայաստանի ներկայացուցիչները մասնակցել են Հայրենական մեծ պատերազմում խորհրդային ժողովրդի հաղթանակի 82-րդ տարեդարձին նվիրված պետերբուրգյան "Ճշմարտությունը մեկն է" նախագծին:

Ինչպես հաղորդել են Երևանում Ռուսական տան մամուլի ծառայությունից, նախագծի շրջանակներում մեկ շաբաթվա ընթացքում մասնակիցներն այցելել են առաջատար պատմաբանների դասախոսություններ, թեմատիկ թանգարաններ և հուշահամալիրներ, հանդիպել Լենինգրադի պաշարման ականատեսների հետ, մասնակցել երիտասարդության հայրենասիրական դաստիարակության և պատմության կեղծմանը հակազդելու վերաբերյալ կլոր սեղանների և քննարկումների: Ծրագրի հուզիչ պահը Լենինգրադի պաշարման ականատեսների հետ հանդիպումն էր. կանայք կիսվել են պաշարված մանկության հիշողություններով, որոնք անտարբեր չեն թողել ոչ ոքի:

Հայաստանը, ըստ աղբյուրի, ներկայացրել են "Ուղղափառ կանանց միություն" Միջազգային հասարակական կազմակերպության մասնաճյուղի տնօրեն Անահիտ Գրիգորյանցը և լրագրող, դասախոս Տաթևիկ Լազարյանը:

Գրիգորյանցն իր ողջույնի խոսքում ընդգծել է Հայաստանի և Լենինգրադի առանձնահատուկ կապը պաշարման ողբերգական տարիներին: "Ավելի քան 200 փոքրիկ, պաշարումից հյուծված լենինգրադցիների է ընդունել Հայաստանը։ Նրանք այստեղ գտել են իրենց երկրորդ տունը։ Լենինգրադի համար մարտնչել են Խորհրդային Միության 10 հայ հերոսներ, որոնց թվում են Սևծովյան և Բալթյան նավատորմերի կրկնակի հերոս օդաչու, փոխգնդապետ Նելսոն Ստեփանյանը, նավատորմի ծովակալ, Լենինգրադի ռազմածովային ակադեմիայի պետ, ռազմաճակատի ռազմական խորհրդի անդամ և գերագույն գլխավոր հրամանատարության շտաբի ներկայացուցիչ Իվան Իսակովը ։ Լենինգրադի 100 հազար հայ պաշտպաններից, որոնցից 40 հազարը կամավորներ էին և, պարզապես, քաղաքի պաշտպաններ, 20 հազարը տուն չեն վերադարձել. փոքր Հայաստանի համար սրանք վիթխարի թվեր են", - նշել է նա։

Գրիգորյանցը մասնակիցներին ցույց է տվել նաև "Պաշարված Լենինգրադի երեխաներին" երևանյան հուշարձանի լուսանկարը և պատմել, որ ամեն տարի հունվարի 27-ին՝ պաշարման վերացման օրը, Հայաստանում ծաղիկներ են դնում այդ հուշարձանի մոտ:

Իր հերթին՝ Լազարյանը ներկայացրել է "Հետհիշողություն և ընտանեկան պատումներ Հայրենական մեծ պատերազմի մասին" հետազոտական աշխատանքը, որը նվիրված է սերունդների միջև ընտանեկան հիշողության պահպանման և փոխանցման մեխանիզմների ուսումնասիրությանը: Նրա խոսքով ՝ հետազոտության թեմայի նկատմամբ հետաքրքրությունը ձեւավորվել է ծնողների պատմությունների, ինչպես նաեւ ընտանիքի պապերի, հարազատների եւ մերձավորների կենսագրությունների շնորհիվ, որոնց ճակատագրերը կապված են եղել պատերազմական տարիների իրադարձությունների հետ: "Պատմությունը դառնում է ավելի մոտ, հասկանալի եւ հուզակաանորեն ավելի նշանակալի, երբ բացահայտվում է իրական մարդկային ճակատագրի եւ անձնական կենսագրության միջոցով", - ընդգծել է լրագրողը:

Աղբյուրի համաձայն, նախագիծը կազմակերպվել է Սանկտ-Պետերբուրգի արտաքին կապերի կոմիտեի կողմից՝ «Ռոսսոտրուդնիչեստվո»-ի աջակցությամբ՝ միավորելով մեր տարբեր երկրների հայրենակիցների պատմական հիշողության պահպանման թեմայի շուրջ։