Արմինֆո.Օգոստոսի 31-ին Փարիզում բացվել է Ադրբեջանում պատանդ պահվող 19 հայ քաղբանտարկյալներին նվիրված ցուցահանդես: Ֆրանսիայի մայրաքաղաքի կենտրոնում բացված ցուցահանդեսը կտևի մինչև սեպտեմբերի 4-ը: Նախաձեռնությունը պատկանում է Փարիզի քաղաքապետարանին և Ֆրանսիայի հայկական կազմակերպությունների համակարգող խորհրդին (CCAF):
Ինչպես ասվում է ՀՅԴ հաղորդագրության մեջ, ցուցահանդեսը նպատակ ունի հիշեցնել, որ Ադրբեջանի կողմից արցախահայերի նկատմամբ իրականացված բռնությունը ու հայրենիքից բռնի տեղահանությունը ուղեկցվել են Արցախի քաղաքական ղեկավարների ձերբակալությամբ: Այսօր նրանցից 19-ը շարունակում են մնալ ադրբեջանական բանտերում։
Քաղաքապետարանի շենքի վրա ցուցադրելով հայ գերիների դիմանկարները՝ Ֆրանսիայի մայրաքաղաքաը ցանկանում է հանրային տեսանելիություն ապահովել վերջիններիս համար :
Փարիզի այս նախաձեռնությունը մեկուսացված քայլ չէ։ Ֆրանսիայի մայրաքաղաքը տարիներ շարունակ հետևողականորեն իր աջակցություննէ հայտնել արցախահայերին։
Դեռևս 2020 թվականին Փարիզի քաղաքային խորհուրդը կոչ էր արել Ֆրանսիայի կառավարությանը ճանաչել Արցախի Հանրապետությունը։ 2023 թվականին, Արցախի շրջափակման և հայ բնակչության նկատմամբ Ադրբեջանի ճնշման խորացման պայմաններում, Փարիզը մարդասիրական օգնություն է նախաձեռնել, իսկ քաղաքապետ Անն Իդալգոյի գլխավորած պատվիրակությունը մեկնել Հայաստան՝ մինչև Հակարիի կամուրջ՝ շրջափակված Արցախի բնակչությանը աջակցելու նպատակով։ Նույն թվականի նոյեմբերին Փարիզի քաղաքային խորհուրդը միաձայն Արցախի ժողովրդին շնորհեց Փարիզի պատվավոր քաղաքացու կարգավիճակ՝ ընդգծելով նրա նկատմամբ քաղաքի քաղաքական, բարոյական և մարդասիրական համերաշխությունը։
Փարիզի դիրքորոշումը լիովին համահունչ է Ֆրանսիայի քաղաքական և տեղական կառույցների աճող ներգրավվածությանը։ 2026 թվականի փետրվարի 3-ին Ֆրանսիայի Ազգային ժողովն ընդունեց բանաձև՝ պահանջելով Ադրբեջանում պահվող հայ բանտարկյալների ազատ արձակումը։ Կորսիկայի խորհրդարանը 2026 թվականի հուլիսին ընդունեց «Աջակցություն Արցախին և Ադրբեջանում պահվող հայ բանտարկյալների ազատ արձակում» վերնագրով որոշում։ Նիցցայի քաղաքապետարանը 2025 թվականի դեկտեմբերին քաղաքապետարանի շենքի ճակատին տեղադրեց Ադրբեջանում պահվող հայ բանտարկյալների դիմանկարները՝ պահանջելով նրանց ազատ արձակումը։ Եվրախորհրդարանը նույնպես բազմիցս պահանջել է ազատ արձակել Ադրբեջանում պահվող հայերին. 2025 թվականի ապրիլի 2-ի բանաձևում այն պահանջել էր ազատ արձակել բոլոր հայ ռազմագերիներին և ընդգծել Արցախի հայերի՝ անվտանգ, անարգել և արժանապատիվ վերադարձի իրավունքը։
«Այսօր Փարիզում ցուցադրվող 19 դիմանկարները բանտարկյալների դեմքերն չեն։ Դրանք Արցախի պատմության, նրա քաղաքական կյանքի և նրա ժողովրդի իրավունքների կենդանի վկայություններն են » - արձագանքել է Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազձանը :
Ցուցահանդեսը նաև հիշեցնում է արցախահայերի՝ իրենց հայրենիք վերադառնալու իրավունքի մասին։ Արդարադատության միջազգային դատարանը 2023 թվականի նոյեմբերի 17-ին պարտավորեցրել էր Ադրբեջանին ապահովել այն անձանց անվտանգ, անարգել և արագ վերադարձը, ովքեր ստիպած լքել էին Արցախը։ Այդ իրավական պարտավորությունը մինչ օրս չի իրականացվել։
«Քանի դեռ հայ գերիներն ազատ չեն, նրանց դեմքերը շարունակելու են հիշեցնել աշխարհին, որ արդարությունը չի կարող փոխարինվել մոռացությամբ, իսկ մարդու ազատությունը՝ քաղաքական պայմանավորվածություններով» - նշել է Ֆրանսիայի հայկական կազմակերպությունների համակարգող խորհրդի համանախագահ Արա Թորանյանը :
Նշենք, որ մինչ օրս հայտնի չէ ադրբեջանական բանտերում պահվող հայ ռազմագերիների և պատանդների ստույգ թիվը: Փորձագետների գնահատմամբ ՝ նրանք մի քանի հարյուր են ։ Այսօր Ադրբեջանի իշխանությունները հաստատում են իրենց մոտ 19 հայերի առկայությունը ։ Ադրբեջանական գերության մեջ պահվող անձանց թվում են նաև Արցախի ռազմաքաղաքական ղեկավարության նախկին և գործող 8 ներկայացուցիչներ․ Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, արտաքին գործերի նախկին նախարար Դավիթ Բաբայանը, ինչպես նաև խորհրդարանի խոսնակ Դավիթ Իշխանյանը, Արցախի Պաշտպանության բանակի նախկին հրամանատար, գեներալ Լևոն Մնացականյանը, գեներալ Դավիթ Մանուկյանը և նախկին պետնախարար Ռուբեն Վարդանյանը:
Բաքվի խամաճիկային դատարանը շինծու մեղադրանքներով ցմահ ազատազրկման է դատապարտել Արայիկ Հարությունյանին, Դավիթ Բաբայանին, Դավիթ Իշխանյանին, Դավիթ Մանուկյանին, Լևոն Մնացականյանին, իսկ Բակո Սահակյանին և Արկադի Ղուկասյանին եւ Ռուբեն Վարդանյանին՝ 20 տարվա ազատազրկման: Մնացած արցախցիներին, այսպես կոչված, դատարանը դատապարտել է մինչև 15 տարվա ազատազրկման։
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Թուրքագետ. Ադրբեջանը երբեք, ոչ մի պարագայում չի դադարի հայ ժողովրդի վրա ճնշում գործադրելուց
Քաղաքագետ. Մենք պետք է հեռանանք «երբ» հարցից և այն փոխարինենք ավելի կարևոր հարցերով
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
