ԱրմԻնֆո. Եվրոպական միության ամենահաջողված քաղաքական նախաձեռնություններից մեկը՝ Արևելյան գործընկերությունն այսօր փորձության է ենթարկվում աշխարհի աստիճանական մասնատման նոր իրողություններում։ Այս մասին հայտարարել է ՀՀ ԱԳ նախարար Արարատ Միրզոյանը «ԵՄ Արևելյան գործընկերության վերաիմաստավորում» խորագրով կլոր սեղան-քննարկման ընթացքում, որը տեղի է ունեցել Վարշավայի անվտանգության ֆորումի շրջանակում։
Նրա խոսքով՝ 2009 թվականին հիմնադրման պահից Արևելյան գործընկերությունը հիմնված էր այն մոտեցման վրա, ըստ որի՝ Եվրոպական միության հետ առավել սերտ փոխգործակցությունը կարող է նպաստել ԵՄ արևելյան հարևանությունում ժողովրդավարության ամրապնդմանը և ինստիտուցիոնալ բարեփոխումներին՝ միաժամանակ ընդունելով, որ արևելյան գործընկեր վեց երկրները պարտադիր չէ, որ ունենան միևնույն ձգտումներն ու առաջնահերթությունները։
Սակայն, շարունակել է նա, գրեթե երկու տասնամյակի ընթացքում խորքային աշխարհաքաղաքական, անվտանգային և հասարակական վերափոխումները էապես փոխել են Արևելյան գործընկերության գործառնության միջավայրը, իսկ նախաձեռնության վեց մասնակից երկրներն ընտրել են քաղաքական զարգացման և եվրոպական ինտեգրման տարբեր ուղիներ։ Միրզոյանը համոզմունք է հայտնել, որ այս իրադարձություններն անխուսափելիորեն կասկածի տակ են դրել գործընկերության միասնական մոդելի հիմքում ընկած նախնական հայեցակարգը։
Անդրադառնալով Արևելյան գործընկերության հետագա զարգացման վերաբերյալ Հայաստանի մոտեցմանը՝ հայ դիվանագետը նշել է, որ ԱԳ-ն պետք է շարունակի առանձնահատուկ նշանակություն տալ ժողովրդավարությանը, օրենքի գերակայությանը և ինստիտուցիոնալ կայունությանը։
"Հայաստանի տեսանկյունից Արևելյան գործընկերության կարևորագույն ձեռքբերումներից մեկը ժողովրդավարական կառավարմանը և ինստիտուցիոնալ բարեփոխումներին աջակցելու գործում դրա ներդրումն է։ Այս բարեփոխումները կարևոր են ոչ միայն այն պատճառով, որ Հայաստանն ավելի են մոտեցնում եվրոպական չափանիշներին, այլև
ուղղակիորեն ամրապնդում են մեր պետական ինստիտուտների կայունությունը, արդյունավետությունն ու լեգիտիմությունը։ Հիբրիդային սպառնալիքների և ապատեղեկատվության դարաշրջանում հուսալի և հաշվետու ինստիտուտներն ինքնին ռազմավարական նշանակության ռեսուրս են։ Երկրորդ՝ Հայաստանի փորձը վկայում է Եվրոպական միության հետ երկկողմ հարաբերությունների զարգացման գործում յուրաքանչյուր գործընկեր երկրի ձգտումներն ու հավակնությունների մակարդակը հաշվի առնելու կարևորության մասին", - նշել է նա՝ ներկայացնելով Հայաստանի և ԵՄ միջև գործընկերության զարգացման ժամանակագրությունը։
"Արձագանքելով մեր հավակնություններին՝ Եվրոպական միությունը Հայաստանի հետ զարգացնում է ավելի ու ավելի անհատականացված երկկողմ գործընկերություն։ Թեև Հայաստանը դեռևս չունի ԵՄ անդամակցության թեկնածու երկրի կարգավիճակ, իրականացվում է Հայաստանի դիմակայունության և աճի ծրագիրը։ Միևնույն ժամանակ մենք արձանագրում ենք առաջընթաց վիզային ռեժիմի ազատականացման շուրջ երկխոսության շրջանակում, իսկ ԵՄ-ի կողմից վերջերս ընդունված առևտրային ինքնավար միջոցները լրացուցիչ հնարավորություններ են ստեղծում Հայաստանի արտաքին առևտրի դիվերսիֆիկացման համար", - նշել է նա։
Որպես ԱԳ-ի հետագա զարգացման վերաբերյալ հայկական մոտեցման երրորդ բաղադրիչ՝ Միրզոյանը նշել է փոփոխվող աշխարհաքաղաքական իրավիճակը և Հարավային Կովկասում փոխկապակցվածությունը հաշվի առնելը։
"Տարածաշրջանի ներուժի բացահայտումն ու իրացումը՝ Հայաստանի «Խաղաղության խաչմերուկ» տեսլականին համապատասխան, ինչպես նաև Հայաստան-ԵՄ փոխկապակցվածության գործընկերությունը կարող են նպաստել Եվրոպայի և նրա արևելյան հարևանների միջև կապերի ամրապնդմանը՝ միաժամանակ եվրոպական հարևանությանը հնարավորություն տալով հարմարվել էապես փոփոխված աշխարհաքաղաքական իրողություններին։
Հաշվի առնելով վերը նշված բոլոր գործոններն ու վերափոխումները՝ Հայաստանի փորձը վկայում է, որ Արևելյան գործընկերության ապագան կարող է պայմանավորված լինել հենց փոփոխվող իրողություններին զարգանալու և հարմարվելու նրա կարողությամբ՝ հարևանության ընդհանուր շրջանակից վերածվելով ճկուն հարթակի, որը հնարավորություն կտա փոխկապակցել եվրոպական ինտեգրման տարբեր ուղիները, հաշվի առնել եվրոպական ինտեգրման տարբեր ձգտումներն ու ձևաչափերը՝ միևնույն ժամանակ իր հիմքում պահպանելով ժողովրդավարական սկզբունքները, համագործակցությունը, փոխկապակցվածությունն ու դիմակայունությունը։
Ի վերջո, վերաիմաստավորված Արևելյան գործընկերության նպատակը պետք է լինի ոչ թե անցյալի իրողություններին համապատասխան ձևավորված մոդելի պահպանումը, այլ ներկայիս հնարավորությունների լիարժեք իրացմանն ուղղված կառույցի ձևավորումը, որը բավականաչափ ճկուն կլինի՝ տարբեր ուղիներն ու մոտեցումները հաշվի առնելու համար, և միևնույն ժամանակ բավականաչափ հավակնոտ՝ մեր տարածաշրջանների միջև փոխկապակցվածությունն ապահովելու համար",- ամփոփել է նա։
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Թուրքագետ. Ադրբեջանը երբեք, ոչ մի պարագայում չի դադարի հայ ժողովրդի վրա ճնշում գործադրելուց
Քաղաքագետ. Մենք պետք է հեռանանք «երբ» հարցից և այն փոխարինենք ավելի կարևոր հարցերով
Միջազգային իրավունքի մասնագետ. Ադրբեջանը մտադիր է դատական գործընթաց սկսել Հայաստանի դեմ՝ դատապարտելով հայ բանտարկյալներին
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
