Բուլղարիայում հաշվարկվել է արձանագրությունների ավելի քան 95%-ը

ԱրմԻնֆո. Բուլղարիայում կիրակի կայացած նախագահական ընտրությունների առաջին փուլում առաջատարն է վարչապետ Ռումեն Ռադևի համախոհ Իլիանա Յոտովան, որը ներկայում ժամանակավորապես կատարում է նախագահի պարտականությունները։

Այդ մասին վկայում են Կենտրոնական ընտրական հանձնաժողովի տվյալները, գրում է ԲՆՏ-ն, հաղորդում է «Եվրոպական ճշմարտությունը»։

Արձանագրությունների 95,29%-ի հաշվարկից հետո տվյալները վկայում են Յոտովայի առաջատարության մասին․ նա ստացել է 34,59% ձայն։

Կենտրոնական ընտրական հանձնաժողովի տվյալների համաձայն՝ երկրորդ տեղում է Ուկրաինամետ նախկին վարչապետ Անդրեյ Գյուրովը՝ ձայների 32,03%-ով։

Նախագահական մրցավազքի երկու առաջատարների միջև տարբերությունը կազմում է 2,56 տոկոսային կետ։

Երրորդ տեղում է ռուսամետ ծայրահեղ աջ «Վերածնունդ» կուսակցության առաջնորդ Կոստադին Կոստադինովը՝ 12,62% ձայնով։

Բուլղարիայի Կենտրոնական ընտրական հանձնաժողովի տվյալներով՝ ժամը 16:00-ի դրությամբ նախագահական ընտրություններին մասնակցությունը կազմել է շուրջ 16%։

Յոտովան Ռումեն Ռադևի քաղաքական տեսլականի և կառավարման ոճի անմիջական շարունակողն է։ Նա նրա փոխնախագահն էր դեռևս 2017 թվականին սկսված առաջին ժամկետից։