Նոյեմբերի 1-ից Հայաստանում սկսում են գործել կացության կարգավիճակ ստանալու նոր կարգավորումներ

Արմինֆո. Նոյեմբերի 1-ից Հայաստանում ուժի մեջ են մտնում օտարերկրացիներին կացության կարգավիճակ տրամադրելու նոր կարգավորումները։

Հայաստանի ՆԳՆ հաղորդագրության համաձայն, նոյեմբերի 1-ից փոխվում են կացության կարգավիճակների տեսակները, տրամադրման հիմքերն ու դիմումների քննարկման ընթացակարգերը։ Մասնավորապես, կգործեն կացության ժամանակավոր և մշտական կարգավիճակների տեսակները։ Հատուկ կացության կարգավիճակն այլևս չի տրամադրվի՝ պահպանելով նախկինում այն ստացած անձանց համար նախատեսված անցումային երաշխիքները։ Ժամանակավոր կարգավիճակը կտրվի մինչև մեկ տարի, մշտականը՝ հինգ տարի ժամկետով։ Ազգությամբ հայ լինելը կմնա մշտական կացության կարգավիճակ ստանալու առանձին հիմք։

Կացության կարգավիճակ ստանալու համար դիմումները փոխանցվում են առցանց ռեժիմի միջոցով հատուկ հարթակ։ Բնակության քարտը և տեղեկանքը դիմողը վերցնում է անձամբ ՝ հանձնելով մատնահետքերը և էլեկտրոնային ստորագրությունը: Ընդ որում, դիմողները պետք է վճարեն պետական տուրք, որի չափը զգալիորեն կավելանա. ժամանակավոր կացության համար տուրքը բարձրանում է 105 000 - ից մինչև 150 000-155 950 դրամ, մշտական կացության համար՝ 140 000-ից մինչև 250 000 դրամ։ Սահմանվում է նաև  30 000 դրամի չափով նոր տուրք ՝ բնակության օրինականությունը հաստատող վկայականի համար: Վճարը գանձվում է փաստաթղթերի քննարկման համար, ուստի մերժման դեպքում միջոցները չեն վերադարձվում:

Անհատ ձեռնարկատերերը  ստիպված կլինեն հաստատել երկրում իրական գործարար ակտիվությունը, օրինակ,  ցույց տալ հաշվին միջոցների առկայությունը կամ համապատասխան շրջանառությունը: ՀՀ կառավարությունը իրավունք է ստանում սահմանել կացության կարգավիճակի տրամադրման ամենամյա քվոտաներ, այդ թվում ' անհատ ձեռնարկատերերի համար։

Հայաստանից 183 օր և ավելի բացակայելու մասին հարկ կլինի հարթակի միջոցով տեղեկացնել այդ ժամկետը լրանալուց ոչ ուշ, քան 10 օր հետո: Այս պահանջը չի տարածվի ներդրումների կամ բացառիկ արժանիքների վրա հիմնված մշտական կարգավիճակ ունեցող անձանց վրա:

Օտարերկրացին կարող է ունենալ բնակության օրինականությունը հաստատող միայն մեկ կարգավիճակ։

Հիշեցնենք, որ 2027 թվականի հունվարի 1-ից սահմանվում է աշխատանքային գործունեություն իրականացնելու համար պարտադիր աշխատանքային վիզա, որը կարժենա 15 000 դրամ ։ Տասնամյա հատուկ կարգավիճակ այլևս չի տրվելու։ Դիմումները, որոնք ներկայացվել են մինչև 2026 թվականի նոյեմբերի 1-ը, դկտարկվում են հին կանոններով: Նախկինում տրված փաստաթղթերը և կարգավիճակները պահպանում են իրենց ուժը մինչև իրենց ժամկետի ավարտը: