Իրավապաշտպան․ «Ուժեղ Հայաստանի» հետ կապված 60 հասցեներում միաժամանակ իրականացվող խուզարկությունները պետք է դիտարկել հանցավոր նպատակադրման համատեքստում

Արմինֆո.«Ուժեղ Հայաստանի» հետ կապված 60 հասցեներում միաժամանակ իրականացվող խուզարկությունները պետք է դիտարկել ալիևյան սահմանադրությունն ընդդիմությանը ճնշելու միջոցով անցկացնելու հանցավոր նպատակադրման համատեքստում։ Այդ մասին գրել է իրավապաշտպան Ռուբեն Մելիքյանը՝ «Ֆեյսբուքի» իր էջում։

«Չեմ զարմանա՝ եթե պարզվի, որ հասցեների 60 թվով ռեժիմը նրբորեն ակնարկում է ալիևյան սահմանադրության հոդվածների թիվը։ Հաշվի առնելով գրողների կազմը՝ հազիվ էլ ի վիճակի լինեն մի 60 հոդված ձգեն», - գրել է Մելիքյանը»։

Հիշեցնենք, որ "Ուժեղ Հայաստան" կուսակցության մամուլի խոսնակ աղավնի Սուքիասյանը հաղորդել էր, որ վաղ առավոտից ՀՀ քննչական կոմիտեի քննիչները խուզարկություններ են իրականացնում "Ուժեղ Հայաստան" դաշինքի առաջնորդ Սամվել Կարապետյանի և ԱԺ "Ուժեղ Հայաստան" խմբակցության ղեկավար Նարեկ Կարապետյանի տներում: Նա նշել էր, որ խուզարկություններ են իրականացվում նաև Կարապետյանի ընտանիքի հետ կապված այլ հասցեներում: Ավելի ուշ  ՔԿ մամուլի քարտուղար Կիմա Ավդալյանը հաղորդել էր, որ խուզարկություններ կատարվում են միաժամանակ 65 հասցեներում ։ Խուզարկություններից հետո ԱԱԾ աշխատակիցները ձերբակալել են Սամվել Կարապետյանին։ ՀՀ քննչական կոմիտեն հաղորդել է, որ Սամվել Կարապետյանը մեղադրվում է "Հայաստանի էլեկտրական ցանցեր" ՓԲԸ-ի կարիքների համար ներգրավված վարկային միջոցները հափշտակելու համար: Նրանից բացի ձերբակալվել է ևս 35 մարդ։

Հավելենք, որ Փաշինյանն ավելի վաղ հայտարարել էր, որ  ՀՀ նոր սահմանադրության ընդունմանը խորհրդարանական ընդդիմության հակազդելու դեպքում իշխող մեծամասնությունը կսկսի հասարակական ճնշում ձևավորել: Բացի այդ, նա նշել էր, որ "իշխանությունները կարող են խորհրդարանական ընդդիմության համար այնպիսի առաջարկ ձևակերպել նոր սահմանադրության վերաբերյալ, որից նա չի կարող հրաժարվել":