Արմինֆո.ԵԱՀԿ ՄԽ ամերիկացի համանախագահ Ռիչարդ Հոգլանդը համաձայն չէ, որ Լեռնային Ղարաբաղի հակամարտության կարգավորման բանակցային գործընթացը փակուղում է:
«Ես չէի ցանկանա կիրառել «փակուղի» տերմինը: Այո, մենք գիտենք, որ բանակցային գործընթացը չափազանց դանդաղել է: Հենց այդ պատճառով մենք խոսում ենք այն մասին, որ ժամանակն է վերադառնալ բանակցությունների սեղանի շուրջ: Նախ, երկու երկրների արտգործնախարարները պետք է հանդիպեն, նստեն և լրջորեն խոսեն ստեղծված իրավիճակի մասին` Հայաստանի և Ադրբեջանի նախագահների հանդիպման համար բարենպաստ պայմաններ ստեղծելու նպատակով: Ես չեմ կարծում, թե այժմ կա որևէ մանրամասն, որը մենք կցանկանայինք ներկայացնել կողմերից մեկին: Մենք ցանկանում ենք ձևավորել այնպիսի պայմաններ, որոնց դեպքում կողմերը կրկին իրենց զգան հարմարավետ, վարեն բանակցություններ: Ահա թե ինչն էական: Անգամ եթե մարդիկ խոսում են պատերազմի մասին, քանի որ ադ վատթարագույն լուծումն է, ավելի շուտ` դա լուծում չէ: Մեզ համար կարևոր է գտնել լուծում, որն ապահովի խաղաղություն, բարգավաճում բոլոր ժողովուրդների համար: Դա պատմականորեն հնարավոր է: Եղել են լուծում գտնելու դեպքեր, երբ բոլոր կողմերը հայտնվել է արժանապատիվ դիրքում», - ասել է դիվանագետը` մարտի 27-ին Երևանում կայացած մամուլի ասուլիսում:
Պատասխանելով այն հարցին, թե արդյոք Բաքվում հանդիպումների ընթացքում քննարկվել է վստահության մեխանիզմներ ներդնելու հարցը, որոնց շուրջ պայմանավորվածություն էր ձեռք բերվել Վիեննայի և Պետերբուրգի հանդիպումների ժամանակ, Հոգլանդն ասել է. «Անշուշտ, մարտի 11-ին Բաքու այցի ընթացքում մենք հանդիպումներ ենք անցկացրել երկրի ղեկավարության հետ: Ես դիվանագիտական էտիկետի բերումով չեմ կարող բացահայտել այդ հանդիպումների մանրամասները, սակայն կարող եմ հավաստիացնել, որ խոսել ենք նաև Վիեննայի և Պետերբուրգի պայմանավորվածությունների մասին: Մենք համոզված ենք, որ վստահության մեխանիզմների ներդրումն առաջվա նման արդիական է, և ցանկանում ենք, որպեսզի դրանք իրագործվեն: Մենք պետք է փորձենք ապահովել պայմաններ, որոնց շնորհիվ երկրների ղեկավարները կրկին նստեն բանակցությունների սեղանի շուրջ և խոսեն այդ մասին: Ահա միակ ոխջախոհ ուղին, որով կարելի է առաջ ընթանալ: Բռնության և պատերազմի միջոցով չի կարելի դրան հասնել: Այժմ մենք փորձում ենք համապատասխան պայմաններ ստեղծել երկխոսության համար», - ասել է դիվանագետը:
Նա նաև նշել է, թե տեղյակ է այն մասին, որ հայկական կողմը նոր տեխնոլոգիաներ է ներդնում սահմանին, որոնք թույլ են տալիս դիտարկում և վերահսկողւոյթուն իրականացնել: «Անշուշտ, Հայաստանի օրինական և ինքնիշխան իրավունքն է նման գործողությունների իրականացումը սեփական տարածքում: Մեն չենք կարող որևէ բան պարտադրել: ԵԱՀԿ-ն չի կարող ինչ-որ բան պարտադրել: Վիեննայի և Պետերբուրգի պայմանավորվածություններում հիշատակված վստահության միջոցներն արժեքավոր և օրինական քայլեր են, որոնք օգտակմար կլինեն: Սակայն դրանց ներդրման համար հարկավոր է եկու կողմերի համաձայնությունը: Եվ մեր պատասխանատվությունն է լինել հետևողական, որպեսզի պայմանավորվածություններն իրագործվեն», - ասել է միջնորդը:
Միևնույն ժամանակ, դիվանագետը դժվարաց ել է նշել ղարաբաղյան հակամարտության հնարավոր կարգավորման ժամկետներ: Նրա ասելով, դա խելամիտ չէր լինի: Հոգլանդը նաև ընդգծել է, որ միջնորդները որևէ լուծում չեն պարտադրի կողմերին: «Ես նաև համաձյան չեմ, թե ԵԱՀԿ ՄԽ համանախագահների հրապարակային հայտարարությունները դարձել են ապրիլի ողբերգբական իրադարձությունների պատճառ: Կարծում եմ` հարցն այլ է», - ասել է դիվանագետը:
Հոգլանդը նաև հրաժարվել է պատասխանել այն հարցին, թե Հայաստանի խորհրդարանական ընտրությունների արդյունքներն ինչպես կարող են անդրադառնալ ղարաբաղյան հակամարտության գոտում առկա իրավիճակի վրա:
Կարծիք. Երևանի և Բաքվի միջև հակամարտության լուծումը թույլ է տալիս Վաշինգտոնին զրկել Ռուսաստանին Հարավային Կովկասում ազդեցության ամենակարևոր լծակներից
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
