Արմինֆո.Ներկայումս աշխարհում կա մոտ 80 մլն.մեղվափեթակ: Հայաստանում, ըստ ՀՀ գյուղատնտեսության նախարարության տվյալների, այս ցուցանիշը հասնում է 237260-ի, որոնց միջին արտադրողականությունը կազմում է տարեկան 12-15 կգ մեղր: Հայաստանում արտադրում են պոլիֆլերային մեղր, ինչը հաջողվում է երկրի կլիմայական պայմանների, մասնավորապես, լեռնային շրջանների կենսաբազմազանության շնորհիվ: Սակայն, ներկայումս մեղրի որակի խնդիրը հանդիսանում է համաշխարհային մեղվաբուծության գլխավոր պրոբլեմը, քանի որ կեղծ մեղրի մասնաբաժինը կազմում է մոտ 50%, մինչդեռ Հայաստանում, ըստ նախարարության տվյալների, մեղրի որակի գծով ոչ մի պահանջ կամ բողոք չի գրանցվել:
«Ես չեմ ուզում, որպեսզի Honey House-ը անվանվի խանութ: Դա խանութ չէ: Դա այն տեղն է, որտեղ ներկայացվում է հայկական մեղրը»,- ԱրմԻնֆո գործակալության թղթակցի հետ իր զրույցն է սկսել Խորենացի փողոցում գտնվող Honey House խանութի սեփականատեր Արսեն Սիրեկանյանը: Խանութը մասնագիտանում է մեղվաբուծական արտադրանքի վաճառքի գծով: Նա խանութում ներկայացված հայկական մեղրի մասին պատմել է տասնյակ ունիկալ պատմություն: Հատկանշական է, որ հայկական մեղրն ավելի շատ գնահատվում է զբոսաշրջիկների, քան տեղի բնակչության կողմից: «Երբեք չէի մտածի, որ իմ բիզնեսը կախված կլինի զբոսաշրջիկներից»,-նշել է նա: Մասնավորապես, հիմնական գնորդներն են լինում արաբական աշխարհի ներկայացուցիչները, ինչը պայմանավորված է մահմեդականների սուրբ գրքում մեղրի մասին բազմաթիվ հիշեցումներով: «Իմ գնորդների 60%-ը Իրանի, Սիրիայի, Եմենի, Քուվեյթի, Չինաստանի, Հարավային Կորեայի բնակիչներ են, մնացած 40% - ը Երևանցիներ են»: Ունենալով գնային ամենացածր (2.8 հազ. դրամ կամ $ 4.5) և ամենաբարձր (24 հազ.դրամ կամ $ 45 մեկ) սանդղակը, Սիրեկանյանը նշել է. «Ես ափսոսում եմ մեր օրգանական մեղրը վաճառել 45 դոլարով, նույնիսկ 100 դոլարով, ափսոս է»: Նրա խոսքով, Պարսից ծոցի երկրներում նման մեղրը 8-10 անգամ ավելի թանկ է, ինչը, ըստ փորձագետի, լիովին արդարացված է, հաշվի առնելով հայրենական մեղրի բարձր որակը: Սակայն, մեղրի ներուժը, ըստ Սիրեկանյանի, Հայաստանում գրեթե չի օգտագործվում: «Դե ինչքան ասեմ` 2%-ով, 5%-ով, լավ` 7%-ով», - նկատել է նա:
Չնայած Հայաստանի մեղրի շուկան բավականաչափ հարուստ է և ընդգրկում է զանազան տեսակներ (համի, որակի գնի առումով), այդ թվում նաև`էլիտար, օրգանական, անտառային, վայրի, լայմի, ուրցի, հնդկացորենի, շագանակի մեղրեր, բայց համաշխարհային հանրությունը խոսում է միայն եմենական մեղրի մասին, որի միջին շուկայական գինը կազմում է 300 դոլար, մինչդեռ հայկական մեղրը որակով գերազանցում է դրան: «Տեղական շուկան դեռ պատրաստ չէ նման բարձր գների: Այստեղ, որպես կանոն, մեղրը գնում են, ելնելով ֆինանսական հնարավորություններից»,-նշել է նա: Մասնավորապես, օրգանական մեղրը Սիրեկանյանը վաճառում է պատմության հետ միասին, անվանելով այն` «մեղրների մեղր» կամ «Ռոլս-Ռոյս», որի արտադրության համար մեղուներն օգտվում են Արցախի ավելի քան 200 տեսակի վայրի բույսերից: «Ասացեք, թե որտեղ և երբ տեղի կունենան աշխարհի լավագույն մեղրի գծով մրցումները, և ես կմեկնեմ այնտեղ, առանց վախի ու կասկածի»,-ընդգծել է նա: Նման պրոդուկտը թանկ արժե այն երկրներում, որտեղ գիտեն, թե ինչ բան է լավ մեղրը, նշել է փորձագետը:
Հատկանշական է, որ իր «խանութի» համար գործարարը մեղրը գնում է Արցախի (Սպիտակ, Քելբաջար, Հացոտ, Թումի), Նոյեմբերյանի, Շիրակի, Թալինի, Արագածոտնի, Սիսիանի, Վայքի, Տավուշի, Դիլիջանի, Իջևանի մեղվաբույծներից: «Աշխատում եմ մեղր չգնել Արարատյան դաշտավայրից, Գորիսից, Մեղրիից, Կապանից, քանի որ այնտեղ կան ինտենսիվ ցանքատարածություններ, որոնք պարարտացվում են քիմիական նյութերով: Ինձ դա պետք չէ, ես մեղրը ձեռք եմ բերում վայրի շրջաններից», - ասել է Ա.Սիրեկանյանը:
Գորածարը նախատեսում է հայկական մեղրն արտահանել Պարսից ծոցի, Եվրոպայի երկրներ, Ռուսաստան, Չինաստան և այլ երկրներ, ներկայումս, նրա խոսքով, հայկական էլիտար մեղրը որոշակի ծավալներով մատակարարվում է արաբական շուկաներ, մասնավորապես, Քուվեյթ և Եգիպտոս, որտեղ վաճառվում է ավելի բարձր գներով:
Գործարարը հյրենական մեղրը հավասարեցնում է ոսկուն: Նրա կարծիքով, էկոլոգիապես վնասակար ոսկու և մոլիբդենի արդյունահանման փոխարեն, երկիրը կարող էր զարգացնել մեղրի արդյունաբերությունը, որը Հայաստանում ունի մեծ ներուժ: «Ես անբուժելի հիվանդ եմ, իսկ այդ հիվանդությունը կոչվում հայրենասիրություն: Մենք ունենք մեկ ուրիշ ոսկի, որը մարդիկ կարող են արդյունահանել ու վաճառել, նպաստելով տնտեսության աշխուժացմանը», - ասել է Honey House հիմնադիրը:
Նշենք, որ ՀՀ Մաքսային ծառայության տվյալներով, 2016-ին Հայաստանից արտահանվել է 10.5 տոննա մեղր, տարեկան անկումը`12.5%, իսկ հասույթը նվազել է 37%, մինչև $ 91.4 հազար: Միևնույն ժամանակ, Հայաստանը 22% մեծացրել է ներմուծվող մեղրի ծավալը, մինչև 16.1 տոննա, իսկ մաքսային արժեքն ավելացել է 2,3 անգամ, մինչև $ 39,8 հազար: Արտահանման զգալի մասը բաժին է ընկնում`ԱՄՆ-ին (63%), Միացյալ Արաբական Էմիրություններին (13.3%) և Ռուսաստանին (10.5%): Իսկ ներմուծման գրեթե ողջ ծավալը բաժին է ընկնում Ռուսաստանին (95,6%):
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
