Արմինֆո.Արդեն այսօր կարելի է կանխատեսել Իրանի և Ռուսաստանի նկատմամբ ճնշման խստացում` լրացուցիչ պատժամիջոցների կիրառման և տարաբնույթ «զսպող» դաշինքների կազմակերպման միջոցով: ԱրմԻնֆո-ին այդպիսի կարծիք է հայտնել Ռազմավարական մշակույթի հիմնադրամի փորձագետ Անդրեյ Արեշևը:
«Օրինակ, բավական է նայել Պորոշենկոյի վարչակազմին աջակցությանը, Ռուսաստանի սահմանները կենսաբանական լաբորատորիաների օղակով շրջապատելու ձգտմանը: Ընդ որում, Կատարի ճգնաժամը և Սիրիայի շուրջ ռուս-ամերիկյան պայմանավորվածությունները նման գծի ձախողման հեռանկարների ակնհայտ վկայությունն են: Օրերս ԱՄՆ Կոնգրեսում ներկայացվել է ՌԴ և Իրանի դեմ նոր պատժամիջոցների սահմանման վերաբերյալ դեմոկրատների և հանրապետականների նոր համատեղ նախագիծ, որը ենթադրում է ֆինանսական և նավթի-գազի ոլորտներում համագործակցության հետագա սահմանափակում, հորդորում է պայքարել «Հյուսիսային հոսքի» դեմ` որպես սպառնալիք «եվրոպական էներգետիկ անվտանգությանը»: Դրա ընդունման դեպքում Թրամփը չի կարող Ռուսաստանի նկատմամբ պատժամիջոցները չեղարկել` առանց Կոնգրեսի հետ համաձայնեցման», - նշել է նա:
Արեշևն արևմտյան գործընկերներից չի ակնկալում նաև այլ պետությունների ներքին գործերին միջամտելու ավանդական փորձից հրաժարում: Այդ առնչությամբ նա բավականին ակնհայտ է համարում «Իրանի ազգային դիմադրության» վերջին հավաքը եվրոպական երկրներից մեկում: Այդ ֆոնին Պենտագոնի ղեկավար Մեթիսը հայտարարում է առանց վարչակազմի փոփոխության Իրանի հետ հարաբերությունների կարգավորման անհնարինության մասին: Փորձագետը նաև հիշեցնում է մեղադրանքների ավանդական հավաքակազմի` «հրթիռային ծրագրի», «ահաբեկչությանն աջակցության», «մարդու իրավունքների» և այլնի մասին:
Փորձագետն ափսոսանքով նշել է, որ «Թեհրանի և միջազգային միջնորդների «վեցյակի» միջև գործողությունների հմատեղ և հանմապարփակ ծրագիրը» գնալով ավելի է վերածվում Դոնալդ Թրամփի շրջապատի զգալի մասի կոշտ հակաիրանական գծի պատանդի, ինչը պակաս որոշակի է դարձնում այդ փաստաթղթի լիակատար և համապարփակ իրագործման հեռանկարները:
Նրա գնահատմամբ, Վաշինգտոնը բնավ չի այրվում միակողմանի սահմանափակումները վերացնելու ցանկությամբ: Ավելին, փետրվարի սկզբին արդեն Թրամփի վարչակազմի օրոք ԱՄՆ սահմանեց հերթական պատժամիջոցներ` որպես պատրվակ օգտագործելով Իրանի կողմից բալիստիկ հրթիռների փորձարկումները: Իսկ հունիսի կեսին Սենատն ընդունեց հերթական խտրական փաստաթուղթը, որը վերաբերում է նաև երրորդ երկրներին և կազմակերպություններին, այդ թվում` Ռուսսատանին, ինչը ոչ բարեկամական վերաբերմունքի ակնհայտ դրսևորում է:
«Այդ ֆոնին ստեղծվում է տպավորություն, որ ԱՄՆ օրենսդիրները և վարչակազմի ազդեցիկ մասն անում են ամեն ինչ` Մոսկվայի և Թեհրանի հետ երկխոսության հնարավոր ջերմացումը հենց սաղմնային վիճակում կասեցնելու նպատակով: Միջազգային մեկուսացումից Իրանի հետագայում դուրս գալը ձեռնտու է բնավ ոչ բոլորին, ներառյալ բարձր պետական պաշտոններ զբաղեցնող խոշոր գործարարներին, որոնք ձգտում են փոխել համաշխարհային էներգետիկ շուկաները` սեփական շահերին համապատասխան: Այդ լույսի ներքո արհեստական առևտրային սահմանափակումներն այսուհետև էլ կօգտագործվեն որպես քաղաքական ճնշման լծակ, ինչը մենք տեսնում ենք ամենևին ոչ միայն Իրանի նկատմամբ: Յուրաքանչյուրը գործում է սեփական երկրի և կորպորացիաների շահերից ելնելով, սակայն համատարած ուժային ճնշման քաղաքականությունն աստիճանաբար դառնում է ավելի անարդյունավետ», - ամփոփել է Արեշևը:
Փորձագետ․ Չի կարելի խոսել խաղաղության մասին, քանի դեռ Հայաստանի և Ադրբեջանի միջև համաձայնագիր չի ստորագրվել և չի վավերացվել
Քաղաքագետ. TRIPP-ի Իրանի սահմանին մոտ լինելը կարող է դանդաղեցնել դրա իրականացումը
Քաղաքագետ. Ո՞վ է զոհաբերում Հայաստանի Ազգային անվտանգության ծառայության հեղինակությունը և ինչո՞ւ
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայ վերլուծաբան․ Զարգացնելով հարաբերությունները Եվրոպայի և ԱՄՆ-ի հետ՝ Հայաստանը չպետք է վտանգի տարածաշրջանային տերությունների հետ իր հարաբերությունները
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
