Արմինֆո. 2006 թվականից «Մոնսանտո» ընկերությունն զբաղվում է իր արտադրանքի իրացմամբ հայկական շուկայում: Այդ մասին ասվում է ամերիկյան ԳՄՕ հսկա «Մոնսանտոյի» Հայաստանի շուկա հնարավոր մուտքի առնչությամբ ՀՀ-ում ԱՄՆ դեսպանության պարզաբանման մեջ:
Անդրադառնալով Հայաստանում «Մոնսանտո» և «Վալմոնտ՚ ընկերությունների վերջերս կայացած շնորհանդեսի նպատակներին` ԱՄՆ դեսպանությունը պարզաբանում է, որ միջոցառումն անցկացվել է ՀՀ տնտեսությունում ամերիկյան ներդրումների խթանման ԱՄՆ քաղաքականության շրջանակում: Այդուհանդերձ, ինչպես ընդգծում է ամերիկյան դիվանագիտական գերատեսչությունը, ընկերության հետ համագործակցության որոշում պետք է կայացնեն հայ ֆերմերները և ագրոընկերությունները: Մինչդեռ Հայաստանի իրավասու կառույցները լիովին անտեղյակ են հայկական շուկա ԳՄՕ-արտադրանքի ներթափանցման և գենամոդիֆիկացված մթերքների արտադրությամբ և վաճառքով զբաղվող ընկերությունների գործունեության մասին:
Ոչ Հայաստանի գյուղնախարարությունում, ոչ Սննդամթերքի անվտանգության պետական ծառայությունում չեն կարողացել պարզորոշ պատասխան տալ ԱրմԻնֆո-ի այն հարցմանը, թե արդյոք «Մոնսանտոն» գործում է հայկական շուկայում: Երկու կառույցներում էլ միայն ենթադրել են, որ եթե անգամ ընկերությունը ներկայացված է հայկական շուկայում, ամենայն հավանականությամբ` ուրիշ առևտրային ապրանքանիշով:
Մեր հետաքննության ընթացքում նաև պարզվել է, որ Հայաստանում վիճակագրություն չի վարվում այն մասին, թե ինչ քանակությամբ ԳՄՕ-մթերք է ստացվում երկրի շուկա, և, առավել ևս, չեն անցկացվում այդ մթերքների լաբորատոր հետազոտություններ` անվտանգության նկատառումներով: Սակայն ԱրմԻնֆո-ի թղթայկցի հետ զրույցում Սննդամթերքի անվտանգության պետական ծառայության մամուլի քարտուղար Նվարդ Առաքելյանը լավատեսական լուր է հաղորդել. 2018 թվականին կառույցը մտադիր է որպես առաջնային ուղղություն իրականացնել հայկական շուկա մուտք գործող ԳՄՕ-մթերքների լաբորատոր հետազոտություններ: Ավելի վաղ ԱրմԻնֆո-ի թղթակցի հետ զրույցում ՀՀ Գյուղատնտեսության նախարարության մամուլի քարտուղար Անի Սմբատյանը հաղորդել էր, որ հասարակական արձագանքից և ԶԼՄ-ների հրապարակումից հետո գյուղատնտեսության նախարար Իգնատի Առաքելյանը հանձնարարել է մանրամասն ուսումնասիրել Հայաստանում «Մոնսանտոյի» գործունեությանն առնչվող իրավիճակը: Այսօր նա հաղորդել է, որ այդ մասին տեղեկատվություն կտրամադրվի հաջորդ շաբաթ:
Այդուհանդերձ, Սմբատյանն ընդգծել է, որ ՀՀ Գյուղատնտեսության նախարարությունը շահագրգռված է հանրապետությունում օրգնական, «կանաչ» գյուղատնտեսական արտադրանքի աճեցմամբ: «Այդ մասին ընդգծել է նաև գյուղատնտեսության փոխնախարար Արմեն Հարությունյանը` ԱՄՆ դեսպանատան կազմակերպած շնորհանդեսի ժամանակ՚, - նշել է նա, ընդգծելով, որ «Մոնսանտո» ընկերությունը համագործակցության վերաբերյալ պայմանագրեր չունի ՀՀ Գյուղատնտեսության նախարարության հետ:
Նշենք, որ նոյեմբերի 1-ին ՀՀ-ում ԱՄՆ դեսպանատանը կայացել էր «Վալմոնտ՚ և ««Մոնսանտո՚ ընկերությունների գործունեության շնորհանդեսը: Երկու ընկերություններն էլ լավ հայտնի հետ համաշխարհային շուկայում: Valmont Irrigation-ը զբաղվում է մեխանիզացված ոռոգման սարքավորումների արտադրությամբ և սպասարկմամբ, և վերջինիս նկատմամբ, որպես այդպիսին, պահանջներ չկան: Նույնը չի կարելի ասել անդրազգային Monsanto ընկերության մասին, որը զբաղվում է տրանսգենային սերմեր ու թունաքիմիկատների արտադրությամբ: ԱՄՆ գործերի հավատարմատար Ռաֆիկ Մանսուրը ներկայացրել է դրանց մուտքը հայաստանյան շուկա, մինչդեռ երկու տարի առաջ Հայաստանն արգելել է ԳՄՕ արտադրությունը, սակայն գենամոդիֆիկացված բաղադրիչներ պարունակող սննդամթերքի ներմուծումը թույլատրված է՝ հատուկ մակնշման դեպքում: Այսինքն՝ շուկան, որպես այդպիսին, պաշտպանված չէ նման արտադրանքից: Իհարկե, ԱՊՀ-ում Monsanto-ի վաճառքի գծով մենեջեր Ալեքսանդր Զվյագինցևը լրագրողների հետ զրույցում հավաստիացրել է, որ ընկերությունը հայ գործընկերներին չի առաջարկի աշխատել գենամոդիֆիկացված արտադրանքով, քանի որ իրենք «դա չեն անում երկրներում, որտեղ դա արգելված է»: Բայց ահա արդեն շուրջ 20 տարի է, ինչ ընկերությունը Հայաստանում սերմեր է իրացնում և խորհրդակցություններ անցկացնում գյուղացիների հետ: Ամերիկյան ԳՄՕ հսկայի հայկական շուկա հնարավոր մուտքի թեման անտարբեր չի թողել աշխարհահռչակ System Of a Down ռոք խմբի մեներգիչ Սերժ Թանկյանին, ով Facebook-ի իր էջում անդրադարձել է այդ թեմային: Նա Հայաստանին կոչ է արել հեռու մնալ ամերիկյան Monsanto ընկերությունից, որը զբաղվում է տրանսգենային սերմերի, թունաքիմիկատների արտադրությամբ: Թանկյանը, մասնավորապես, գրում է, որ Monsanto-ն թունավորել է ԱՄՆ շրջակա միջավայրը, և վերջինիս գենամոդիֆիկացված մթերքները կարող են վերջ դնել օրգանական սննդին: «Իր քաղաքականության պատճառով Monsanto-ն ԱՄՆ-ում և Եվրոպայում հայտնի է՝ որպես «չարիքի կորպորացիա»: Ի տարբերություն ԱՄՆ-ի՝ Հայաստանում հնարավորություն ունեմ վայելելու էկոլոգիապես մաքուր, խրթխրթան խնձորների համը»: Սեպտեմբերի վերջին The Guardian-ը մերկացնող հոդված էր հրապարակել այն մաիսն, որ «Մոնսանտոն՚ պաշտոնապես տարեկան շուրջ 300000-400000 է ծախսել Եվրախորհրդարանում իր շահերը ներկայացնելու համար: Հրապարակվել է նաև ընկերության ներքին նամակագրությունը, որում աշխատակիցները քննարկում են եղանակներ, թե ինչպես խոչընդոտել գլիֆոսատի պեստիցիդի նորմալ ուսումնասիրմանը և վտանգավոր ճանաչմանը, և այդ մասին գրել են ԱՄՆ պաշտոնյաների և գիտնականների: Ավելի ուշ նաև պարզվել է, որ եվրոպական EFSA կազմակերպությունը, որը պատասխանատու է մթերքների անվտանգության համար, արդեն պատճենել է գլիֆոսատի մասին 2015 թվի իր հաշվետվությունը` 2012 թվի Monsanto հեղինակության հաշվետվությունից:
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
