Արմինֆո. Կոնվերս Բանկը նախատեսված ժամկետից շուտ ավարտել է 4 մլն.դոլար ծավալով դոլարային պարտատոմսերի երկրորդ տրանշի տեղաբաշխումը, դրանով ամփոփելով 10 մլն.դոլար ընդհանուր ծավալով առաջին թողարկման տեղաբաշխումը: Ինչպես ԱրմԻնֆո գործակալությանը պարզաբանել են Բանկի մամուլի ծառայությունից, դոլարային պարտատոմսերի երկրորդ տրանշի առաջնային տեղաբաշխումը մեկնարկել էր հոկտեմբերի 19-ին:
Դոլարային թողարկման առաջին տրանշի առաջնային տեղաբաշխումն սկսվել էր այս տարվա մայիսի 5-ին և ավարտվել մայիսի 16-ին, իսկ մայիսի 26-ին տեղի ունեցավ ցուցակումը բորսայում:
Դոլարային թողարկման 2-րդ տրանշի պարտատոմսերը նույնպես ունեն 2 տարի մարման ժամկետ, 100 դոլար անվանական արժեքով և կիսամյակային կտրվածքով նախատեսվում են արժեկտրոնային վճարումները: Արժեկտրոնի տարեկան եկամտաբերությունը 2-րդ տրանշի համար կազմում է 5.25%, իսկ 1-ին տրանշի համար`5.75%:
Կոնվերս Բանկի դոլարային պարտատոմսերի երկրորդ տրանշն առաջիկայում կցուցակվի ՆԱՍԴԱՔ ՕԷՄԷՔՍ Արմենիա բորսայում և կշրջանառվի Abond հիմնական ցուցակում, ինչպես նաև Բանկի նախորդ թողարկումները:
«Այս տարվա ընթացքում սա արդեն երրորդ հաջողված տեղաբաշխումն է, որի արդյունքում ֆինանսական շուկայում Կոնվերս Բանկի պարտքային արժեթղթերի ընդհանուր ծավալը կազմեց 10 մլն ԱՄՆ դոլար և 1 մլրդ դրամ: 2018թ.-ին Բանկը պլանավորում է հանդես գալ պարտատոմսերի հերթական թողարկումներով, որոնք կունենան ավելի երկար ժամկետ և ուղղված կլինեն նաև արտաքին ներդրողներին», - ասել է Կոնվերս Բանկի Ֆինանսական տնօրեն Հրանտ Հակոբյանը՝ հավելելով, որ այս տեղաբաշխմամբ Կոնվերս Բանկն արդեն իր կայուն տեղն է գրավել պարտատոմսեր թողարկող առաջատարների ցանկում: Նա տեղեկացրել է, որ նոյեմբերի 24-ի դրությամբ երկրորդային շուկայում այդ պարտատոմսերի առք և վաճառքի գնանշումները կազմել են 5.31%/5.00% (բորսայական հապավումը՝ COVSB2), ինչը նշանակում է պարտատոմսերի գների բարձրացում, որի արդյունքում Բանկի հաճախորդները հավելյալ եկամուտ են ստացել: «Դա խոսում է այս պարտատոմսերի բարձր պահանջարկի և Բանկի նկատմամբ վստահության մասին»,-եզրափակել է Հակոբյանը, հավելելով, որ պարտատոմսերը երաշխավորված են Ավանդների հատուցումը երաշխավորող հիմնադրամի կողմից՝ ավանդների երաշխավորման ծավալներով:
Հիշեցնենք, որ այս տարվա հոկտեմբերի 19-ի դրությամբ: ՆԱՍԴԱՔ ՕԷՄԷՔՍ Արմենիա ֆոնդային բորսայում շրջանառվում են Կոնվերս Բանկի 6 մլն դոլար ծավալով առաջին տրանշը, որը թողարկվել է մայիսի 5-ին և ցուցակվել մայիսի 26-ին, ինչպես նաև 1 մլրդ.դրամ ծավալով դրամային թոսղարկումը, որը թողարկվել է օգոստոսի 3-ին և ցուցակվել սեպտեմբերի 15-ին: Բանկի դոլարային պարտատոմսերի եկամտաբերությունը կազմել է 5,75%, իսկ դրամով պարտատոմսերինը`10,5%: Երկու դեպքում էլ շրջանառության ժամկետը սահմանված է 2 տարի, իսկ արժեկտրոնային վճարները կատարվում են վեց ամիսը մեկ անգամ:
Նշենք, որ Կոնվերս Բանկ ՓԲԸ գործում է 1996 թվականից: Բանկի բաժնետերերն են` «Ըդվանսդ Գլոբալ Ինվեսթմենթս» ԷլԷլՍի (80,94%), «ՀայՓոստ Թրասթ Մենեջմենթ» Բի. ՎԻ. Ընկերություն (14.06%) և Հայաստանյաց Առաքելական Սուրբ Եկեղեցի (5%): 2017 թվականի հոկտեմբերի 1-ին Կոնվերս Բանկի ակտիվները կազմել են 233.4 մլրդ.դրամ, պարտավորությունները`198.7 մլրդ.դրամ, ընդհանուր կապիտալը`34.8 մլրդ.դրամ:
Նշենք, որ ընդհանուր առմամբ ՆԱՍԴԱՔ ՕԷՄԷՔՍ Արմենիա բորսայում 2017 թվականի հոկտեմբերի 19-ի դրությամբ շրջանառվում են 10 թողարկողների 23 դոլարային պարտատոմսերը, ընդ որում, 19 թողարկումներն իրականացրել են 7 բանկերը` Արարատբանկ (5 թողարկում), Ամերիաբանկ (4), Արմսվիսբանկ (4), Անելիք Բանկ (3), Հայբիզնեսբանկ, Կոնվերս Բանկ և Յունիբանկ`մեկ դոլարային տրանշ: Բացի այդ, բորսայում շրջանառվում են եվրոյով 2 տրանշեր`Ամերիաբանկից և Արմսվիսբանկից:
Հայ վերլուծաբան․ Հավաքական ընդդիմության առաջնային խնդիրներից մեկը գործող վարչակարգի նկատմամբ արդյունավետ զսպող մեխանիզմների ձևավորումն է
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
