Արմինֆո. Ազգային Ժողովի պատգամավորների մեծամասնության կողմից ընտրված Արմեն Սարգսյանը ստանձնում է նախագահի պաշտոնը՝ խախտելով Հայաստանի Հանրապետության Սահմանադրությամբ հստակ սահմանված քաղաքացիության հետ կապված պահանջը՝ ողջամիտ կասկածներ հարուցելով իր լեգիտիմության նկատմամբ և հարցականի տակ դնելով Սահմանադրության երաշխավոր լինելու իր հիմնական գործառույթի ապահովումը։
Այդ մասին ասվում է 10 հասարակական կազմակերպության՝ ԱրմԻնֆո ստացված հայտարարության մեջ:
«ՀՀ Ազգային ժողովը քննարկելով Հայաստանի Հանրապետական կուսակցության (ՀՀԿ) կողմից ՀՀ նախագահի պաշտոնում առաջադրված Արմեն Սարգսյանի թեկնածությունը՝ ս․թ․մարտի 2-ին 90 կողմ ու 10 դեմ ձայնով նրան ընտրեց ՀՀ նախագահ։ Մենք՝ ներքոստորագրյալներս, արձանագրում ենք, որ Արմեն Սարգսյանը որևէ կերպ չփարատեց իր քաղաքացիության հետ կապված կասկածները, մասնավորապես առ այն, որ նա չի բավարարում վերջին վեց տարում միայն Հայաստանի Հանրապետության քաղաքացի լինելու սահմանադրական պահանջը։ Թեև բազմաթիվ հարթակներում հնչեցվել էր հանրության պահանջը՝ հրապարակելու Մեծ Բրիտանիայի քաղաքացիությունը դադարեցնելու պահը հավաստող փաստաթուղթը, Ա․Սարգսյանը ներկայացրեց ընդամենը տեղեկանք՝ տրված ՀՀ ոստիկանության անձնագրային և վիզաների վարչության կողմից, ինչն ընդամենը վկայում է նրա ՀՀ քաղաքացի լինելու մասին և չի կարող փոխարինել Մեծ Բրիտանիայի պետական մարմնի կողմից տրված փաստաթղթին, որը կարող էր լինել միակ արժանահավատ ապացույցը։ Այս փաստաթղթի բացակայության պարագայում ավելի են խորանում քաղաքացիության ցենզը չբավարարելու հետ կապված հանրության կասկածները, ինչպես նաև բացահայտ կերպով դրսևորվում է Արմեն Սարգսյանի քամահրական ու անհարգալից վերաբերմունքը Հայաստանի Հանրապետության Սահմանադրության և քաղաքացիների նկատմամբ։
Հարկ է հիշել, որ 2008-ին կեղծված ընտրություններով և առնվազն 10 մարդու կյանքի գնով իշխանության եկած և 2013-ին կեղծված ընտրություններով ՀՀ նախագահի պաշտոնը պահած Սերժ Սարգսյանն, իր և իր կուսակցության իշխանությունը վերարտադրելու և ամրապնդելու նպատակով, նախաձեռնեց ՀՀ Սահմանադրության փոփոխություն և 2015-ին կեղծեց նաև սահմանադրական փոփոխությունների հանրաքվեն՝ ապահովելով ՀՀԿ-ի կայուն մեծամասնությունը խորհրդարանում։ Ուստի, թերևս օրինաչափ է, որ այս պայմաններում ՀՀԿ կողմից ՀՀ նախագահի պաշտոնում առաջադրված թեկնածուն հնարավոր է համարում արհամարհել ՀՀ գործող սահմանադրությամբ առաջադրված պահանջները և ամեն գնով հայտնվել ՀՀ բարձրագույն պաշտոնին։
Հարկ ենք համարում նկատել նաև, որ Ազգային ժողովի պատգամավորների ճնշող մեծամասնությունն իր քվեարկությամբ փաստեց, որ չի հարգում Հայաստանի Հանրապետության Սահմանադրությունը և հերթական անգամ առաջնորդվում է ոչ թե օրենքի պահանջով, այլ՝ տվյալ պահի քաղաքական նպատակահարմարությամբ, ինչը պայմանավորված է անձնական և կլանային նեղ շահերով։
Արձանագրում ենք, որ ՀՀ նախագահի՝ ժողովրդի կողմից ուղղակիորեն կամ ԱԺ կողմից ընտրվելու վերաբերյալ սահմանադրական կազուսը և դրան առնչվող սահմանադրական նորմերի կամայական մեկնաբանումները արդեն իսկ հարցականի տակ են դնում Հայաստանի Հանրապետության նոր նախագահի ընտրության սահմանադրականությունը»,- նշվում է հայտարարության մեջ:
Հայտարարության ներքո ստորագրել են՝ Թրանսփարենսի Ինթերնեշնլ հակակոռուպցիոն կենտրոնը, Ժուռնալիստների «Ասպարեզե ակումբը,
Իրազեկ քաղաքացիների միավորումը, Բաց հասարակության հիմնադրամներ – Հայաստանը, «Հանուն հավասար իրավունքներիե ՀԿ-ն, Կանանց ռեսուրսային կենտրոնը,Հելսինկյան քաղաքացիական ասամբլեայի Վանաձորի գրասենյակը,
Գլոբալիզացիայի և տարածաշրջանային համագործակցության վերլուծական կենտրոնը, Հանրային լրագրության ակումբը, Իրավունքի և ազատության կենտրոնը: Հայտարարությունը բաց է միանալու համար:
Քաղաքագետ. Կառավարությունը երաշխավորում է տասնյակ միլիոնավոր դրամների աշխատավարձեր Սահմանադրական դատարանի ինը դատավորների համար, մինչդեռ միևնույն ժամանակ, Սյունիքում մոտ 869 ընտանիք կորցրել է իրենց ընտանեկան նպաստը
Հայ փորձագետներն ու Թուրքիայի առաջատար վերլուծական կենտրոնների ներկայացուցիչները քննարկել են երկրների միջև համագործակցության ընդլայնման հեռանկարները
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
