Պետական ​​եկամուտների կոմիտեն կհետևի, թե որքանով են արդարացված գնային փոփոխությունները

Արմինֆո.Հայաստանի Պետական ​​եկամուտների կոմիտեն կհետևի, թե որքանով են արդարացված գնային փոփոխությունները, եթե այդպիսիք լինեն: Այս մասին հայտարարել է ՀՀ ՊԵԿ ղեկավար Դավիթ Անանյանը, ԱրմԻնֆո թղթակցին մեկնաբանելով ԶԼՄ-ների կողմից սուպերմարկետներում գների բարձրացման մասին շրջանառվող լուրերը, որ նրանց ստիպում են հրաժարվել կեղծ անհատ ձեռներեցների ներգրավմամբ խճճված հարկային սխեմաներից և վերադառնալ ԱԱՀ հարկային լիակատար դաշտ:

Ըստ նրա, ինքը լսել է, որ հնարավոր է, որ գներն աճեն 50-60%, եթե մանրածախ առևտուրն անցնի շահույթի ամբողջական փաստաթղթային ձևակերպման: Որոշ փորձագետներ նաև նշում են, որ ժամանակին համապատասխան ներքին համաձայնություններ են տեղի ունեցել նույնիսկ ՊԵԿ նախկին ղեկավարության հետ, գները նվազեցնելու և խոշոր ցանցերի մրցակցունակությունն ապահովելու համար: Միևնույն ժամանակ, ինչպես նշել է Անանյանը, որ հարցը շատ հստակ է ու պարզ: «Եթե մենք հայտարարում ենք, որ տնտեսվարողները պետք է գործեն բացառապես օրենքի շրջանակներում, ապա դա նշանակում է, որ եթե մի սուպերմարկետ գործում է ԱԱՀ-ի հարկման դաշտում, գյուղատնտեսական ապրանքը և մսեղենը պետք է հարկվեն ամբողջ ծավալով: Եթե այդ հարկերի վճարման շրջանակներում առաջանում են  գնագոյացման 50-60% աճ, ապա դրանք շուկայական հարաբերություններ են: Դա կնշանակի, որ փոքր խանութները կլինեն ավելի մրցունակ», - բացատրել է նա: Ժամանակին, նշել է նա, սուպերմարկետները համարում էին, որ նրանք պետք է մրցակցեն փոքր մանրածախ կետերի հետ, անտեսելով չափերը:

Դավիթ Անանյանը նշել է, որ այս դեպքում ՊԵԿ-ը հավատարիմ է հետևյալ դիրքորոշմանը. «Եթե նույնիսկ լինեն նման գնային փոփոխություններ, մենք կանցկացնենք ուսումնասիրություն, որպեսզի համոզվենք, թե որքանով են արդարացված կամ արժանահավատ ավելի բարձր գները: Եթե դ​սա իրատեսական է, ապա մենք որևէ խնդիր չենք տեսնում, ՊԵԿ-ն առնվազն ռեսուրսներ չի ունենա սանձելու գները»: Նա նշել է, որ եթե աշխատանքի ընթացքում ՊԵԿ-ը տեսնի, որ դա հանգեցնում է պրոբլեմների, ինչպես նաև առաջացել է օրենսդրական բազայի վերանայման անհրաժեշտություն, ուրեմն Կոմիտեն նման առաջարկներով կդիմի ֆինանսների նախարարությանը: «Առայժմ օրենքը կիրառվում է այս տարբերակով, անկախ նրանից, թե դա լավ է, կամ վատ, բոլորը պետք է կատարեն իրենց պարտավորություններն օրենքի շրջանակներում», - ասել է Դավիթ Անանյանը:

ՊԵԿ ղեկավարը նշել է, որ հասարակական քննարկումների ընթացքում, ուղղված հարկային դաշտը բարելավմանը, կբարձրացվի գյուղատնտեսության ոլորտի հարկման  հարցը: Ժամանակին, նշել է Անանյանը, ինքը հանդես էր եկել գյուղատնտեսության ոլորտը 10% ԱԱՀ-ով հարկելու առաջարկով: Բայց ոլորտի մի շարք ներկայացուցիչներ դեմ հանդես եկան և գաղափարի սառեցվեց: Որոշումները, ինչպես նա նշել է, շատ են: Բայց, ամեն դեպքում, անհրաժեշտ է կշռել բոլոր ռիսկերը բյուջեի համար և այն հնարավոր օգուտները, որոնք կստանա տնտեսությունը երկարաժամկետ հեռանկարում, հարկային բարեփոխումների իրականացման պայմաններում: «Բոլոր որոշումներ կկայացվեն միայն քննարկումների հիման վրա», - ասել է Դավիթ Անանյանը:

Ներկայումս, ինչպես հիշեցրել է ՊԵԿ ղեկավարը, գերատեսչությունն սպասում է խոշոր սուպերմարկետների ցանցերի ներկայացուցիչների հետ վերջին հանդիպման արդյունքներին: Այն ժամանակ բիզնեսի ներկայացուցիչները ներկայացվեցին գործակալության հետ աշխատելու հիմնական սկզբունքները, և սուպերմարկետներին տրամադրվեց 3-5 օր, հսկիչ գրանցումների հետ կապված ծրագրային խնդիրները լուծելու համար, իրավաբանական դաշտ վերադառնալու համար: Ժամանակը շուտով ավարտվում է, որից հետո գերատեսչությունը ձեռնամուխ կլինի իր պարտականություններին, պարզելու համար, թե որքան ճիշտ են գնահատվել ՊԵԿ հաղորդագրությունը:

Հիշեցնենք, որ մայիսի 30-ին Հայաստանի ազգային անվտանգության ծառայությունը հայտարարեց սխեմայի բացահայտման մասին, որով մեծամասնական մանրածախ առևտրային ցանցերը տարիներ շարունակ խուսափել են հարկերից: Ստեղծելով բազմաթիվ ընկերություններ, Ալեքս Հոլդինգ ՍՊԸ-ն 20% ԱԱՀ-ի փոխարեն վճարել է միայն 2% շրջանառության հարկ: Ինչպես հայտնել է ԱԱԾ-ն, ըստ հավաստի տվյալների, ՊԵԿ նախկին ղեկավարության կողմից նման հնարավորություն է տրվել ևս 11 խոշոր ընկերությունների, ստեղծելով ակնհայտ անհավասար մրցակցային պայմաններ մյուս բիզնեսների համար գյուղատնտեսական ոլորտում: «Դրանով առաջարկվում է ինքնուրույն վերահաշվարկել նշված սխեմաներով չվճարված հարկերը և համապատասխան տեղեկատվություն տրամադրել նախնական հետաքննությանը», - ասել է ՊԵԿ ղեկավարը:

Միևնույն ժամանակ, ՀՀԿ խորհրդարանական խմբակցության ղեկավար Վահրամ Բաղդասարյանը հայտարարեց, որ ավելի քան 300 մասնավոր ձեռնարկությունների միջոցով բիզնեսի իրականացման և հարկերից խուսափելու մասին ԱԱԾ հայտարարությունը չի համապատասխանում իրականությանը: Նա պնդում է, որ ցանցային սուպերմարկետներում գործած մեխանիզմը ներդրվել է քննարկումների արդյունքում, որի մասին բոլորը գիտեին և որտեղ նա անձամբ մասնակցել է:

Այս ֆոնին, որոշ լրատվամիջոցներ, ինչպես նաև նախկին ՀՀԿ-ի ներկայացուցիչներ պնդում են, որ կոռուպցիայի դեմ պայքարը կհանգեցնի մանրածախ առևտրի գների աճին: