ՎՏԲ – Հայաստան Բանկը առաջարկում է  արագ և հարմարավետ վարկեր տարաժամկետ վճարումով

Արմինֆո. ՎՏԲ-Հայաստան Բանկը ապառիկ վարկավորման զարգացման և կատարելագործելու նպատակով պայմանագիր է կնքել ՎիվաՍել-ՄՏՍ հետ: Ինչպես տեղեկացրել է Բանկի մամուլի ծառայությունը, ՎՏԲ-Հայաստան Բանկը աշխատում է իր հաճախորդների համար առավել հարմարավետ պայմաններ ստեղծել և ներկայացնում է արագ վարկավորման նոր պայմաններ:

Աղբյուրի համաձայն, Բանկն առաջարկում է օգտվել ՄՏՍ-ի 73 սպասարկման կետերից, որտեղ հաճախորդները կարող են տեղում ստանալ վարկ հետևյալ ապրանքատեսակների համար`Հեռախոսներ, Պլանշետներ, Երթուղիչներ:

Վարկի ձևակերպումը կզբաղեցնի ընդամենը մի քանի րոպե, քանի որ ՎՏԲ Բանկը մշակել է հարմար և ճկուն վճարման համակարգ: Նախնական կանխավճարը կազմում է 0%, տոկոսադրույքը`0%, ամսական վճարը հիմնական գումարից` 1%:

Այսպիսով, ՎՏԲ-Հայաստան Բանկի ջանքերի շնորհիվ, բանկային ֆինանսավորմամբ ապրանք ձեռք բերելը դարձել է ավելի հարմար և արագ, նշում է աղբյուրը:

Ըստ ԱրմԻնֆո գործակալության`Հայաստանի բանկերի ֆինանսական վարկանիշի 2018 թվականի հունվարի 1-ի արդյունքների, մանրածախ վարկավորման ծավալներով ՎՏԲ-Հայաստան Բանկը առաջատարների եռյակում է`90,4 մլրդ դրամ (186,8 մլն դոլար) ծավալով, տարեկան 15,9% աճով: Բանկի ընդհանուր վարկային պորտֆելում մանրածախ առևտրի բաժինը հասնում է 53% -ի: Շուկայի մանրածախ վարկավորման ընդհանուր ծավալում ՎՏԲ-Հայաստան Բանկի մասնաբաժինը կազմում է 11%: Սպառողական վարկերի գծով Բանկն զբաղեցնում է 2-րդ տեղը`77.2 մլրդ դրամ (159.6 մլն դոլար) կամ վարկային պորտֆելի 46.6%-ը: ՎՏԲ-Հայաստան Բանկը տարեկան կտրվածքով ավելացրել է սպառողական վարկերի ծավալը`23.3%: Շուկայի սպառողական վարկերի ընդհանուր ծավալում ՎՏԲ-Հայաստան Բանկի մասնաբաժինը գերազանցում է 13% -ը:

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ՀԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: