Արմինֆո.ՎՏԲ – Հայաստան Բանկը բացել է իր 69-րդ`«Տիգրան Մեծ» մասնաճյուղը: Մասնաճյուղը տեղակայված է Երևանի երկաթգծի կայարանի շենքում: Ինչպես տեղեկացրել է Բանկի մամուլի ծառայությունը, հարմարավետ տեղանքի շնորհիվ Բանկի հաճախորդները, ինչպես նաև երկաթգծի կայարանի և «Սասունցի Դավիթ» մետրոյի կայարանի ուղևորները հնարավորություն կունենան օգտվել ՎՏԲ-Հայաստան Բանկի առաջարկած բոլոր ծառայություններից ու պրոդուկտներից:
Աղբյուրի համաձայն, առաջարկվող պրոդուկտների թվում նշվում է`ավանդներիի և վարկերի ձևակերպումը, հաշվեհամարների համալրումը, դրամական փոխանցումները, կոմունալ վճարումների իրականացումը, Բանկի աշխատակիցների խորհրդատվությունները և այլն ծառայություններ:
Նոր ժամանակակից մասնաճյուղը համալրված է ինքնասպասարկման գոտիով, որտեղ տեղադրված են բանկոմատ և վճարային տերմինալ, ինչը թույլ է տալիս հաճախորդներին իրականացնել բանկային/քարտային հաշիվների, ավանդների, վարկերի մարման ու կոմունալ վճարումների և այլ ծառայությունների կանխիկացման և համալրման գործարքներ: Մասնաճյուղը աշխատելու է հատուկ ռեժիմով. երկուշաբթվանից ուրբաթ՝ 08:15-19:45 և շաբաթ օրերին ՝11:00-15:00.
Բացման օրը Բանկի հաճախորդներին սպասվում էր անակնկալ՝ նրանք ունեին հնարավորություն նույն պահին տեղում օգտվել Բանկի առաջարկից և ձևակերպել «Ամանորյա» վարկը`9% տոկոսադրույքով և 3 ամսյա սպասարկումով: Բացի այդ նորաբաց մասնաճյուղի առաջին հաճախորդներն ստացան MasterCard Gold քարտեր, առաջին տարվա համար տարեկան անվճար սպասարկումով:
«Տիգրան Մեծ» մասնաճյուղի բացումը տեղի ունեցավ տոնական մթնոլորտում: ՎՏԲ-Հայաստան Բանկի Գլխավոր տնօրեն-Տնօրինության նախագահ Իվան Տելեգինը ՀՀ-ում ՌԴ դեսպան՝ Սերգեյ Կոպիրկինը, «ՀԿԵ» ՓԲԸ գլխավոր տնօրեն՝ Սերգեյ Վալկոն հյուրերի և հաճախորդների ներկայությամբ կտրեցին նոր մասնաճյուղի բացման ժապավենը:
ՀՀ-ում ՌԴ դեսպան՝ Սերգեյ Կոպիրկին. «Շնորհավորում ենք ՎՏԲ-Հայաստան Բանկին ընդլայնման և «Տիգրան Մեծ» մասնաճյուղի բացման առիթով: Այս մասնաճյուղն աչքի է ընկնում նրանով, որ գտնվում է Երևանի երկաթուղային կայարանում՝ Հայաստանի պատմամշակության վայրերից մեկում: Այն նաև նշանակալի է քանի որ ՎՏԲ-Հայաստան Բանկն արդյունավետ համագործակցություն է ունեցել մեկ այլ ռուսական ընկերության` ՀԿԵ-ի հետ:
ՎՏԲ –Հայաստան Բանկի Գլխավոր տնօրեն - տնօրինության նախագահ Իվան Տելեգին. «Այսօր, մեր մասնաճյուղային ցանցը համալրվեց ևս մեկ` «Տիգրան Մեծ» մասնաճյուղով: Հրավիրում ենք բոլորին Բանկի նոր հարմարավետ մասնաճյուղ՝ օգտվելու ժամանակակից և տեխնոլոգիական ծառայություններից և պրոդուկտներից: Մեր կարծիքով, այսքան բազմամարդ վայրում գտնվող մասնաճյուղը հայտնի կդառնա ինչպես ընթացիկ, այնպես էլ նոր հաճախորդների շրջանում: Ցանկանում եմ ՀԿԵ ղեկավարությանը հատուկ շնորհակալություն հայտնել «Տիգրան Մեծ» մասնաճյուղի բացմանն աջակցելու համար: Թույլ տվեք նկատել, որ մեր համագործակցությունը չի սահմանափակվել միայն մասնաճյուղի բացմամբ. իրականացվել է նաև նոր Երևան-Գյումրի-Երևան երկաթուղղով էլեկտրական գնացքի բրենդինգավորում, ըստ ՎՏԲ չափանիշների:
«Հարավկովկասյան երկաթուղի» ընկերության գլխավոր տնօրեն Սերգեյ Վալկո. «Քաղաքացիներին մատուցվող ծառայությունների շրջանակի ընդլայնումը, այդ թվում, մեր գործընկերների մասնակցությամբ, Հարավկովկասյան երկաթուղու առաջնահերթություններից մեկն է: Ուրախությամբ ողջունում եմ ՎՏԲ-Հայաստան Բանկի նախաձեռնությունը մասնաճյուղ բացելու կապակցոթյամբ երկրի գլխավոր երկաթուղային կայարանի տարածքում: Համոզված եմ, որ այս ծրագրի իրականացումն օգնում է բավարարել Բանկի հաճախորդների պահանջարկը և բարձրացնել երկաթուղային ծառայություններից օգտվելու հարմարավետությունը Հայաստանի քաղաքացիների և հյուրերի համար»:
«ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ:
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
