Արմինֆո. Ամերիաբանկը Հերթական մարզային ՙԱբովյան՚ մասնաճյուղն է բացել Կոտայքի մարզի Աբովյան քաղաքում՝ Սահմանադրության 7/2 հասցեում: Ընդհանուր առմամբ, սա բանկի թվով 19-րդ մասնաճյուղն է և 8-րդը ՝ մարզերում։ Մասնաճյուղն աշխատելու է երկուշաբթիից ուրբաթ ՝ ժամը 09: 30-ից մինչեւ 17:00-ը:
ՙՆոր մարզ մենք միշտ մտնում ենք նոր նախաձեռնություններով, հետաքրքիր արշավներով, որպեսզի մի քանի ամսվա ընթացքում ներգրավենք հաճախորդների բազա: Հիմնական առավելությունը կլինի այն, որ սպառողն առաջին փուլում առանց լրացուցիչ միջնորդավճարի կարող է դառնալ Ամերիաբանկի հաճախորդ և օգտվել մեր քարտային և այլ ծառայություններից՚, - ասել է Ամերիաբանկի մանրածախ բանկային գործառնությունների գծով տնօրեն Արման Բարսեղյանը:
Նրա խոսքով՝ մասնաճյուղն իր աշխատանքը սկսել է 15 աշխատակիցների հետ։ Սակայն
ժամանակի ընթացքում, բիզնեսի ընդլայնմանը զուգընթաց, ինչպես նշել է Ա. Բարսեղյանը, աշխատակիցների թիվը կավելանա մինչև 25։ ՙՀաշվի առնելով նախորդ մասնաճյուղերի փորձը՝ տարվա ընթացքում, վստահ եմ, մենք կկարողանանք ներգրավել
բիզնես-հաճախորդների էական բանակ, ինչի առնչությամբ կավելացնենք նաև աշխատողների թիվը՚, - ասել է նա։
Պատասխանելով ԱրմԻնֆո-ի հարցին՝ Ա. Բարսեղյանը նշել է, որ այս տարի նախատեսվում է մի քանի մասնաճյուղերի բացում, մասնավորապես, հաջորդ
Ստորաբաժանումն Ամերիաբանկը կբացի Էջմիածին քաղաքում: ՙԱռաջին կիսամյակում շեշտը դրվելու է Հայաստանի մարզերի վրա։ Մենք տեսնում ենք, որ տնտեսական զարգացումն աստիճանաբար Երեւանից անցնում է մարզեր, ինչին համահունչ բանկը մտադիր է լիարժեքորեն օգտագործել ընձեռված հնարավորությունները: Այդ պատճառով Ամերիաբանկն առաջին կիսամյակում ավելի ակտիվ գործունեություն է ծավալելու մարզերում՚, - ընդգծել է Ա.Բարսեղյանը։
Նա նաեւ նշել է, որ Ամերիաբանկի կոնտակտային կենտրոնն ապրիլի 16-ից անցել է 24/7 աշխատանքի ռեժիմին: ՙԱյսինքն, տարածքային ընդլայնման քաղաքականությունից բացի, մենք բարձրացնում ենք սպասարկման որակը աշխատանքի ժամանակի տեսանկյունից, որպեսզի հաճախորդները հնարավորություն ունենան չկանխատեսված իրավիճակներում օգտվել բանկի ծառայություններից՚, - նկատել է Ա. Բարսեղյանը:
Ամերիաբանկի մասնաճյուղերի տարածքային վարչության պետ Անդրանիկ Խաչատրյանը, իր հերթին, նշել է, որ այն ֆիզիկական եւ իրավաբանական անձինք, որոնք մինչեւ 2019 թվականի հուլիսի 31-ը հաշիվ կբացեն ՙԱբովյան՚ մասնաճյուղում, կստանան որոշակի արտոնյալ առավելություններ: Մասնավորապես, նա պատմել է, որ այդ մասնաճյուղում հաշիվ բացած իրավաբանական անձանց համար բանկն առաջարկում է անվճար տարեկան սպասարկում Ինտերնետ բանկինգ եւ Մոբայլ Բանկինգ համակարգերով, բիզնես-քարտի տրամադրում 1 տարվա ընթացքում անվճար սպասարկմամբ: Բացի այդ, ձեռնարկության 2 ղեկավարների կտրամադրվի մեկական դեբետային և վարկային քարտ՝ տարեկան անվճար սպասարկմամբ, բացառությամբ Infinite և Platinum տեսակի քարտերի:
Ֆիզիկական անձանց, Ա. Խաչատրյանի խոսքերով, բանկը կտրամադրի ինտերնետ/մոբայլ բանկինգ և Հեռախոսային Բանկինգ հավելվածների անվճար տարեկան սպասարկում, մեկ վարկային կամ մեկ դեբետային քարտ ' տարեկան անվճար սպասարկմամբ, բացառությամբ Infinite և Platinum քարտերի:
ՙԻնչպես բոլոր մարզերում, Ամերիաբանկն այս անգամ ևս հանդես է գալիս նոր առաջարկներով, մատուցելով լավագույն ծառայությունները, ներդնելով սպասարկման նոր որակ, ստեղծելով մրցակցություն այդ բնագավառում և ֆինանսավորելով նոր հետաքրքիր նախագծեր՚, - ասել է Ա.Խաչատրյանը:
Նշենք, որ բացման հանդիսավոր արարողությանը ներկա են եղել նաեւ Կոտայքի մարզպետ Ռոմանոս Պետրոսյանը եւ Աբովյանի քաղաքապետ Վահագն Գեւորգյանը:
Հիշեցնենք, որ Ամերիաբանկը հայկական շուկայում գործում է 1996թ. հոկտեմբերի 31-ից: 2018թ. հոկտեմբերի 1-ի դրությամբ Բանկի բաժնետերերն են Ամերիա Գրուպ CY Ltd.՝ 56,6%, ՎԶԵԲ-ը՝ 17,8%, Ասիական զարգացման բանկը՝ 13,98%, ESPS Holding Limited-ը՝ 11,62%:
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
