Արմինֆո. «Լիդիան Ինթերնեյշնլ Լիմիթիդ» ընկերությունը տեղեկացրել է, որ հոկտեմբերի 15-ին ՀՀ վարչական դատարանը բավարարել է «Լիդիան Արմենիայի» հայցը և անվավեր է ճանաչել ՀՀ բնապահպանության և ընդերքի տեսչական մարմնի՝ «Որոշակի գործողություններ կատարելուց ձեռնպահ մնալուն պարտավորեցնելու մասին» 2018թ. օգոստոսի 27-ի թիվ 30-Ա որոշումը:
ՙԲնապահպանության և ընդերքի տեսչական մարմնի նախկին ղեկավար Արթուր Գրիգորյանը 2018թ. օգոստոսի 27-ին պարտավորեցրել էր «Լիդիանին» ձեռնպահ մնալ ընդերքօգտագործմանն առնչվող որևէ գործողություններից մինչև ՀՀ Բնապահպանության նախարարությունը կուսումնասիրեր «նոր էկոլոգիական հանգամանքները», որոնք Արթուր Գրիգորյանի պնդմամբ առաջին անգամ հայտնաբերվել էին Ամուլսարի ծրագրի տարածքում:
ՀՀ վարչական դատարանը եզրահանգել է, որ ենթադրյալ էկոլոգիական հանգամանքներն անկախ փորձաքննությունից հետո չեն հիմնավորվել: Դատարանը նաև արձանագրել է, որ Արթուր Գրիգորյանը մինչև տեսչական մարմնի ղեկավարի պաշտոնը ստանձնելն ակտիվորեն հանդես է եկել Ամուլսարի ծրագրի դեմ, ինչը հիմնավոր կասկած կարող է հարուցել նրա անաչառության առնչությամբ: Դատարանը գտնում է, որ այս պարագայում Արթուր Գրիգորյանը պարտավոր էր ինքնաբացարկ հայտնել, ինչը չի արել: Դատարանը անվավեր է ճանաչել 30-Ա որոշումը:
«Լիդիանի» նախագահի և գլխավոր գործադիր տնօրենի ժամանակավոր պաշտանակատար Էդվարդ Սելլերսն այս կապակցությամբ ասել է, - «Մենք վստահ էինք, որ դատարանը կհաստատի, որ տեսչական մարմնի նախկին ղեկավարի պնդումներն անհիմն են և նրա ինքնաբացարկ չհայտնելը՝ անօրինական: Դատարանի այս վճիռը ևս մեկ անգամ հաստատում է, որ անօրինական փորձեր են արվել խոչընդոտելու «Լիդիանի»՝ Ամուլսարի ծրագրի շինարարությունն իրականացնելու և շահագործելու օրինական իրավունքը: Ցավալի է, որ անօրինականությունը, փաստորեն, իրականացվել է նաև ՀՀ կառավարության պաշտոնյայի ներգրավմամբ»:
«2019թ. օգոստոսի 19-ին վարչապետ Նիկոլ Փաշինյանը հրապարակայնորեն հայտարարել է, որ որևէ իրավական հիմք չկա ՀՀ կառավարության կողմից «Լիդիանին» արգելելու Ամուլսարի ծրագիրը շարունակել և պետության շահից է բխում թույլ տալ ծրագրի իրականացումը: Վարչապետը նաև կոչ է արել ապօրինություն իրականացնողներին ապաշրջափակել ճանապարհները և վերականգնել «Լիդիանի» մուտքն Ամուլսարի ծրագրի տարածք: Այնուհետև Վարչապետը տարբեր առիթներով ևս հանդես եկավ նման հայտարարություններով՝ ներառյալ Նյու Յորքում՝ ՄԱԿ-ի Գլխավոր Ասամբլեային մասնակցելու նպատակով կատարած իր այցի ընթացքում: Բայց մինչև այսօր ճանապարհների ապօրինի շրջափակումը շարունակվում է»:
«Վարչապետը նաև մի քանի անգամ հրապարակայնորեն ասել է, որ «մրցակից հանքարդյունաբերական ընկերությունները» և այլոք աջակցում են ապօրինի շրջափակողներին: Այժմ պարզվում է, որ նման աջակիցներից առնվազն մեկը եղել է նաև ՀՀ կառավարության կազմում: ՀՀ կառավարությունը թույլատրել է Ամուլսարի ծրագրի շարունակական ապօրինի շրջափակումը 2018թ. հունիսից և չի ապահովել դատարանի վճիռների իրականացումը, որոնք հաստատում են «Լիդիանի»՝ Ամուլսարի տարածք մուտքի օրինական իրավունքը: Ե՞րբ է Վարչապետը բացահայտելու, թե ովքեր են աջակցում «Լիդիանի» դեմ ապօրինություններին և ե՞րբ է Վարչապետը քայլեր ձեռնարկելու օրենքի գերակայությունը վերականգնելու համար», - ասվում է հաղորդագրությունում:
Մինչդեռ, հոկտեմբերի 17-ին լրագրողների հետ զրույցում բնապահպանության նախարար Էրիկ Գրիգորյանը անդրադարձել է Ամուլսարի ոսկու հանքավայրի շահագործման ծրագրի շրջակա միջավայրի եւ սոցիալական միջավայրի վրա ազդեցության նոր գնահատման (ՇՄԱԳ) անհրաժեշտությանը: Ինչպես նշել է նախարարը, կան բազմաթիվ փաստեր, որոնք լրացուցիչ ստուգման, կամ, առնվազն, Քննչական կոմիտեում քննվող քրեական գործի շրջանակներում պարզաբանումների կարիք ունեն: Ինչպես նշել է Գրիգորյանը, չնայած դեռ օգոստոսի 19-ին ՔԿ ղեկավարը, Ամուլսարի նախագծի վերաբերյալ փորձաքննության եզրակացությունը ներկայացնելուց հետո, հայտարարել էր, թե հիմքեր կան ՀՀ քրեական օրենսգրքի 282-րդ հոդվածով հարուցված քրեական գործը կարճելու համար (շրջակա միջավայրի աղտոտման մասին տեղեկությունները թաքցնելը կամ կանխամտածված խեղաթյուրելը), գործը չի կարճվել:
Lydian Armenia-ն բրիտանական Lydian International օֆշորային ընկերության դուստր ձեռնարկությունն է: Ամուլսարի նախագծի ընդհանուր արժեքը կազմում է 370 մլն դոլար: Հանքավայրի շահագործման ժամկետը կազմում է 10 տարի եւ 4 ամիս, ընդ որում, տարեկան կտրվածքով նախատեսվում է արդյունահանել միջինը 200 հազար ունցիա ոսկի: Ամուլսարի հանքավայրը Հայաստանում մեծությամբ երկրորդ պաշարն է։ Ընկերության տեղեկատվության համաձայն ՝ հանքավայրը պարունակում է շուրջ 73733 կգ ոսկի՝ մեկ տոննայում 0.78 գրամ միջին պարունակությամբ, ինչպես նաև
294.367 տոննա արծաթ՝ մեկ տոննայում 9.29 գ միջին պարունակությամբ։ Այն գտնվում է Ջերմուկ առողջարանային քաղաքից 13 կմ հեռավորության վրա, Արփա և Որոտան գետերի միջագետքում։ Բնապահպաններն ու շարքային քաղաքացիները մտահոգված են, որ հանքի շահագործումը կարող է հանգեցնել Ջերմուկի եւ Սեւանա լճի հանքային ստորերկրյա ջրերի աղտոտմանը:
Արմինֆո. ՀՀ շրջակա միջավայրի նախարար Էրիկ Գրիգորյանը հոկտեմբերի 17-ին լրագրողների հետ զրույցում անդրադարձել է Ամուլսարի ոսկու հանքավայրի շահագործման ծրագրի՝ շրջակա միջավայրի ազդեցության նոր գնահատման (ՇՄԱԳ) անցկացման անհրաժեշտությանը:
Արմինֆո. Ամուլսարի հանքավայրի շահագործման խնդիրը քաղաքականացվում է ։ Այս մասին հոկտեմբերի 9-ին Երեւանում կայացած մամուլի ասուլիսի ժամանակ հայտարարել Է System of a Down ռոք խմբի ղեկավար Սերժ Թանկյանը ։
Արմինֆո.Հայաստանի Հանրային խորհրդին կից կստեղծվի փորձագետների մասնակցությամբ աշխատանքային խումբ՝ Ամուլսարի հանքավայրի մշակման հարցերը ուսումնասիրելու համար: Բոլոր շահագրգիռ կողմերի ներկայացրած փաստերի և համապատասխան հետազոտությունների արդյունքների վերլուծության արդյունքում կձևավորվի Հանրային խորհրդի դիրքորոշումը հանքի մշակման վերաբերյալ:
Արմինֆո. Ջերմուկ համայնքի 19 քաղաքացի փաստաբան Նազելի Վարդանյանի միջոցով հայցադիմում են ներկայացրել ՀՀ Վարչական դատարան նոր երևան եկած էկոլոգիական հանգամանքներով, ընդդեմ Հայաստանի Հանրապետության Շրջակա միջավայրի նախարար Էրիկ Գրիգորյանի, երրորդ անձ՝ Հայաստանի Հանրապետության ֆինանսների նախարարություն՝ 3-րդ անձ ներգրավվել է Լիդիան Արմենիա ՓԲԸ և ՇՄԱԳ փորձաքննությունների ՊՈԱԿ-ը, խնդրելով պարտավորեցնել ՀՀ Շրջակա միջավայրի նախարարին ուժը կորցրած ճանաչել Ամուլսարի հանքավայրի հանքարդյունահանման համալիրի փոփոխված նախագծի շրջակա միջավայրի վրա ազդեցության պետական փորձաքննական հ. ԲՓ 35 եզրակացությունը և ՀՀ բնապահպանության նախարարի 29.04.2016թ. դրա հաստատումը:
Արմինֆո. "SOS Ամուլսար" նախաձեռնությունը Facebook-ի իր էջում զետեղել է լուսանկար, որը վկայում է "Ամուլսար" ոսկու հանքավայրում ուրանի խոշոր պաշարների առկայության մասին: Այսպես, գրառման համաձայն, դեղին սարքի U տառը նշանակում է ուրանի առկայություն չափվող նյութում։ Դրա դիմաց նշված "245 " թիվը նշանակում է ուրանի խտությունը մեկ տոննայում՝ գրամով։ Մինչդեռ նորմը պետք է լինի 4", - նշված է գրառման մեջ ։
Արմինֆո. ՀՀ վարչապետ Նիկոլ Փաշինյանը սխալ է համարում հանքարդյունաբերությունը դեմոնացնելը: Այս մասին նա հայտարարել Է Նյու Յորքի հայ համայնքի ներկայացուցիչների հետ հանդիպման ժամանակ ՝ պատասխանելով այն հարցին, թե ինչու նոր իշխանությունները չեն մտածում տվյալ ոլորտի օրենսդրության վերանայման մասին, որպեսզի ապագայում չբախվեն հանքարդյունաբերության ոլորտի ներդրողների հնարավոր շանտաժին։
Արմինֆո. Ամուլսարի հարցում վարչապետ Նիկոլ Փաշինյանին անհանգստացնում է օրթոդոքսությունը: Այդ մասին նա սեպտեմբերի 22-ին հայտարարել է Լոս Անջելեսում մամուլի ասուլիսի ժամանակ։
Արմինֆո. Ջերմուկ քաղաքի և Գնդեվազ գյուղի բնակիչները սեպտեմբերի 20-ի վաղ առավոտից բողոքի ակցիաներ են անցկացնում Ամուլսարի ոսկու հանքավայրի շահագործման դեմ: Հանքի շահագործման դեմ դասադուլներ են հայտարարվել նաեւ տարածաշրջանի դպրոցներում, նախատեսվում է բողոքի ակցիաների կազմակերպում նաեւ Երեւանում:
Արմինֆո. Ամուլսարի ոսկու հանքավայրի վերաբերյալ ճշմարտության որոնումներում կառավարությունը մտադիր է գնալ մինչև վերջ։ Այդ մասին սեպտեմբերի 16-ին մամուլի ասուլիսի ժամանակ հայտարարել է վարչապետ Նիկոլ Փաշինյանը, պատասխանելով հարցին, թե արդյոք չի կարծում, որ 400 հազար դոլարը (հենց այդքան է հարկատուների վրա նստել փորձաքննությունը - խմբ.) զուր է ծախսվել։
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
