Ադրբեջանցի վերլուծաբան Մադրիդյան սկզբունքների էությունը փաթեթային-փուլային կարգավորման մեջ է

Արմինֆո. ՌԴ ԱԳ նախարար Սերգեյ Լավրովի ՝ Ղարաբաղի վերաբերյալ հայտնի հայտարարությունը Հայաստանում և Ադրբեջանում ոչնչից մեծ աղմուկ է բարձրացրել։ ԱրմԻնֆո-ին այդպիսի  կարծիք է հայտնել ադրբեջանցի վերլուծաբան Ռաուֆ Միրկադիրովը։

<Մեծ հաշվով, Լավրովի հայտարարություններում ոչ մի նոր բան չկար, բացի մեկից։ Երկար տարիների ընթացքում առաջին անգամ նա հիշել Է ՄԱԿ-ի Անվտանգության խորհրդի հայտնի չորս բանաձեւերի մասին, որոնք պահանջում են գրավյալ տարածքների ազատագրում, բոլոր հաղորդակցությունների բացում, խաղաղ բնակչության անվտանգության ապահովում, մշտական բնակության վայրեր փախստականների վերադարձ, տնտեսական և դիվանագիտական հարաբերությունների հաստատում: Սակայն, միանգամից վերապահվել է, որ դրանց իրականացման համար միակ ընդունելի ձևաչափը ԵԱՀԿ Մինսկի խմբի համանախագահության ինստիտուտն է>, - ընդգծել է նա ։

Միրկադիրովի գնահատականներով, մեծ հաշվով, Մադրիդյան սկզբունքները հակամարտության փուլային կարգավորման տարբերակ չեն։ Նրա կարծիքով, ըստ էության, Մադրիդյան սկզբունքները ենթադրում են փաթեթային-փուլային կարգավորում, երբ բոլոր հարցերը համաձայնեցվում են փաթեթում, բայց իրականացվում են փուլ առ փուլ ։

Մինչդեռ, ադրբեջանցի վերլուծաբանի կարծիքով, դա հակասում է ՄԱԿ-ի Անվտանգության խորհրդի բանաձեւերին, որոնք պահանջում են հակամարտության ռազմական փուլի հետեւանքների վերացում առաջին փուլում՝ առանց որեւէ կապակցման Լեռնային Ղարաբաղի վերջնական կարգավիճակի որոշման հետ: Վերջինս կողմերը պետք է քննարկեին հետագա փուլերում, ավելի կոնկրետ ՝ Մինսկի համաժողովում։

Վերլուծաբանի կարծիքով ՝ Լավրովի կողմից հայտնի բանաձևերի հիշատակումը կարելի է բնութագրել որպես ճնշում անգամ ոչ թե Հայաստանի, այլ անձամբ վարչապետ Փաշինյանի վրա, որին, Միրկադիրովի կարծիքով, Մոսկվայում չեն սիրում ։ <Ընդհանուր առմամբ, ոչ ադեկվատ արձագանք եղավ ինչպես Բաքվում, այնպես էլ՝ Երեւանում ։ Ընդ որում, ինչպես Բաքվում, այնպես էլ Երեւանում Լավրովի հայտարարությունից եւ հետագա իրադարձություններից փորձել են օգտվել ներքաղաքական խնդիրների լուծման համար>, - նկատել է նա ։

Հայկական ընդդիմությունը, վերլուծաբանի կարծիքով, իրեն հետեւողականորեն, բայց միանգամայն անհիմն է պահել ՝ հերթական անգամ մեղադրելով Փաշինյանին եւ նրա թիմին բանակցությունների ձախողման մեջ։ Այն անհիմն է այն պարզ պատճառով, որ Մադրիդյան սկզբունքները մշակվել են դեռեւս 2007 թվականին, երբ նախագահ էր Ռոբերտ Քոչարյանը ։ Եվ Երևանը հետագա բոլոր տարիներին բանակցել է հենց այդ սկզբունքների հիման վրա ։

Էլ ավելի հետևողական, ըստ Միրկադիրովի, ադրբեջանական ընդդիմությունն էր, որն ընդհանրապես ոչ մի կերպ չի արձագանքել Լավրովի կողմից մեկ բաժակ ջրում բարձրացրած փոթորկին ։ Սակայն, արձագանքել են իշխող էլիտայի որոշ ներկայացուցիչներ, որոնք մինչեւ վերջերս վերահսկվում էին նախագահի աշխատակազմի նախկին ղեկավար Ռամիզ Մեհտիեւի կլանի կողմից։ Նրանց կարծիքով, Ադրբեջանի ԱԳ նախարար Էլմար Մամեդյարովը բավականաչափ կոշտ չի արձագանքել Լավրովի հայտարարություններին հայ գործընկերոջ արձագանքին: <Ոմանք նույնիսկ մեղադրել են Մամեդյարովին ղարաբաղյան ուղղությամբ Իլհամ Ալիևի հարձակողական քաղաքականությունը սաբոտաժի ենթարկելու մեջ։ Այս ամենը <ռազբորկաներ> են իշխող վերնախավի ներսում՝ ոչ ավելին ։ Մի խոսքով, ոչ մի նոր բան տեղի չի ունենում ։ Բաղդադում ամեն ինչ հանգիստ է ։ Բնականաբար, եթե խոսքը վերաբերում է ղարաբաղյան հակամարտության կարգավորման գործընթացին>, - ամփոփել է Միրկադիրովը։