ԳԱԱ Մոլեկուլային կենսաբանության ինստիտուտն սպասում է COVID-19 թեստերի արտադրության կազմակերպման վերաբերյալ Առողջապահության նախարարության որոշմանը

Արմինֆո. Հայաստանի Գիտությունների ազգային ակադեմիայի Մոլեկուլային կենսաբանության ինստիտուտը սպասում է COVID-19 թեստերի արտադրության կազմակերպման վերաբերյալ ՀՀ առողջապահության նախարարության որոշմանը: Այդ մասին հուլիսի 1-ին Երեւանում կայացած մամուլի ասուլիսի ժամանակ հայտարարել է ինստիտուտի տնօրեն Արսեն Առաքելյանը։

Նրա խոսքով ՝ ինստիտուտն առաջին փուլում կարող է 2 հազար թեստ արտադրել՝ այդ ծավալների ավելացման հնարավորությամբ: Ընդհանուր առմամբ, ինստիտուտը կարող է արտադրել տարեկան մինչեւ 100-120 հազար թեստ: Ներկայում պահեստավորված է շուրջ 6 հազար թեստ, որոնք Աառողջապահության նախարարության կողմից դրական պատասխանի դեպքում շուկա դուրս կբերվեն մեկ թեսթի համար 2,5 դոլար գնով: Ընդ որում, ինչպես նշել է Արսեն Թորոսյանը, թեստերի հայկական նմուշների ճշգրտությունը կազմում է 98 տոկոս՝ արտասահմանյան անալոգների համեմատությամբ: Իր գործունեությունում ինստիտուտը համագործակցում է մի շարք եվրոպական եւ չինական համալսարանների հետ: Ինչ վերաբերում է արտահանման հնարավորություններին, ապա, ինչպես ընդգծել է Արսեն Առաքելյանը, այժմ նման հնարավորություն չի դիտարկվում, քանի որ այն կապված է արտադրանքի սերտիֆիկացման երկարատև գործընթացի հետ: Տնօրենը նաև նշել է, որ ինստիտուտը Երևանի ֆիզիկայի ինստիտուտի հետ համատեղ մշակել և արտադրել է դիմակների առաջին նմուշները, որոնք աչքի են ընկնում լրացուցիչ պաշտպանական հատկություններով: Նաեւ աշխատանք է ընթանում դեղերի մշակման ուղղությամբ: Սակայն այս հարցում երկու խնդիր կա ՝ ֆինանսական ռեսուրսների և նյութատեխնիկական միջոցների պակաս։ Մարդկային ռեսուրսների հետ կապված խնդիրներ ինստիտուտը չունի, նշել է Արսեն Առաքելյանը։

Հիշեցնենք, որ մայիսի վերջին Արսեն Առաքելյանը տեղեկացրել էր, որ ինստիտուտը պատրաստ է օրական 1-2 հազար COVID-19-ի թեստ արտադրել: "Մենք ստացել ենք բոլոր անհրաժեշտ նյութերը 100 հազար թեստերի պատրաստման համար, այժմ փորձարկումներ են կատարվում ։ Թեստերը շատ զգայուն են, եւ վարակը կարող է հայտնաբերվել, նույնիսկ, համեմատաբար ցածր տիտրով (կոնցենտրացիայով)", - նշել էր Առաքելյանը, հավելելով, որ փորձնական շրջանից հետո նախատեսվում է օրական արտադրել մոտ 1-2 հազար թեստ ։ Ինստիտուտի տնօրենն ընդգծել էր, որ աշխատանքներն իրականացվում են Առողջապահության նախարարության և Հիվանդությունների վերահսկման և կանխարգելման ազգային կենտրոնի հետ համատեղ: "Մենք վերցնում ենք նրանց կողմից արված թեստերը եւ կրկնում ենք դրանք, որպեսզի համեմատենք մեր թեստերի ճշգրտությունը ։ Այս շաբաթվա ընթացքում կամ հաջորդ շաբաթվա սկզբին թեստերն արդեն կհանձնվեն նախարարությանը փորձարկման համար", - ասել էր նա։ Ներկայումս ձեռք բերված ռեագենտներից արդեն արտադրվում են նմուշներ, որոնց փորձարկումները կիրականացվեն մի քանի փուլով ։ Թեստերի թողարկումը տեղում թույլ կտա տնտեսել արտերկրում դրանց ձեռք բերման համար պետության կողմից հատկացվող միջոցները։