Ստեփանակերտում արձագանքել են Մայք Պոմպեոյի հայտարարությանը

Արմինֆո.Արցախի արտաքին գործերի նախարար Մասիս Մայիլյանն արձագանքել է ԱՄՆ պետքարտուղար Մայք Պոմպեոյի ՝ Լեռնային Ղարաբաղի հակամարտության գոտում իրավիճակի վերաբերյալ հայտարարությանը։

<Ուրախ եմ, որ պետքարտուղար Պոմպեոն վերահաստատեց մեր ընդհանուր տեսլականը, որ ադրբեջանաղարաբաղյան հակամարտության կարգավորումը հնարավոր է բացառապես խաղաղ բանակցությունների ճանապարհով։  Կարևոր է համոզվել, որ Թուրքիան կդադարի դրդել Ադրբեջանին և միջազգային ահաբեկիչներին շարունակել անմարդկային ագրեսիան՝ ընդդեմ ժողովրդավարության։

Մենք կիսում ենք պետքարտուղար Պոմպեոյի հույսը, որ հայերն ի վիճակի կլինեն պաշտպանել իրենց Ադրբեջանի գործողություններից։ Միաժամանակ, ակնկալում ենք, որ միջազգային հանրությունն ակտիվ կառուցողական դերակատարում կունենա Թուրքիայի, Ադրբեջանի և միջազգային ահաբեկիչների եռամիասնության՝ մարդկության դեմ ուղղված հանցանքներն ու ցեղասպանական սպառնալիքները դադարեցնելու հարցում։ Արցախի Հանրապետության անկախության ճանաչումն անհրաժեշտ է՝ տարածաշրջանում կայուն խաղաղություն հաստատելու համար>,– գրել է Մայլիյանը Ֆեյսբուքի իր էջում։