ԱՀՀ-ն շնորհավորել է Ջո Բայդենին ԱՄՆ նախագահական ընտրություններում հաղթելու կապակցությամբ՝ կոչ անելով հետաքննել Թուրքիայի եւ Ադրբեջանի ազդեցությունն ԱՄՆ-ի վրա

Արմինֆո. Ամերիկայի Հայկական Համագումարը շնորհավորել է Ջո Բայդենին ԱՄՆ նախագահի պաշտոնում, իսկ Քամալա Հարրիսին՝ փոխնախագահի պաշտոնում ընտրվելու կապակցությամբ՝ միաժամանակ կոչ անելով հետաքննել Թուրքիայի եւ Ադրբեջանի ազդեցությունը Միացյալ Նահանգների վրա: ԱՀՀ-ի հայտարարության մեջ կազմակերպության համանախագահներ Էնթոնի Բարսամյանի եւ Վան Կրիկորյանի անունից, մասնավորապես, ասվում է:

«Մենք շնորհավորում ենք նորընտիր նախագահ Ջո Բայդենի և ընտրված փոխնախագահ Քամալա Հարիսին ընտրություններում տարած հաղթանակի կապակցությամբ եւ մաղթում ամենայն բարիք նախագահ Դոոնալդ Թրամփին եւ փոխնախագահին Մայք Փենսին»:  Ընդ որում, Ամերիկայի Հայկական Համագումարում արձանագրել են, որ այդ ընտրությունները համառ էին։ «Մենք միանում ենք նրանց, ովքեր կոչ են անում Միացյալ Նահանգներին ՝ ընտրություններից հետո միավորվել դրական ոգով ՝ ի շահ բոլոր ամերիկացիների։ Քանի դեռ աշխարհի աչքերը գամված էին այդ ընտրություններին, ամերիկահայերն ու մեր բարեկամները փորձում էին կանգնեցնել այն ցեղասպանությունը, որն իրականացնում են Ալիևի և Էրդողանի վարչակազմերը ջիհադականների աջակցությամբ Հայաստանի և Արցախի նկատմամբ ։ Մենք աղոթում ենք խաղաղության համար: Մենք հուսով ենք, որ վարչակազմի այս փոփոխությունը կհանգեցնի վերջին տարիներին  ԱՄՆ-ի վրա Թուրքիայի եւ Ադրբեջանի գաղտնի ազդեցության հետաքննության», - ասվում է ԱՀՀ հայտարարության մեջ: Հայկական կազմակերպությունում կրկին հիշեցրել են այն սպառնալիքի մասին, որը կրում են Թուրքիան , Ադրբեջանը եւ նրանց կամակատարները՝ ԻԼԻՊ - ը տարածաշրջանային կայունության համար, ինչպես նաեւ այդ ֆոնին քրիստոնյաների եւ այլ ազգային փոքրամասնությունների պաշտպանությունն ապահովելու անհրաժեշտությունը: ԱՀՀ-ում հավելել են, որ այսօր բարձրացված հարցերը օրվա հրամայական են, դրա վառ վկայությունն է Ադրբեջանի եւ Թուրքիայի  կողմից Արցախի նկատմամբ վարձկանների աջակցությամբ սանձազերծված ագրեսիան: «Մենք ոգևորված ենք ոչ միայն Ջո Բայդենի եւ Քամալա Հարրիսի գրառումներով, այլեւ այն հայտարարություններով, որոնք նրանք արել են իրենց կարիերայի ընթացքում եւ կրկնել են վարչակազմի կողմից Հայոց ցեղասպանության ճանաչման, Ազատության աջակցության մասին օրենքի 907 - րդ հոդվածի պահպանման ապահովման, ինչպես նաեւ Թուրքիայի եւ Ադրբեջանի ապակառուցողական վարքագծի անտեսումը դադարեցնելու, ամերիկյան եւ հայ ժողովուրդների միջեւ ամուր գործընկերություն կառուցելու ուղղությամբ", - ընդգծել են  ԱՀՀ-ում: Հայտարարությունում նաեւ հիշեցվում է, որ Թրամփի օրոք 2019 թվականին Կոնգրեսի երկու պալատները պատմական բանաձեւեր են ընդունել Օսմանյան կայսրությունում Հայոց ցեղասպանության ճանաչման վերաբերյալ: Սակայն, եղել են նաեւ բացասական պահեր, մասնավորապես, Թրամփի վարչակազմը Էրդողանի վարչակարգին թույլ է տվել վնաս հասցնել ԱՄՆ-ի անվտանգության շահերին եւ ամբողջ աշխարհում մարդու իրավունքներին, բացի այդ, Ալիեւի կոռումպացված ռեժիմին 2018 թվականից Ավելի քան 100 մլն դոլար է ուղղորդվել պաշտպանության ոլորտին,  որն օգտագործվել է քրիստոնյա հայերի դեմ, նաեւ կասեցվել է 907-րդ հոդվածը, որն արգելում է ռազմական օգնությունն Ադրբեջանին,  եւ Ալիեւին ու Էրդողանին թույլ է տվել ջիհհադական վարձկանների ներմուծել եւ աջակցել ԱՄՆ թթշնամիներին՝  առանց հետեւանքների: "Միացյալ Նահանգները պետք է վճռական քայլեր ձեռնարկի հիմա,  քանի  դեռ ավելի շատ անմեղ մարդիկ չեմ զոհվել: Մենք կոչ ենք անում Միացյալ Նահանգներին լիակատար տնտեսական և դիվանագիտական ճնշում գործադրել Ադրբեջանի և Թուրքիայի նկատմամբ։ Մենք լիովին համաձայն ենք ընտրված նախագահ Բայդենի հետ Ազատության աջակցության մասին օրենքի 907 բաժնի վերաբերյալ։ 907 բաժինը պետք է լիովին պահպանվի, որպեսզի կանխվի ռազմական օգնության տրամադրումը եւ անվտանգության ոլորտում օգնությունը կոռումպացված դինաստիական դիկտատորին, որը շարունակում է օգտագործել ամերիկյան հարկատուների դոլարները մարդու իրավունքների նկատմամբ ոճրագործություններ կատարելու համար: Արդարացում չկա դպրոցների, եկեղեցիների եւ հիվանդանոցների ռմբակոծման կամ զգայուն բնապահպանական էկոհամակարգերում սպիտակ ֆոսֆորի օգտագործման համար: Թուրքիան նույնպես պետք է պատժամիջոցների ենթարկվի ադրբեջանական զինված ուժերին աջակցելու գործում նրա ակտիվ դերի համար, այդ թվում ՝ վարձկանների հավաքագրումը, փոխադրումը եւ տեղակայումը հակամարտության գոտում: Թուրքիայի նկատմամբ ԱՄՆ քաղաքականությունը մանրակրկիտ վերագնահատում է պահանջում", - ամփոփել են ԱՀՀ-ում։