Չորեքշաբթի, 23 Դեկտեմբերի 2020 11:18

Արմինֆո.Մինչ աշխարհը սպասում է, թե երբ ՔՈՎԻԴ-19 պատվաստանյութը համընդհանուր հասանելի կդառնա, իսկ համավարակը վերասահմանում է բիզնես ոլորտի հաջողությունը, HSBC կոմերցիոն բանկային ծառայությունը կանխատեսում է երկաստիճան տնտեսական վերականգնում առաջիկա մի քանի տարիների ընթացքում։

 

Ամփոփելով 39 երկրներից ու տարածաշրջաններից ավելի քան 10,000 ընկերությունների տեսակետները՝ HSBC-ի Navigator  հետազոտությունը պարզել է, որ նրանց 8%-ն այժմ ավելի մեծ շահույթ է ունենում, քան համավարակի բռնկումից առաջ, իսկ 45%-ն ակնկալում է մինչև 2021 թ-ի ավարտը վերադառնալ համավարակից առաջ իրենց ունեցած շահութաբերության մակարդակին։ Այնուամենայնիվ, բիզնեսների 28% և 11%-ը կանխատեսում են, որ դա իրատեսական կլինի համապատասխանաբար մինչև 2022 և 2023 թթ-ի ավարտը, իսկ 6%-ը՝ 2024 թ-ը կամ ավելի ուշ։ 

 

Թեև այն ընկերությունների թիվը, որոնք կանխատեսում են վաճառքի աճ գալիք տարվա համար (64%) կրճատվել է 15%-ով նախորդ տարվա համեմատ, իսկ զրոյական աճ գրանցող ընկերությունների համամասնությունը կրկնապատկվել է, բիզնեսների տասից չորսը (42%)  կանխատեսում են ավելի քան 5% վաճառքի աճ 2021թ-ի համար։ «Բարձր աճ» կանխատեսող ընկերությունների առանձնահատկությունն այն է, որ նրանց մեծամասնությունը (89%) պատրաստվում է համարձակ քայլերի դիմել՝ ավելացնելով ներդրումները։ Մինչդեռ, բիզնեսների մեկ քառորդը (24%), որոնք կանխատեսում են վաճառքի ավելի ցածր մակարդակ, պատրաստվում են կրճատել ծախսերը․ հինգից երկուսն (42%) ակնկալում է կրճատել բիզնեսում արվող ներդրումները։

 

• Թվային տեխնոլոգիաներն առանցքային են համավարակի ընթացքում հաջողությունների հասնելու համար։ «Բարձր աճ» ունեցող ընկերություններն այժմ գրանցում են առցանց վաճառքի ամենաբարձր ցուցանիշները։ Այս ընկերությունների 32%-ն ակնկալում է, որ տեխնոլոգիաներով պայմանավորված արդյունավետությունը շարժիչ ուժ կլինի վերականգնման համար։ Նման կանխատեսմամբ բարձր աճով ընկերությունների թիվը գերազանցում է ցածր կամ զրոյական աճ գրանցող ընկերությունների թվին։ Արդյունքում, նրանց 88%-ը պլանավորում է ներդրումներ կատարել թվային գործիքների  և հարթակների մեջ հաջորդ տարի, մինչդեռ նրանց մեկ երրորդն արդեն ստեղծել է նոր արտադրանք ու ծառայություններ։  

 

• Աշխատակիցների հզորացում․ Աշխատակիցներն առաջնահերթություն են բարձր աճ գրանցող ընկերությունների համար։ Վերջիններիս 90%-ը պլանավորում է զարգացնել նրանց հմտությունները և ներդրումներ կատարել աշխատակազմի բարեկեցության համար:

 

• Բնապահպանական, սոցիալական և կորպորատիվ (ԲՍԿ) կառավարման  հանձնառություն․  Հարցմանը մասնակցած ընկերությունների ճնշող մեծամասնությունը (86%)`  լավատեսներից մինչև հոռետեսներ, կարծում են, որ կայունության բարձրացմանն ուղղված ջանքերը կօգնեն խթանել վաճառքը։ Չորսից երեքը սահմանել են ԲՍԿ նպատակներ՝ առավելագույն ուշադրություն դարձնելով բնապահպանական և սոցիալական նպատակներին (այս ցուցանիշները 2019 թ-ից ի վեր համապատասխանաբար աճել են 10 և 12 տոկոսային կետով)։

 

 

HSBC Հայաստանի գլխավոր գործադիր տնօրեն Իրինա Սեյլանյանը նշել է․ «2020 թ-ը մարտահրավերներով լի էր ողջ աշխարհի և մասնավորապես Հայաստանի համար: Այս դժվարությունները դրդեցին բիզնեսներին որդեգրել առավել ճկուն ռազմավարություն՝ ստեղծված ճգնաժամին դիմակայելու, տեղական տնտեսությունը խթանելու և հետագա զարգացման ուղի բռնելու համար։ Թվային տեխնոլոգիաներում ներդրումները, աշխատակազմի ներուժի բարձրացումը և պատասխանատու սոցիալական վարքագիծը հանդիսանում են ներկայիս ճգնաժամային իրավիճակը հաղթահարելու կարևորագույն նախապայման»:  

 

Navigator հետազոտությունը ցույց է տալիս, որ գովազդային/հանրային կապերի և դեղագործական ոլորտներում գործող բիզնեսներն ամենալավատեսներից են վաճառքի աճի կանխատեսման հարցում։ Նրանք ավելի լավատեսորեն են տրամադրված, քան էներգիայի, քիմիական և տեխնոլոգիական ծառայությունների ոլորտներում գործող ընկերությունները: Ավտոմոբիլային, հեռահաղորդակցության, զբոսաշրջության և կրթության ոլորտներն ավելի պակաս լավատես են։

 

Թեև բիզնեսների կեսն ակնկալում է, որ միջսահմանային առևտուր իրականացնելն ավելի կբարդանա, քան նախահամաճարակային շրջանում էր, վերջիններս միջազգային հնարավորություններից օգտվելու հարցում շարունակում են նույնչափ հանձնառություն ցուցաբերել։ Բիզնեսների երեք քառորդը դրական են գնահատում միջազգային առևտուր իրականացնելու իրենց հեռանկարները առաջիկա երկու տարիների ընթացքում: Հինգից երկուսը ավելի լայն հորիզոններն ու փորձառության նոր աղբյուրները (37%) դիտարկում են  որպես առավելություն, մինչդեռ բիզնեսները կարծում են, որ միջազգային առևտուրը հանգեցնում է դրական սոցիալական արդյունքների՝ տեղական տնտեսությունների (30%) և ենթակառուցվածքների զարգացման միջոցով (24%):

 

Ընկերությունները վերափոխում են իրենց մատակարարման շղթաները, և ոչ թե տեղափոխում դրանք՝ մատակարարների դիվերսիֆիկացման (28%), այլ ոչ թե կրճատման (20%) միջոցով։ Արդյունքում, մատակարարման շղթաներն առավել ընդարձակ գործունեություն կծավալեն տարածաշրջանային մակարդակով, ընդ որում, ընկերությունների երկու հինգերորդ մասն առավել մեծ ուշադրություն կդարձի տարածաշրջանում գործող մատակարարների վրա (40%): Ասիա-Խաղաղօվկիանոսյան տարածաշրջանում ընկերությունների համար մայրցամաքային Չինաստանը այս տարի առաջ է անցել ԱՄՆ-ից՝ որպես հիմնական արտաքին շուկա:

Խմբագիրների համար.

 

«HSBC Navigator» -ի մասին

 

«HSBC Navigator» հարցումն իրականացվում է HSBC- ի պատվերով Kantar տվյալների հետազոտական

ընկերության կողմից։ Ուսումնասիրության համար հիմք են ծառայել 39 երկրներից, շուկաներից և տարածաշրջաններից ավելի քան 10,000 ձեռնարկությունների կողմից տրամադրված պատասխանները։  Հարցումը իրականացվել է 2020թ․-ի սեպտեմբերի 11-ից հոկտեմբերի 7-ն ընկած ժամանակահատվածում։ Եվրոպայում հարցմանը մասնակցած շուկաներն են Բելգիան, Ֆրանսիան, Գերմանիան, Հունաստանը, Իռլանդիան, Իտալիան, Նիդեռլանդները, Լեհաստանը, Ռուսաստանը, Իսպանիան, Շվեդիան, Շվեյցարիան և Միացյալ Թագավորությունը, Ասիա-Խաղաղօվկիանոսյան տարածաշրջանում՝ Ավստրալիան, Բանգլադեշը, մայրցամաքային Չինաստանը, Հոնկոնգը, Հնդկաստանը, Ինդոնեզիան, Ճապոնիան, Մալայզիան, Նոր Զելանդիան, Ֆիլիպինները, Սինգապուրը, Հարավային Կորեան, Շրի Լանկան, Թայվանը, Թաիլանդը, Վիետնամը, Միջին Արևելքում և Հյուսիսային Աֆրիկայում՝ Եգիպտոսը, Սաուդյան Արաբիան, Թուրքիան, ԱՄԷ-ը, Հյուսիսային Ամերիկա.յում՝ Կանադան, Մեքսիկան, ԱՄՆ-ը, Հարավային Ամերիկայում՝ Արգենտինան, Բրազիլիան, Աֆրիկայի մնացած հատվածում՝ Հարավային Աֆրիկան: Լրացուցիչ տեղեկությունների համար այցելել https://www.business.hsbc.com/navigator։

 

 

HSBC-ի կոմերցիոն բանկային ծառայություններ

 

Ավելի քան 150 տարի մենք ձգտում ենք առաջընթացի՝ հաճախորդներին տրամադրելով նոր հնարավորություններ։ Այսօր HSBC-ի առևտրային բանկային ծառայությունը սպասարկում է ավելի քան 1․4 մլն հաճախորդների 53 շուկաներում՝ ներքին շուկաները թիրախավորող փոքր ձեռնարկություններից մինչև արտերկրում գործող կորպորացիաներ։ Անկախ նրանից, թե շրջանառու կապիտալ է, ժամկետային վարկեր, առևտրի ֆինանսավորման, վճարային և կանխիկ դրամական միջոցների կառավարման լուծումներ, մենք տրամադրում ենք գործիքներ և փորձառություն, որոնք անհրաժեշտ են բիզնեսի զարգացման համար։ Որպես HSBC Խմբի հիմնաքար` մենք բիզնեսներին հնարավորություն ենք տալիս մուտք գործել միջազգային ցանց, որն ընդգրկում է համաշխարհային առևտրի և կապիտալի հոսքերի ավելի քան 90% -ը: Լրացուցիչ տեղեկությունների համար այցելեք ՝

https://www.hsbc.com/who-we-are/our-businesses-and-customers/commercial-banking

 

 

HSBC Խումբ

HSBC Holdings plc-ը՝ HSBC Խմբի ընկերության գլխամասը, գտնվում է Լոնդոնում: Խումբը ծառայություններ է

տրամադրում 64 երկրներում և տարածաշրջաններում՝ Եվրոպայում, Ասիայում, Հյուսիսային և Լատինական Ամերիկայում, ինչպես նաև Մերձավոր Արևելքում և Հյուսիսային Աֆրիկայում: HSBC-ն հանդիսանում է աշխարհի ամենախոշոր և հզոր ֆինանսական կառույցներից մեկը, որի ակտիվները 2020թ. հունիսի 30-ի դրությամբ կազմել են 2,923 միլիարդ ԱՄՆ դոլար:

 

HSBC Հայաստան

«Էյչ-Էս-Բի-Սի Բանկ Հայաստան» ՓԲԸ-ը հիմնադրվել է 1996թ-ին։ Բանկը համատեղ ձեռնարկություն է, որի

70%-ը պատկանում է HSBC Խմբին, իսկ 30%-ը` արտերկրի հայ գործարարի: Էյչ-Էս-Բի-Սի Հայաստանը

սպասարկում է շուրջ 30 000 հաճախորդի Երևան քաղաքում գտնվող իր 8 գրասենյակների և մոտ 362

աշխատակիցների միջոցով: 2020 թ-ի մարտի 31-ի դրությամբ բանկի ակտիվները կազմել են 298 միլիարդ ՀՀ

դրամ` ներառյալ Էյչ-Էս-Բի-Սի Բանկ Փի-Էլ-Սի Լոնդոնի կողմից Բանկի միջնորդությամբ տրամադրված

վարկեր: