Արմինֆո.Տարիներ առաջ՝ բացահայտելով Հայաստանը, մի ճշմարտություն հասկացա՝ ավելի բարդ, բայց միաժամանակ, հեշտ է սիրելը, երբ ճանաչում ես… Ու, այո, խոսքը Հայրենիքի մասին է: Բարդ է, քանի որ այն բազում <<դեմքեր>> ունի՝ սկսած վատ ճանապարհներից մինչեւ չզարգացած տրանսպորտային ենթակառույցներ մարզերում… Հեշտ է, որովհետեւ յուրաքանչյուր նոր քայլ նոր բացահայտում է: Ու պարզվում է՝ այնքան շատ բան չգիտես քո երկրի մասին, այնքան շատ բան, որոնցով կարող ես հպարտանալ ու հիանալ:
Եվ, առաջին հերթին, խոսքը ամրոցների մասին է: Իսկ այդպիսիք քիչ չեն: Մենք կներկայացնենք դրանցից միայն մի քանիսը, որտեղ այցելությունը կհետաքրքրի ձեզ:
Արագածոտն
Բացի Ամբերդից, այս մարզում դուք կարող եք գրեթե ամբողջությամբ վերականգնված Դաշտադեմի ամրոցը/Թալինից ոչ հեռու/՝ իր միջնաբերդով, ամրոցով, մատուռով, բաց ջրամատակարարման համակարգով…
Նույն մարզում՝ Կոշում է գտնվում Աղջկաբերդը: Հասկանալու համար, որ ամրոցը կարող է իսկապես առնչված լինել կնոջ, բավարար է ուղղակի տեսնել այն՝ փոքր, նրբագեղ, հղկված, կոկիկ քարով շարված բերդ է գյուղի վերջնամասում:
Արարատ
Ուրցաձորում՝ Խոսրովի անտառ տանող ճանապարհին է գտնվում Տափի ամրոցը, որը ժողովուրդը Գեւորգ Մարզպետունու բերդ է կոչում: Ռազմական նշանակության բավականին լավ պահպանված շինություն է՝ աշտարակներով, պաշտպանական պատերով եւ սենյակներով:
Խոսրովի անտառ պետական արգելոցի տարածքում՝ անառիկ սարի գագաթին է գտնվում Կաքավաբերդը/ Գեղի բերդ կամ Թաթուլի բերդը: Ըստ Հովհաննես Դրասխանակերտցու, 924 թ.-ին Գեղիի վրա է հարձակվել արաբ զորավար Բեշիրը և պարտվել Գևորգ Մարզպետունուց: Այն ներկայում լավ պահպանված է, բերդի ներսում կա նաեւ եկեղեցի:
Կոտայք
Այստեղ՝ Բջնի գյուղում է գտնվում Բջնիի ամրոցը: Այն դարեր ի վեր Նիգ գավառի գլխավոր ամրությունն էր և վերահսկում էր Բջնիի մատույցները: Այժմ կիսավեր է։ Բերդում բազմաթիվ շենքերի ավերակներ ու հետքեր են մնացել, պահպանված է նաեւ գաղտնի ստորգետնյա ճանապարհի մի փոքր հատված:
Վայոց ձոր
Արտաբույնք գյուղի հարեւանությամբ է գտնվում Հայաստանի՝ տարածքով ամենամեծ ամրոցներից մեկը՝ Սմբատաբերդը, որի պարիսպներից հիանալի տեսարան է բացվում դեպի Վայոց Ձոր:
Եվս մեկ ամրոց՝ Պռոշաբերդը կամ Բոլորաբերդը, Գլաձոր գյուղից 15 կմ հեռավորությամբ է: Այն եղել է Պռոշյան տոհմի իշխանանիստը:
Սյունիք
Կապան-Քաջարան ճանապարհին գտնվող Բաղաբերդը հայտնի է ոչ միայն ճարտարապետությամբ կամ պաշտպանական նշանակությամբ: 1170 թ. Գանձակի սելջուկները գրավելով Բաղաբերդը, այստեղ այրել են Տաթևի վանքին պատկանող ավելի քան 10 հազար ձեռագիր մատյան:
Կապանից 5 կմ հեռավորությամբ գտնվող Հալիձորի բերդը (Հալիձորի Սուրբ Աստվածածնի կուսանաց անապատ) XVIII դ. վերակառուցել է Դավիթ Բեկը՝ դարձնելով ազատագրական պայքարի գլխավոր ամրոցը և Սյունիքի հայկական իշխանության կենտրոնը։ Հիանալի պահպանված ու հետաքրքիր կառույց է՝ շրջապատված հարուստ բնությամբ:
Հետաքրքրական են նաեւ Մեղրու եւ Խնձորեսկի՝ Մխիթար Սպարապետի բերդերը:
Տավուշ
Բերդավանի ամրոցը գտնվում է նույնանուն գյուղի հարեւանությամբ՝ հայ-ադրբեջանական սահմանային գոտում: Լավ պահպանված կառույց է՝ միջնաբերդով, աշտարակներով:
Լոռի
Զբոսաշրջային եւս մեկ գրավչություն՝ Լոռի բերդը գտնվում է Ստեփանավանից ոչ հեռու: Անմշակ քարերից կառույցների անսամբլ է, որից հիանալի տեսարան է բացվում դեպի Ձորագետի կիրճ:
Ախթալայի բերդը կամ Պղնձահանք բերդը գտնվում է Ախթալա գյուղում՝ ճամփեզրին: Հետաքրքիր կառույց է, որի տարածքում կա նաեւ եկեղեցի՝ պահպանված որմնանկարներով:
Եվս մեկ պաշտպանական նշանակության բերդ՝ Կայանբերդը գտնվում է Հաղպատի ճանապարհին:
Շիրակ
Այս մարզում ամրոցի՝ աննշան պահպանված հատվածներ կան Գուսանագյուղում: Սակայն այցելության տեսանկյունից առավել հետաքրքիր են Գյումրիում գտնվող Սեւ եւ Կարմիր բերդերը:
Գեղարքունիք
Բերդկունք գյուղի հարեւանությամբ են գտնվում Սպիտակ բերդի ավերակները: Այն կառուցվել է մ.թ.ա. 2-1 հզում եւ իր նշանակության ծառայել մինչեւ 10 դ.: Հատվածաբար պահպանված են պատերն ու աշտարակները:
Արմավիր
Այս մարզում է գտնվել Սարդարապատի ամրոցը, որից այժմ պահպանված է հողե պատի մի հատված:
Անկախ թե ինչպես եք ճանապարհորդում, վճարեք Կոնվերս Բանկի քարտերով, օգտվեք տարբեր ակցիաներից եւ յուրաքանչյուր գնումից կուտակեք Կոնվերս միավորներ՝ դրանք հետագայում փոխանակելով արժեքավոր նվերներով:
Մանրամասները՝
Կոնվերս միավորների մասին՝ https://benefits.conversebank.am/hy/description/
Բանկի քարտային պրոդուկտների մասին՝ https://www.conversebank.am/hy/cards/
Հուշարձանների մասին՝ https://hushardzan.am/
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
