Ամերիաբանկը ֆինանսական տարին բացեց «Նորվիկ» ՈւՎԿ վարկային պորտֆելի ձեռք բերման մասին հայտարարությունով

 Ամերիաբանկը ֆինանսական տարին բացեց «Նորվիկ» ՈւՎԿ
վարկային պորտֆելի ձեռք բերման մասին հայտարարությունով: Ինչպես ԱրմԻնֆո
գործակալությանը տեղեկացվել է Բանկի մամուլի ծառայությունից, «Նորվիկ» ՈւՎԿ-ն իր
պորտֆելի մի մասը զիջել է Ամերիաբանկին: Գործարքի վերաբերյալ որևէ լրացուցիչ
տեղեկություն չի հաղորդվել:

Նշենք, որ սա առաջին անգամը չէ, որ Ամերիաբանկն իր
ակտիվների ընդհանուր ավելացումն ապահովում է սիներգիայի ճանապարհով, միայն այն
տարբերությամբ, որ «Կասկադ Բանկի» պարագայում (2010թ.) տեղի ունեցավ միաձուլում,
իսկ «Նորվիկի» հետ կիրառվեց կուլ տալու մեխանիզմը: Ամերիաբանկի և Կասկադ Բանկի
միավորումը թույլ տվեց, որ Ամերիաբանկի ակտիվներն աճեն մինչև 154 մլրդ դրամ, 6-րդ
տեղից ցատկելով մինչև 2-րդ տեղ, իսկ հետագայում` 334 մլրդ.դրամով դառնալով
առաջատարը (2014թ.հոկտեմբերի 1 դրությամբ): Նորվիկի կուլ գնալը միայն ամրապնդեց
Ամերիաբանկի ակտիվներն առաջին հորիզոնականում: Հատկանշական է, որ գործարքի պահին
Նորվիկը հիմնական ցուցանիշներով, ինչպես նաև ընդհանուր կիապիտալով, գտնվում էր
5-րդ տեղում, ինչը, ըստ ԱրմԻֆո-ի փորձագետների, լրացուցիչ առավելություն էր
Ամերիաբանկի համար` այդ ցուցանիշի աճի առումով, որի նորմատիվը 2017 թվականից
կկազմի 30 մլրդ.դրամ: Անուամենայնիվ, փորձագետները գտնում են, որ Ամերիաբանկի
ընդհանուր կապիտալն արդեն 8 անգամ գերազանցոմ է ներկայումս գործող նվազագույն
պահանջը և մոտ 40% բարձր է 2017 թվականի համար սահմանված սանդղակից:

Հարկ է նշել, որ Հայաստանի ֆինանսական շուկայում
միաձուլման և կուլ գնալու գործարքներն առաջին անգամ արձանագրվել են 2003 թվականին,
երբ նորաստեղծ Արդշինինվեստբանկը ձեռք բերեց Արդշինբանկի և Ագրոբանկի ակտիվները:
2009-ի հուլիսին տեղի ունեցավ «Կասկադ Կրեդիտ»-ի և «Կասկադ Բանկ»-ի միավորումը,
իսկ մեկ տարի անց վերջինս միավորվեց Ամերիաբանկի հետ: 2009-ի օգոստոսին
Արարատբանկը ձեռք բերեց «Իզմիրլյան-Եվրասիա» ՈւՎԿ-ն: Ի դեպ, միաձուլումների և կուլ
գնալու գործարքները տեղի ունենում նաև վարկային և ապահովագրական ընկերությունների
շրջանում:

Փորձագետները նշում են, որ 2017 թվականից բանկերի
ընդանուր կապիտալի նվազագոյն նորմատիվի բարձրացումն էլ ավելի կարագացնի միաձուլման
և կուլ գնալու (Mergers
and Acquisitions, M&A) գործընթացները,
խոշորացնելով շուկայի մասնակիցներին: Ըստ ՀՀ ԿԲ տվյալների, դա կապահովի կապիտալի
մասշտաբի դրական արդյունք, նպաստելով բանկային ավելի որակյալ ու մատչելի
սպասարկմանը, ինչպես նաև առողջ մրցակցային միջավայրի ձևավորմանը: Բացի այդ,
կբարձրանա բանկային գործունեության արդյունավետությունը և կամրապնդվի
կայունությունը: Արդյունքում, կձևավորվի նոր տեխնոլոգիաների ու պրոդուկտների
ներդրման բարենպաստ միջավայր, ինչը կբարձրացնի կապիտալի միջազգային շուկային
հայկական բանկերի ներգրավվածությունը: Կբարձրանա նաև բանկային համակարգի
ճկունությունը և զանազան ցնցումներին դիմակայելու ունակությունը, խորացնելով նաև
ֆինանսական միջնորդությունը:

Ըստ
ԱրմԻնֆո գործակալության` Հայաստանի Բանկերի Ֆինանսական Վարկանիշի, Ամերիաբանկի
ակտիվները 2014 թվականի հոկտեմբերի 1-ին կազմել են 334,1 մլրդ դրամ (1 տեղը
շուկայում, տարեկան աճը` 12.6%), ընդհանուր կապիտալը` 40.9 մլրդ դրամ, (5 տեղ,
տարեկան աճը` 5%), վարկային ներդրումները`207,1 մլրդ դրամ, (2 տեղ, տարեկան աճը`
27.4% ), կուտակված շահույթը` 15.1 մլրդ դրամ (4 տեղ, տարեկան աճը` 13%): «Նորվիկ»
ՈւՎԿ ակտիվները կազմել են 17 մլրդ դրամ (5 տեղ, տարեկան աճը` 28%), ընդհանուր
կապիտալը` 7 մլրդ դրամ (4տեղ, տարեկան անկումը`2,8%), վարկային պորտֆելը`14,7 մլրդ
դրամ (5 տեղ, տարեկան անկումը` 22,1%), կուտակված շահույթը` 1.3 մլրդ դրամ (5 տեղ,
տարեկան անկումը` 13,8%): Հայաստանյան շուկա դուրս գալու օրվանից մինչև
Ամերիաբանին կուլ գնալը Նորվիկի զուտ շահույթը 1.8 մլրդ.դրամից աստիճանաբար նվազել
է, 2014-ին հասնելով բացասական` 233.2 մլն.դրամի, ինչը հավանաբար պայմանավորված է
եղել ֆինանսական ճգնաժամով և անհուսալի վարկերով: «Նորվիկը» Հայաստանի ֆինանսական
շուկայում գործում է 2006 թվականի հուլիսից, որի միակ սեփականատերն է Նորվիկ Բանկը
(Լատվիա): Ամերիաբանկը հանդիսանում է ունիվերսալ բանկ, որը ներդրումային
կորպորատիվ և մանրածախ բանկային ծառայություններ է մատուցում բանկային համալիր
լուծումների տեսքով: Բանկի միակ բաժնետերն է Ameria Group CY Ltd
ընկերոթյունը`100%: