Արմինֆո.Հայաստանի գիտությունների ազգային ակադեմիայի նախագահ Աշոտ Սաղյանը, ՀՀ ԳԱԱ նախագահության անդամ Գևորգ Պողոսյանը և Ռուս-հայկական համալսարանի ռեկտոր Արմեն Դարբինյանն ընտրվել են Ռուսաստանի գիտությունների ակադեմիայի արտասահմանյան անդամներ: Այս որոշումն ընդունվել է հունիսի 1-ին ՌԳԱ ընդհանուր ժողովում ։
Ռուսաստանի գիտությունների ակադեմիայի արտասահմանցի անդամներ են ընտրվում խոշորագույն օտարերկրյա գիտնականները, որոնք համաշխարհային գիտական հանրության ճանաչում են ստացել: Ակադեմիայի օտարերկրյա անդամներն իրավունք ունեն ակադեմիայի նախագահության քննարկմանը ներկայացնել հետազոտությունների համապատասխան ոլորտների զարգացման և միջազգային գիտական համագործակցության ընդլայնման հետ կապված հարցեր, ինչպես նաև գիտական և գիտակազմակերպական այլ հարցեր: Ինչպես նաև իրավունք ունեն մասնակցելու ՌԳԱ անդամների ընդհանուր ժողովներին խորհրդակցական, բայց ոչ վճռորոշ ձայնի իրավունքով:
Նշենք, որ ՀՀ ԳԱԱ նախագահ, պրոֆեսոր Աշոտ Սերոբի Սաղյանը 1978 թվականին ավարտել է Երևանի պետական համալսարանը, քիմիական գիտությունների դոկտոր է, ՀՀ ԳԱԱ թղթակից անդամ, ՀՀ ԳԱԱ ակադեմիկոս: 2010 թվականին Սաղյանը գլխավորել է ՀՀ ԳԱԱ "Հայբիոտեխնոլոգիա" գիտաարտադրական կենտրոնը, 2022 թվականին դարձել Երևանի պետական համալսարանի Դեղագործության ամբիոնի վարիչ, 2008 թվականին ՝ "Հայաստանի քիմիական հանդեսի" գլխավոր խմբագիր: 2021 թվականի հունիսին ընտրվել է ՀՀ ԳԱԱ նախագահ։
ՀՀ ԳԱԱ նախագահության անդամ, ակադեմիկոս Գևորգ Արամի Պողոսյանը 1974 թվականին ավարտել է ԵՊՀ ֆիզիկայի ֆակուլտետը: Աշխատել է որպես գրադարանավար Մյասնիկյանի անվան պետական գրադարանում (ք. Երևան. 1975-1977), կրտսեր գիտաշխատող (1977-1985թթ.), գիտական քարտուղար (1985-1990թթ.), սոցիոլոգիայի բաժնի ղեկավար (1990), ՀԽՍՀ ԳԱ փիլիսոփայության և իրավունքի ինստիտուտի փոխտնօրեն (1990-1991թթ.): 1992 թվին Պողոսյանը դարձել է Միջազգային սոցիոլոգիական միության անդամ, 1995 թվին՝ ԱՊՀ սոցիոլոգիական համագործակցության նախագահի տեղակալ, ՌԴ "Սոցիոլոգիական ամսագիր" պարբերական հրատարակության խմբագրական խորհրդի անդամ: Ակադեմիկոս ՝ Հայկական սոցիոլոգիական ասոցիացիայի հիմնադիր: Պողոսյանը 1994-1995թթ. զբաղեցրել է ՀՀ վարչապետի խորհրդականի պաշտոնը: 1996 թվականին դարձել է ՀՀ նախագահին առընթեր գիտության և առաջավոր տեխնոլոգիաների խորհրդի անդամ, 1997 թվականին ՝ ՀՀ գիտության և բարձրագույն կրթության նախարարության փորձագիտական հանձնաժողովի անդամ: 1991-1995թթ. եղել է ՀՀ ԳԱԱ սոցիոլոգիական հետազոտությունների կենտրոնի տնօրեն, իսկ 1995 թվից ՀՀ ԳԱԱ փիլիսոփայության և իրավունքի ինստիտուտի տնօրեն:
Ռուս-հայկական համալսարանի ռեկտոր, ՀՀ ԳԱԱ թղթակից անդամ Արմեն Ռազմիկի Դարբինյանը 1986 թվականին ավարտել է Մոսկվայի Մ. Վ. Լոմոնոսովի անվան պետական համալսարանի տնտեսագիտության ֆակուլտետը, 1986-1989թթ.՝ նույն համալսաչանի ասպիրանտ: 1989-1992թթ. Դարբինյանը զբաղեցրել է Մոսկվայում Հայաստանի մշտական ներկայացուցչության տնտեսական քաղաքականության վարչության պետի տեղակալի, այնոըհետեւ՝ պետի պաշտոնը: 1992-1994թթ. "Արմենինտորգ" պետական արտաքին տնտեսական միավորման գլխավոր տնօրեն, 1994-1997թթ.' ՀՀ Կենտրոնական բանկի նախագահի առաջին տեղակալ, 1997-1998թթ.' Հայաստանի Հանրապետության ֆինանսների եւ էկոնոմիկայի նախարար, 1998-1999թթ.' ՀՀ վարչապետ: 2001թվից Ռուս-հայկական համալսարանի ռեկտորն է։
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
