.jpg)
Ֆերմերին այսօր հասցնելով սնանկացման, վաղը կարող են սնանկանալ նաև կաթ վերամշակող ընկերությունները: Այսօր կայացած մամուլի ասուլիսում նման կարծիք է արտահայտել «Հայաստանի ագրարա-գյուղացիական միություն» ՀԿ նախագահ Հրաչ Բերբերյանը, նշելով, որ օրերս ընկերություններից մեկը ևս 10 դրամով իջեցրել է կաթի մթերման գինը:
«Ամռանը գները միշտ ընկնում են, քանի որ կաթի արտադրությունն ավելանում է: Բայց ոչ այդքան չափերով: Պետական այրերից մեկը կարծիք էր հայտնել, որ դա համայնքների ղեկավարների մեղքով է, բայց դա աբսուրդ է: Ոչ մի համայնքապետ գնագոյացման հետ կապ չունի: Դա ավելի շուտ կապված է կաթի փոշու միջազգային գների կտրուկ անկման հետ, ինչը փոշու օգտագործումը դարձնում է ավելի ձեռնտու: Խոսքը չի գնում դեպի Հայաստան կաթի փոշու ներմուծման մասին: Հասկանալի է, որ այն պետք է ներմուծվի և օգտագործվի ըստ նշանակության: Սակայն, խանութներում հաճախ ենք բախվում մի երևույթի, երբ կաթի պիտակների վրա նշված է լինում` «անարատ կաթ», բայց իրականում, դա փոշուց է լինում պատրաստված, և միայն քիչ ընկերություններ են նշում ինչ-որ տոկոսային հարաբերակցություն: Իսկ ո՞վ է ստուգում: Այս հարցով պետք է զբաղվել լրջորեն: Եթե կաթը պատրաստված է փոշուց, ապա պետք է արժենա ոչ թե 400, այլ 100 դրամ: Ո՞ւմ են խաբում: Գերշահույթների հետևի՞ց են վազում: Եթե այդպես շարունակվի, ապա իրավիճակը կարող է դառնալ ողբալի»,-հայտարարել է Բերբերյանը:
Նա կաթ վերամշակող ընկերություններին կոչ է արել լինել ավելի զգոն, որպեսզի աշնանը չզարմանան, երբ խանութներում հանկարծ հայտնվի ռուսական կամ բելոռուսական արտադրության կաթնամթերք: «Մեր ընկերությունները չեն դիմանա մրցակցությանը և կփակվեն: Շատերը կարծում են, թե ԵԱՏՄ-ն միակողմանի ճանապարհ է`միայն հայկական ապրանքներն արտահանելու համար: Բայց դա այդպես չէ: Որքան մենք կարող ենք արտահանել, այնքան էլ նրանք կարող են ներկրել: Եվ նրանք անպայման կօգտվեն այդ հնարավորությունից»,-ընդգծել է նա:
Բերբերյանը տեղեկացրել է, որ հունիսի 1-ին «Հայաստանի ագրարա-գյուղացիական միությունը» դիմել է ՀՀ Տնտեսական մրցակցության պետական հանձնաժողովին: «Նրանք կարծում են, թե ամեն ինչ արվում է կանխամտածված: Գնագոյացումը չի տանում մրցակցության: Բոլոր մթերողներն էլ միևնույն գներն են առաջարկում: Եթե Հանձնաժողովը բացահայտի արհեստական միտումներ, հուսով եմ, որ մեղավորները կպատժվեն: Այլ խոսքով, չեն ուզում վճարել ֆերմերին, կվճարեն պետությանը»,-նշել է Հ.Բերբերյանը, հավելելով, որ պրոբլեմի լուծումն ինքը տեսնում է «Գյուղատնտեսական ապրանքներ արտադրողների մասին» օրենքի ընդունման մեջ:
Հայ փորձագետներն ու Թուրքիայի առաջատար վերլուծական կենտրոնների ներկայացուցիչները քննարկել են երկրների միջև համագործակցության ընդլայնման հեռանկարները
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
