Վրացահայերը խորհրդարանական ընտրություններում իրենց ձայնը տվել են "Վրացական երազանքին"

Արմինֆո. Իշխող "Վրացական երազանք" կուսակցությունը պարտվել է Թբիլիսիի և այլ խոշոր քաղաքների ընտրություններում, փոխարենը՝ Նինոծմինդայում և առավելապես հայերով բնակեցված Ախալքալաքում ստացել է ձայների գրեթե 90 տոկոսը: Այդ մասին  հաղորդում է News Georgia-ն:

Թբիլիսիի ընտրատարածքներում կառավարող կուսակցության արդյունքները հետեւյալն են. Մթածմինդա ՝ 41,512 տոկոս (14 696 ձայն), Վակե՝ 38,003 տոկոս (28 983 ձայն), Սաբուրթալո՝ 39,758 տոկոս (38 110 ձայն); Կրծանիսի՝  48,831% (11,002 ձայն); Իսանի՝ 45,298% (28,767 ձայն); Սամգորի - 44,924% (37,004 ձայն); Չուղուրեթի՝  44,105% (17,936 ձայն); Դիդուբե - 42,076% (17,234 ); Նաձալադևի՝  42,571% (33,952); Գլդանի՝  40,46% (34547):

Եթե խոսենք տարածաշրջանների մասին, "Վրացական երազանքին" չի հաջողվել հաղթել ընտրություններում բոլոր խոշոր քաղաքներում։ Թբիլիսիի սահմաններից դուրս գտնվող 74 շրջաններից 5-ն են։ Ռուսթավի՝ 40,99% (24 815 ձայն), Զուգդիդի՝  48,052% (6 956 ձայն), Փոթի - 49,659% (45 583 ձայն), Բաթումի՝  49,659% (45 583 ձայն), Քութաիսի՝  47,328% (35837):

Կառավարող կուսակցությունը լավագույն արդյունքներ է ցույց  տվել Սամցխե-Ջավախքում և Քվեմո - Քարթլիում ։ Դրանք տարածաշրջաններ են, որտեղ բնակվում են էթնիկ փոքրամասնություններ, այդ թվում ՝ հայեր և ադրբեջանցիներ։ Այս ընտրություններում այնտեղից ամենաշատ ահազանգերն են ստացվել խախտումների մասին։ Մառնեուլի շրջանում, նույնիսկ, ստիպված են եղել չեղարկել ընտրատեղամասերից մեկի արդյունքները՝ քվեաթերթիկների զանգվածային լցոնման փաստից հետո։

Ընդ որում, աղբյուրը գրում է, որ պատմականորեն այդ շրջաններում առավելապես քվեարկում են իշխանության ղեկին գտնվող կուսակցության օգտին. Գարդաբանի՝ 70,831% (8 919 ձայն), Մառնեուլի ՝ 79,545% (19 424 ձայն), Բոլնիսի՝ 80,711% (18 390 ձայն), Դմանիսի՝ 76,434% (6 824 ձայն), Ծալկա ՝ 69,335% (3 387 ձայն), Ադիգենի ՝  71,309% (3 328 ձայն), Ախալքալաք՝ 88,933% (11 749 ձայն), Նինոծմինդա՝ 89,771% (7 802 ձայն)։

Ուշագրավ է, որ Երևանում քվեարկած Վրաստանի քաղաքացիները ևս մեծամասամբ իրենց ձայնը տվել են կառավարող ուժին:

Հավելենք, որ Վրաստանի ԿԸՀ վերջին նախնական տվյալների համաձայն, 3111 ընտրատեղամասերից 3109 - ի ձայների մշակումից հետո, որը կազմում է դրանց ընդհանուր թվի 99.936% - ը, կառավարող "Վրացական երազանք-Ժողովրդավարական Վրաստան" կուսակցությունը հավաքել է 53.93% (1 118 796 ձայն): Երկրորդ տեղում է "Հանուն փոփոխությունների կոալիցիան՝ Գվարամիա, Մելիա, Գիրչի, Դրոա"՝ 11.03 տոկոսով (228 821 ձայն), որին հաջորդում է "Միասնություն - ազգային շարժումը" ՝ 10.161 տոկոսով (210 787 ձայն), "Ուժեղ Վրաստան. Լելո՝ ժողովրդի համար, հանուն ազատության" ՝ 8.814 տոկոսով (182 839 ձայն) եւ "Գախարիան Վրաստանի համար" կուսակցությունը՝ 7.771 տոկոսով (161 215 ձայն):

Ինչ վերաբերում է մնացած երկու ընտրատեղամասերին, Վրաստանի ԿԸՀ նախագահ Գեորգի Կալանդարիշվիլիի հայտարարության համաձայն, Մառնեուլի ընտրատեղամասերից մեկում ընտրությունների արդյունքները չեղյալ են հայտարարվել, իսկ Դուշեթի մյուս ընտրատեղամասից արձանագրություն չի ստացվել:

Հավելենք, որ ԵԱՀԿ/ԺՀՄԻԳ դիտորդական առաքելությունն արդեն հրապարակել է Վրաստանի խորհրդարանական ընտրությունների դիտարկման նախնական արդյունքները: ԵԱՀԿ առաքելության համակարգող Պասկալ Ալիզարը նշել է ընտրությունների կազմակերպման լավ մակարդակը, սակայն թվարկել է մի շարք խնդիրներ. իրավիճակը լարված էր, քվեարկության գաղտնիությունը հաճախ խախտվում էր, տեղի էին ունենում ընթացակարգային անհամապատասխանություններ և խախտումներ:

Ալիզարը հայտարարել է նաեւ ահաբեկման եւ ճնշման փաստերի մասին, որոնք "բացասաբար են անդրադարձել ընտրողների վրա, եւ դա բացասաբար է ազդել գործընթացի վրա", ինչպես նաեւ ընտրությունների մասնակիցների ֆինանսական ռեսուրսների անհավասարակշռությունը, նախընտրական քարոզարշավի ժամանակ բեւեռացված մթնոլորտը եւ հակասական օրենսդրական փոփոխությունները: -0-