Արմինֆո.Հայաստանն անընդունելի է համարում Հայաստանում ԵՄ քաղաքացիական առաքելության դեմ կեղծ քարոզչությունը։ Այդ մասին հայտարարել է ԱԽ քարտուղար Արմեն Գրիգորյանը՝ Եղեգնաձորում առաքելության կենտրոնակայանում տեղի ունեցած միջոցառման ժամանակ, որը նվիրված էր երկրում ԵՄ քաղաքացիական առաքելության մանդատի երկարաձգմանը:
Կրկին հայտարարելով Հայաստանում ԵՄ քաղաքացիական առաքելության կայունացնող դերի մասին՝ հայ պաշտոնյան ընդգծել է նրանց գործունեության մանդատը ևս երկու տարով երկարաձգելու կարևորությունը:
"Մենք բարձր ենք գնահատում առաքելության աշխատանքը՝ որպես կայունացնող գործոն, որը խորհրդանշում է տարածաշրջանի կայունության մեջ ներդրում ունենալու ԵՄ հանձնառությունը", - նշել է նա, հավելելով, որ առաքելության երկարաձգումը եւս երկու տարով՝ Հարավային Կովկասում խաղաղությանն ու կայունությանն աջակցելու ԵՄ ձգտման նշան է:
Միևնույն ժամանակ, Գրիգորյանը կարծում է, որ կայունացման գործոնը հաճախ Հայաստանում ԵՄ քաղաքացիական առաքելությունը դարձնում է այլ երկրների կողմից հարձակումների և անտեղի քննադատության թիրախ: "Մեզ չի զարմացնում նաև այն, որ երբեմն երկու տարբեր մայրաքաղաքներից հնչող քննադատությունը գրեթե 90 տոկոսով նույնական բովանդակություն ունի ։ Անընդունելի ենք համարում Հայաստանում ԵՄ քաղաքացիական առաքելության դեմ կեղծ քարոզչությունը եւ կշարունակենք մեր համատեղ աշխատանքը ապատեղեկատվությանը հակազդելու ուղղությամբ", - նշել է Գրիգորյանը:
Ինչպես հաղորդում է Հայաստանի Անվտանգության խորհրդի մամուլի ծառայությունը, պաշտոնյան նաև ողջունել է առաքելության ընդլայնումը և Կանադայի միացումը դրան: Եզրափակելով խոսքը ՝ նա հայտարարել է անվտանգության ոլորտում ԵՄ հետ հարաբերությունները խորացնելու Հայաստանի հանձնառության մասին։
Նշենք, որ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալլասը 2025 թվականի հունվարի 10-ին առաջարկել էր ևս երկու տարով երկարաձգել ԵՄ քաղաքացիական առաքելության տեղակայումը Հայաստանում։
Հիշեցնենք, որ 2023 թվականի հունվարի 23-ին ԵՄ խորհուրդը համաձայնել էր ձևավորել Եվրամիության նոր քաղաքացիական առաքելություն Հայաստանում (EUMA) ՝ անվտանգության և պաշտպանության ընդհանուր քաղաքականության շրջանակում։ Առաքելության նպատակն է նպաստել Հայաստանի սահմանամերձ շրջաններում կայունությանը, տեղերում վստահության ամրապնդմանը և ԵՄ աջակցությամբ Հայաստանի և Ադրբեջանի միջև հարաբերությունների կարգավորմանն ուղղված ջանքերին նպաստող պայմանների ապահովմանը:
Հայաստանում ԵՄ քաղաքացիական առաքելության կազմում ընդգրկվել է մինչև 100 մասնագետ: EUMA-ի նախնական մանդատը նախատեսված էր երկու տարվա համար, նրա օպերատիվ շտաբը նշանակվել է Եղեգնաձորում: Առաքելությունը սկսել է գործել 2023 թվականի փետրվարի 20-ին ։ Նրա կազմում ընդգրկված են 8 ֆրանսիացի ժանդարմ և 15 ոստիկան Գերմանիայից։ Բացի այդ, 2023 թվականի դեկտեմբերի 11-ին ԵՄ ԱԳՆԽ նիստի արդյունքներով Եվրամիության արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը հայտարարել էր առաքելության թվաքանակը 209 մարդու հասցնելու մտադրության մասին։
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Փորձագետ. Քաղաքների կայուն զարգացման համար անհրաժեշտ է ընդլայնել որոշումների կայացմանը բնակիչների մասնակցության մեխանիզմները
Քաղաքական գործիչ․ Հայաստանի երրորդ նախագահի հայտարարությունն ընդդիմությանը կարող է զրկել Փաշինյանին իշխանությունից զրկելու միակ քաղաքական հիմքից
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
