Երևանի քաղաքապետարանում ներկայացրել են աղբահանության դիմաց վճարների արտոնյալ փաթեթները

Արմինֆո.  Երևանի քաղաքապետարանում ներկայացվել են աղբահանության դիմաց վճարների գծով արտոնյալ փաթեթներ: Ինչպես ապրիլի 22-ին ավագանու նիստի ժամանակ նշել է Երեւանի քաղաքապետարանի եկամուտների հաշվառման եւ հավաքագրման վարչության պետի պաշտոնակատար Դավիթ Հակոբյանը, 100 տոկոս արտոնությունը տարածվելու է Երեւանի բնակիչների որոշակի խմբերի վրա: Մասնավորապես, աղբահանության դիմաց այլևս չեն վճարելու Արցախյան պատերազմի հետևանքով կամ Հայաստանի Հանրապետության սահմանների պաշտպանության ժամանակ, շփման գծում, մարտական հերթապահության ժամանակ, հատուկ առաջադրանք, ծառայողական պարտականություններ կատարելիս, ինչպես նաև վերը նշվածի արդյունքում զոհված, կամ զոհված, անհետ կորած կամ բացակայող ճանաչված զինծառայողների ընտանիքների անդամները, ինչպես նաեւ վերը նշվածի հետեւանքով 1-ին և 2-րդ խմբի հաշմանդամություն ստացած զինծառայողները:

Աղբահանության համար չեն վճարելու նաև միայնակ, չաշխատող կենսաթոշակառուները և մեկ ամսվա ընթացքում մինչև 10 կիլովատ էլեկտրաէներգիա ծախսող քաղաքացիները:

50% արտոնություն կտրվի 65 քմ գերազանցող մակերես ունեցող բնակարանների բնակիչներին, եւ 75%՝ 75 քմ-ից ավելի մակերես ունեցող առանձնատների բնակիչների համար: "Հաշվի առնելով, որ Երեւանում մինչեւ 90 քմ մակերեսով բնակարանները կազմում են բնակֆոնդի 90 տոկոսը, կարելի է ասել, որ աղբահանության վճարը բնակարանների սեփականատերերի համար կկազմի 300 - 1000 դրամ, իսկ առանձնատների դեպքում՝ 500 - 1300 դրամ", - ասել է Դավիթ Հակոբյանը, նշելով, որ նախագիծը դրական եզրակացություն է ստացել Արդարադատության նախարարության կողից:

Քաղաքապետարանը նախատեսում է մինչև մայիսի 1-ը քաղաքացիների համար հնարավորություն ապահովել աղբահանության ծառայությունների դիմաց վճարելու քաղաքապետարանի կայքում, ինչպես նաև Երևանի բոլոր վարչական շրջաններում POS-տերմինալների միջոցով:

Ավելին, բանակցություններ են ընթանում Կենտրոնական բանկի և Բանկերի միության հետ՝ Հայաստանի առևտրային բանկերի բջջային հավելվածներում աղբահանության դիմաց վճարման գործառույթը ներդնելու ուղղությամբ։

Նշենք, որ նախագծի ընդունմանը կողմ է քվեարկել ավագանու 43 անդամ,  դեմ՝ 3-ը,  և 14-ը՝ ձեռնպահ։

Հիշեցնենք, որ նախորդ տարվա դեկտեմբերի վերջին քաղաքային իշխանությունները հայտարարել էին, որ այսուհետեւ աղբահանության դիմաց վճարի հաշվարկը հիմնվելու է ոչ թե բնակիչների թվի վրա, ինչպես նախկինում, այլ՝ զբաղեցրած բնակելի անշարժ գույքի մակերեսի վրա:

Հիշեցնենք, որ ըստ գործող կարգի՝ Երևանում յուրաքանչյուր բնակչի մեկ շնչին բաժին է ընկնում ամսական 200 դրամ վճար՝ աղբահանության դիմաց: Նորամուծությունից հետո, ինչպես այն ժամանակ հավաստիացրել էր Երևանի քաղաքապետարանի եկամուտների հաշվառման և հավաքագրման վարչության պետի պաշտոնակատար Դավիթ Հակոբյանը, աղբահանությունը բնակիչների համար կթանկանա, միջին հաշվով, 80 դրամով, առանձնատների դեպքում՝ 180 դրամով։