Հայաստանը միջազգային գործընկերներին ներկայացրել է Ադրբեջանի գործողությունները երկրի արգելոցային գոտիներում. նախարար

Արմինֆո.  ՀՀ շրջակա միջավայրի նախարարությունն իր միջազգային գործընկերներին տեղեկություններ է ներկայացրել Հայաստանի արգելոցային գոտիներում Ադրբեջանի գործողությունների մասին, որոնց մի մասն օկուպացված է: Այդ մասին հունիսի 11-ին ՀՀ Ազգային ժողովում 2024 թվականի պետական բյուջեի կատարման շուրջ լսումների ժամանակ հայտարարել է ՀՀ շրջակա միջավայրի նախարար Հակոբ Սիմիդյանը։

Նա նշել է, որ գերատեսչությունն ուսումնասիրություններ է իրականացրել "Շիկահող" արգելոցի տարածքում ադրբեջանական զորքերի գործողությունների վերաբերյալ: "Բայց պետք է նշեմ, որ ուսումնասիրություններ են իրականացվել ոչ միայն Սյունիքի մարզի, այլ նաև Վայոց ձորի մարզի արգելոցային գոտիների վերաբերյալ։ Պարզապես, խնդիրն այն է, որ այդ գործողություններն ուղղակիորեն կապված են անվտանգության հարցի հետ և դուրս են Շրջակա միջավայրի նախարարության լիազորությունների շրջանակից", - ասել է նախարարը՝ նելով Բաքվի կողմից իրականացվող ինժեներական աշխատանքների բացասական ազդեցությունը շրջակա միջավայրի վրա։ Այդուհանդերձ, գերատեսչությունը շարունակում է արգելոցային գոտիներում իրականացնել անհրաժեշտ բնապահպանական միջոցառումներ:

Պատասխանելով Ադրբեջանի հետ սահմանամերձ շրջանների բնակիչների խնդրի մասին հարցին, որոնք անտառահատումների համար բնապահպանական տուգանքների են ենթարկվում, Սիմիդյանը նշել է, որ այդ հարցը կարգավորվում է գործող օրենսդրությամբ: Բնապահպանական պարեկները հետևում են զանգվածային ծառահատումների դեպքերին և խախտողների նկատմամբ կիրառում են համապատասխան ներգործության միջոցներ:

Ավելի վաղ հաղորդվել էր, որ Սյունիքի մարզի "Շիկահող" արգելոցի գրավյալ տարածքում ադրբեջանցիները հատել են շուրջ 60 հեկտար անտառ՝ դիրքեր կառուցելո, ինժեներական կառույցների և Ճանապարհաշինություն համար: "Շիկահող" արգելոցի հարավարևելյան հատվածից ադրբեջանական զինված ուժերի ներխուժումն ակնհայտ դարձավ 2023 թվականին, երբ սահմանի հայկական կողմում բարձունքներ գրավելու համար հատվեցին ստորին լանջերը։ 2023 թվականի օգոստոսից արբանյակային պատկերներում արդեն երևում են անտառահատումների հետքեր և նոր ճանապարհներ արգելոցի հարավ - արևելյան հատվածի ավելի բարձր տեղամասերում և սահմանի երկայնքով ։