Արմինֆո."Հայաստանի էլեկտրական ցանցեր" ՓԲԸ պետականացմանն առնչվող օրենսդրական փոփոխությունների նախագիծը, որն առաջին ընթերցմամբ ընդունել է խորհրդարանը, միջամտություն են գործարար Սամվել Կարապետյանի և նրա ընտանիքի սեփականության իրավունքին: Այդ մասին հուլիսի 2-ին մամուլի ասուլիսի ժամանակ հայտարարել է փաստաբան Արամ Վարդեւանյանը։
Հիշեցնենք, որ ՀՀ Ազգային ժողովը հուլիսի 2-ի արտահերթ նիստում 64 կողմ, 30 դեմ ձայներով առաջին ընթերցմամբ հավանություն է տվել "Քաղաքացիական պայմանագիր" խմբակցության հեղինակած "Հանրային ծառայությունները կարգավորող մարմնի մասին" և "Էներգետիկայի մասին" օրենքներում փոփոխությունների նախագծին, որով հիմք է դրվում "Հայաստանի էլեկտրական ցանցեր" ՓԲԸ ազգայնացմանը: էլեկտրացանցերի ազգայնացման գործընթացի անհրաժեշտության մասին Փաշինյանը հայտարարել էր "Տաշիր" ընկերությունների խմբի նախագահ Սամվել Կարապետյանի կալանավորումից անմիջապես հետո:
«Անհեթեթ է, երբ մարդուն կալանավորում են նրա ունեցվածքը խլելու համար: Իրավական առումով սա համադրելի է այն բանի հետ, որ, եթե մեքենա ունենայիք, այն վարեիք ՝ լավ, թե վատ, այլ քննարկման առարկա է, բայց պարեկային ծառայողը կանգնեցներ ձեր մեքենան և հայտարարեր, որ այսուհետ ինքն է վարելու այն, կամ գտնելու է մարդ, ով դառնա վարորդ։ Այս նախագիծը դրա մասին է», - նշել է Վարդևանյանը։
Փաստաբանի խոսքով՝ երկրի ողջ հասարակայնությունն ուրախ կլիներ, եթե ներկայիս իշխանությունն աչքի ընկներ կառավարման ոլորտում թեկուզ չնչին տաղանդով: Սակայն, պետական-մասնավոր գործընկերության գոյություն ունեցող բոլոր օրինակներն ակնհայտորեն հակառակն են ասում:
Իրավագետը համոզված է, որ նախագիծն ակնհայտ հակասահմանադրական բնույթ է կրում։ Նա ընդգծում է, որ, նույնիսկ, կարգավորիչը՝ ի դեմս ՀԾԿՀ-ի, ոչ միայն էական թերություններ չի գտել ՀԷՑ-ի աշխատանքում, ավելին, դրական է համարել ընկերության գործունեությունը: "Էլեկտրացանցերի" ղեկավարների ձեռքբերումների մասին է խոսում նաեւ այն, որ նախորդ տարիներին ընկերությունը խոշոր ներդրումներ էր կատարում եւ գրեթե չէր բարձրացնում էլեկտրաէներգիայի սակագինը: Մինչդեռ, ոլորտի մյուս կարեւորագույն կառույցը' պետական կառավարմամբ "Բարձրավոլտ էլեկտրացանցերը", հակառակի մասին պատմություն է", - եզրափակել է Արամ Վարդեւանյանը:
Նշենք, որ ըստ փոփոխությունների, որոնք նախօրեին ներկայացրել է ԱԺ պետաիրավական հարցերի հանձնաժողովի նախագահ Վլադիմիր Վարդանյանը, Հանրային ծառայությունները կարգավորող հանձնաժողովի նախագահը ընկերությունների գործունեության լուրջ խախտումների մասին ահազանգեր ստանալու դեպպքում իրավունք կստանա վարույթ հարուցել, որը պետք է հաստատվի ՀԾԿՀ խորհրդի կողմից: Այդ ժամանակահատվածում ՀԾԿՀ-ը կարող է փոխել ընկերության ղեկավարությունը՝ հրավիրելով էներգետիկայի կամ կառավարման ոլորտում առնվազն 5 տարվա աշխատանքային փորձ ունեցող ժամանակավոր մենեջերի։ Ժամանակավոր կառավարիչը կաշխատի մինչեւ ուսումնասիրությունների ժամկետի ավարտը, որի արդյունքներով էներգետիկայի ոլորտի ընկերությունները կամ կառաջարկեն խախտումների վերացման գործողությունների ծրագիր, կամ կզրկվեն լիցենզիայից: Վերջին դեպքում սեփականատերերը պետք է վաճառեն ընկերությունները, ընդ որում, կառավարությանը 3 ամսվա ընթացքում կպահպանի գնման արտոնյալ իրավունք։ Եթե սեփականատերը 2 ամսվա ընթացքում հրաժարվում է վաճառքից, ապա վարչական կարգով կարող է նշանակվել բաժնետոմսերի վաճառքի առնչությամբ սակարկություն:
Նշենք, որ Սամվել Կարապետյանի գլխավորած "Տաշիր" ընկերությունների խումբը 2015 թվականի սեպտեմբերին "Ինտեր ՌԱՕ" - ից ձեռք է բերել "Հայաստանի էլեկտրական ցանցեր" ՓԲԸ-ն: Ավելի վաղ Սամվել Կարապետյանը նշել էր, որ 2016 թվից ի վեր, երբ "Տաշիր" ընկերությունների խումբը ստանձնեց սեփականության իրավունքը, "Հայաստանի էլեկտրական ցանցեր"-ում, ընդհանուր առմամբ, ներդրվել է շուրջ 900 մլն դոլար, որից 680 մլն դոլար՝ արդիականացման, և 200 մլն դոլար՝ նոր հզորությունների ստեղծման համար: Ներդրումներն իրականացվել են նաեւ միջազգային ֆինանսական կառույցների վարկային ռեսուրսների հաշվին, ինչը հանգեցրել է ՓԲԸ-ի 100% բաժնետոմսերի գրավադրման:
"Հայաստանի էլեկտրական ցանցեր" ՓԲԸ մտնում է "Տաշիր" ընկերությունների խմբի մեջ, որը պատկանում է գործարար և բարերար Սամվել Կարապետյանին: ՀԷՑ-ը կառավարում է Հայաստանի միջին և ցածր լարման բաշխիչ ցանցերը՝ սպասարկելով շուրջ 1 մլն բաժանորդի:
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
