Սամվել Կարապետյանի եղբորորդին պատմել է երեք ֆեյքերի մասին, որոնք Հայաստանի իշխանությունները կկիրառեն նոր քաղաքական ուժի նկատմամբ

Արմինֆո.  "Տաշիր" ընկերությունների խմբի առաջին փոխնախագահ, "Հայաստանի էլեկտրական ցանցեր" ՓԲԸ տնօրենների խորհրդի նախագահ Նարեկ Կարապետյանը ներկայացրել է երեք առանցքային ֆեյքեր, որոնք, նրա կարծիքով, Հայաստանի իշխանությունները կօգտագործեն գործարար Սամվել Կարապետյանի կողմից ստեղծվող նոր քաղաքական ուժի դեմ:

Ինչպես պատմել է Կարապետյանը ֆեյսբուքյան իր էջում տեսաուղերձում, առաջինը վերաբերում է, այսպես կոչված, "ռուսական ֆեյքին" այն մասին, որ Սամվել Կարապետյանը, ով երկար տարիներ ապրել է Ռուսաստանում և այնտեղ բիզնես ունի, իբր, ուղարկվել է Մոսկվայից ՝ Հայաստանում ռուսական ազդեցությունն ուժեղացնելու, այսպես կոչված՝ հանրապետության գուբերնիզացման նպատակով։

Այդ առումով նա կոչ է արել նայել իրականությանը և մտածել, թե իրականում ով է Հայաստանը դարձնում ռուսական գուբերնիա։ "2018 թվականին Հայաստանի առևտրաշրջանառության մեջ Ռուսաստանի մասնաբաժինը կազմել է ընդամենը 27%։ Մինչդեռ, այսօր այդ ցուցանիշն աճել է մինչև 45%՝ գումարած ևս 15% Ռուսաստանից Հայաստանի տարածքով ԱՄԷ ոսկյա իրերի վերաարտահանումից ։ Այսպիսով, ներկայիս իշխանությունների օրոք Հայաստանի կախվածությունը Ռուսաստանից հասել է 60 տոկոսի", - արձանագրել է Նարեկ Կարապետյանը։

Սակայն, նա ուշադրություն է հրավիրել այն հանգամանքի վրա, որ խնդիրը ոչ այնքան ռուսական ազդեցության ավելացումն է, որքան՝ փոխշահավետ հարաբերությունների զարգացման համար Հայաստանի այլ տնտեսական գործընկերների բացակայությունը: "Ռուսաստանից բացի մենք ունենք ևս երկու տնտեսական գործընկեր՝ Եվրոպական միությունը, որի հետ առևտրաշրջանառության ծավալը վեց անգամ պակաս է, քան Ռուսաստանի հետ, և Չինաստանը, որի հետ այն յոթ անգամ պակաս է", - հավելել Է Կարապետյանը:

Այդ առումով նա ընդգծել է, որ ինքնիշխանության ապահովման համար անհրաժեշտ է ունենալ համարժեք առեւտրային ռազմավարություն ։ Նրա համոզմամբ՝ Հայաստանի նոր քաղաքական թիմը պետք է աշխատի ուսումնասիրել և գտնել երկրներ, որտեղ հայկական ապրանքները կարող են մրցունակ լինել, նշելով, որ դա կարող է լինել, օրինակ, Իրաքը:

"Հայաստանն այս դեպքում պետք է թիրախավորի միայն զարգացող շուկան, մասնավորապես, Հարավային Ասիան և Միջին Արևելքը։ Մինչդեռ, 7 տարվա ընթացքում Հայաստանի իշխանությունները դրա փոխարեն միայն ինքնիշխանության մասին թեզեր են տարածել, սակայն չեն գտել մի երկիր, որի հետ կարողանան զարգացնել առեւտուրը", - նշատել է Կարապետյանը։

Անդրադառնալով երկրորդ ֆեյքին՝ նա նշել է, որ դա կապված է "նախկին" քաղաքական ուժերի հետ։ Ինչպես նշել է Կարապետյանը, Հայաստանի բոլոր իշխանությունները վարչապետ Նիկոլ Փաշինյանից առաջ ցանկություն են հայտնել փոխգործակցել Սփյուռքի, այդ թվում ՝ խոշոր ներդրողների հետ: Մասնավորապես, Սամվել Կարապետյանը հրավիրվել է  ներդրումներ կատարելու համար։ "Այսպիսով, ստեղծվել են հարաբերություններ, որոնք հիմնված են փոխադարձ հարգանքի վրա՝ երկրում կառավարողների եւ ներդրողների միջեւ", - հավելել է գործարարի եղբորորդին:

Բացի այդ, ինչպես ուշադրություն է հրավիրել Կարապետյանը, պետք է հասկանալ նաև մեկ այլ բան, որը չեն արել ներկայիս իշխանությունները. այն քաղաքական ռազմավարությունը, որը հաջողել է 2000 թվականին, 2010 թվականին, չի կարող արդյունավետ լինել 2030 թվականին: "2030 թվականին մեր տարածաշրջանը և մեր հասարակությունը պետք է պատրաստվեն բոլորովին այլ մարտահրավերների, քանի որ տարածաշրջանի երկրները և բուն տարածաշրջանը գտնվում են այլ դինամիկայի մեջ։ Նույն մեթոդներով չի ստացվի նույնքան արդյունավետ վարել երկիրը",- պարզաբանել է "Տաշիր" ընկերությունների խմբի առաջին փոխնախագահը։

Նրա խոսքով՝ նոր քաղաքական ուժն ավելի պրոֆեսիոնալ է լինելու և առաջնորդվելու է երկրի զարգացման գործում պրոֆեսիոնալների ներգրավմամբ ՝ անկախ նրանց քաղաքական հայացքներից, եթե նրանք գիտեն իրենց գործը, և նրանց "ձեռքերը մաքուր են":

"Միաժամանակ, իշխանությունը Հայաստանում մեծ խնդիր ունի.Նրանք քաղաքականացրել են պետական կառավարումը։ Բայց երկրում ուժեղ քաղաքական թիմ ունենալու համար անհրաժեշտ է ապաքաղաքականացնել երկրում որոշումներ կայացնողներին։ Այլ կերպ ասած՝ երկրում աշխատող նախարարությունները պետք է լինեն պրոֆեսիոնալ համակարգեր", - նշել է Կարապետյանը։

Անդրադառնալով երրորդ ֆեյքին՝ գործարարի եղբորորդին հիշեցրել է, որ Շվեյցարիայում Փաշինյանը հայտարարել է, թե Սփյուռքն այլևս չպետք է աջակցող ինստիտուտ լինի: Այս համատեքստում նա հիշեցրել է, որ հենց սփյուռքն է ամեն տարի Հայաստան ուղարկում 5 մլրդ դոլար, ինչը կազմում է երկրի ՀՆԱ-ի 20-25 տոկոսը։

Կարապետյանը հավելել է, որ, այլ կերպ ասած,  Հայաստանում 500 000 մարդ օգնություն է ստանում Սփյուռքից, և եթե այդ օգնությունը չլինի, ապա այդ մարդիկ կհայտնվեն աղքատության "գերության" մեջ: Այս առումով նա նաև ուշադրություն է հրավիրել այն հանգամանքի վրա, որ Հայաստանում արդեն այսօր բնակչության 23%-ն աղքատության մեջ է, ինչը կազմում է մոտ 600-700 հազար մարդ։

"Հաշվի չառնելով երկրում աղքատության այս զգալի խնդիրը՝ իշխանությունները կենտրոնացել են արտաքին քաղաքական սխեմաների վրա և տնտեսությամբ լուրջ չեն զբաղվում։ Մինչդեռ, մեր առաջնային խնդիրն է վերացնել այդ 23 տոկոս աղքատությունը, ինչպես նաև վերացնել գործազրկությունը և ապահովել աշխատավարձերի կայուն աճ", - ընդգծել է գործարարի եղբորորդին։

Կարևորելով Սփյուռքի ներուժի օգտագործումը երկրի զարգացման համար՝ նա որպես վառ օրինակ նշել է իրավիճակը հարևան Ադրբեջանում և Վրաստանում, որոնք ունեն որոշակի բնական և այլ ռեսուրսներ, բայց չունեն Սփյուռքի աջակցությունը:

"Ադրբեջանն ունի գազ և նավթ, ինչը նրան թույլ է տալիս պահել իր տնտեսությունը, սակայն Ադրբեջանում բնակչության մեկ շնչին բաժին ընկնող պետության ծախսերը և Հայաստանի ՀՆԱ-ն այսօր հավասար են: Վրաստանը չունի ռազմական ծախսեր և զգալի ազդեցություն ունի իր տարածքով Հայաստանի և Ադրբեջանի լոգիստիկայի վրա։ Վրաստանն ունի նաև ծով և զբոսաշրջային մեծ հնարավորություններ։ Սակայն, նույնիսկ, այս իրավիճակում Վրաստանն ու Հայաստանը գրեթե նույն մակարդակի վրա են, այսինքն, վրացիները մի քիչ ավելի լավ են ապրում, քան հայերը՝ մի շարք այլ գործոնների պատճառով",- նշել է գործարարի եղբորորդին։

Նա նաև անընդունելի է համարել, որ սփյուռքի ներկայացուցիչները պետք է ներդրումներ կատարեն Հայաստանում, ներկա իշխանությունների տրամաբանությամբ, սակայն իրավունք չպետք է ունենան կարծիք հայտնել այս կամ այն իրավիճակի վերաբերյալ:

Ամփոփելով՝ Կարապետյանը նշել է, որ վերը նշված երեք ֆեյքերը կամ մանիպուլյացիաները մեկ նպատակ ունեն. հասարակության շրջանում ստեղծել դիմակայություն՝ նրան ավելի հեշտ կառավարելու կամ հասարակությանը հիասթափեցնելու համար՝ այն ուժերից, որոնք նոր գաղափարներ են առաջարկում:

Հիշեցնենք, որ բարերար, "Տաշիր" ընկերությունների խմբի նախագահ Սամվել Կարապետյանը ձերբակալվել էր հունիսի 18-ի գիշերը Երևանում ՝ Հայ Առաքելական Եկեղեցուն աջակցություն հայտնելուց հետո: Դրան ի պատասխան՝ բացահայտ սպառնալիքներ էին եղել վարչապետի կողմից։ Հունիսի 19-ի գիշերը Երևանի ընդհանուր իրավասության դատարանը երկու ամսով կալանավորել է Սամվել Կարապետյանին: Նա պահվում է "Երևան - Կենտրոն" ՔԿՀ-ում (հայտնի "ՊԱԿ-ի նկուղը" ՝ ԱԱԾ շենքում) ։ Նրան մեղադրում են երկրում իշխանությունը զավթելու հրապարակային կոչերի համար։ Կարապետյանը մեղքը չի ընդունում։ Օրեր առաջ գործարարը հայտարարել է, որ սկսել է քաղաքական թիմի ձևավորման գործընթաց, միաժամանակ նշելով, որ չի բացառում ներքաղաքական համագործակցությունը համախոհների հետ: