Արմինֆո. Ամենայն հայոց Գարեգին Բ կաթողիկոսի նստավայրը փաստացի զավթելու համար Մայր աթոռի մոտ հավաքվելու ՀՀ վարչապետ Նիկոլ Փաշինյանի կոչն իր կողմնակիցներին արժեզրկում է Հայ Առաքելական Եկեղեցին և ռազմավարական սխալ է լինելու: Այդ մասին հայտարարել է Ռուսաստանի հայերի միության նախագահ Արա Աբրահամյանը՝ ՏԱՍՍ-ի հետ հարցազրույցում։
"Դա կլինի նրա [Փաշինյանի] ռազմավարական սխալը։ Նա ասում է, որ ինքը հավատացյալ է, բայց եթե նա իսկական հավատացյալ է, ապա նա երբեք թույլ չէր տա իրեն և ուրիշներին արժեզրկել Եկեղեցին: Այս Եկեղեցու քահանաները ձեռնադրվել են կաթողիկոսի կողմից, նրանք մկրտել են հայերին ողջ աշխարհում, միլիոնավոր մարդկանց, իսկ նրանց մասին ասում են, որ նրանք օրենքից դուրս են", - ասել է Աբրահամյանը ՝ մեկնաբանելով վերջերս Փաշինյանի կողմից իր կողմնակիցներին ուղղված կոչը՝ պատրաստ լինել մեծ "հոգևոր հավաքի" Էջմիածին քաղաքի հրապարակում, որի կողքին գտնվում է Մայր Աթոռ Սուրբ Էջմիածինը։
Ռուսաստանի հայերի միության նախագահը նշել է, որ հավատացյալ և իր ժողովրդին սիրող մարդը "երբեք իրեն թույլ չէր տա այդպես լուծել այդ հարցը": Աբրահամյանի կարծիքով ՝ Փաշինյանը նման գործողություններով մանիպուլացնում է հասարակությանը՝ փորձելով տարբեր կրոնական հայացքների տեր մարդկանց դրդել բախման։ "Բայց չի կարելի նրանց իրար դեմ հանել, դա կլինի աղետ ։ Եկեղեցին անկախ ինստիտուտ է", - ընդգծել է Աբրահամյանը։
Նա նաև նշել է, որ մատնանշելով միայն Հայոց եկեղեցու խնդիրները, որոնք կարող են ի հայտ գալ, ինչպես և ամենուր, Փաշինյանը չի ասում, թե Ամենայն հայոց Գարեգին Բ կաթողիկոսը որքան դրական և դարակազմիկ բաներ է արել եկեղեցու համար: "Վերջին հարյուր տարիների ընթացքում ոչ ոք այդքան բան չի արել։ Այստեղ խոսքը ոչ թե անձերի, այլ Եկեղեցու, հավատքի մասին է։ Ես կողմ եմ Եկեղեցուն, հավատքին: Ես հավատացյալ եմ, ինքս տասնյակ եկեղեցիներ եմ կառուցել աշխարհով մեկ։ Այդ թվում ՝ Ռուսական ուղղափառ եկեղեցին Երևանում", - հավելել Է Աբրահամյանը։
Հիշեցնենք, որ հունիսի 27-ին ուժայինները Շիրակի թեմի առաջնորդ Միքայել արքեպիսկոպոս Աջապահյանին ձերբակալելու նպատակով մուտք էին գործել Մայր Աթոռում գտնվող Կաթողիկոսի նստավայրի տարածք: Իրավապահների այդ գործողությունները հասարակական լայն արձագանք են գտել։ Ավելի վաղ Հայաստանի վարչապետն իր հակաեկեղեցական արշավի շրջանակներում, որը մեկնարկել էր այս տարվա մայիսի վերջին, հայտարարել էր Ամենայն հայոց կաթողիկոսին գահից հեռացնելու գործընթացը ղեկավարելու պատրաստակամության մասին: Հուլիսի 7-ին հայկական ԶԼՄ-ներում տեղեկատվություն տարածվեց, որ առաջիկայում ուժայինները ևս մեկ հարձակում են ձեռնարկելու Հայ Առաքելական Եկեղեցու վրա:
Արդարադատության նախկին նախարարն ընդդիմությանը կոչ է արել նոր խոստումների փոխարեն ազնվորեն և հիմնավորված պատասխանել Հայաստանի քաղաքացիներին հուզող մի շարք հարցերի
Իրավաբան. Նախնական արդյունքների համաձայն՝ Փաշինյանի կուսակցությունը չունի երկրի Սահմանադրությունը փոփոխելու համար անհրաժեշտ 2/3 մեծամասնությունը
Քաղաքական գործիչ․ Ընտրողների բարձր մասնակցության դեպքում ներկայիս իշխանությունը, գործնականում, վերարտադրվելու հնարավորություն չի ունենա
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
