Նախկին քաղաքապետ Ռոբերտ Նազարյանի և ֆիզիկական անձի միջև առքուվաճառքի պայմանագիրն անվավեր է ճանաչվել․ հողամասն ամրացվել է ՏԿԵՆ-ին

Արմինֆո.Այսօր ՀՀ կառավարության հերթական նիստում, որը վարել է փոխվարչապետ Մհեր Գրիգորյանը, գործադիրի որոշմամբ, Հայաստանի Հանրապետության սեփականություն հանդիսացող՝ Երևան, Աջափնյակ, Հովհաննես Շիրազի փողոցի ձախակողմյան մաս հասցեում գտնվող, 18,293,121 ՀՀ դրամ շուկայական արժեքին մոտարկված կադաստրային արժեքով 0,0735 հա հողամասն ամրացվել է Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին։ Այդ մասին ասվում է ՀՀ կառավարության հաղորդագրությունում։

ՀՀ գլխավոր դատախազության տեղեկատվության համաձայն 2025 թվականի հունիսի 2-ի վճռով ՀՀ հակակոռուպցիոն դատարանը բավարարել է Գլխավոր դատախազության հայցն ընդդեմ ՀՀ Կառավարության, Մարինե Վարդանյանի, երրորդ անձ՝ ՀՀ կադաստրի կոմիտեի՝ Երևանի քաղաքապետի և Մարինե Վարդանյանի միջև 01.02.2003թ. կնքված թիվ 420-ԱԳ առուվաճառքի պայմանագիրն ու դրա հիման վրա կատարված սեփականության իրավունքի պետական գրանցումն անվավեր ճանաչելու պահանջի մասին։ Վճռի հիման վրա 2025թ. օգոստոսի 5-ին գրանցվել է Հայաստանի Հանրապետության սեփականության իրավունքը Երևան քաղաքի Աջափնյակ Շիրազի փողոցի ձախակողմյան հատվածում գտնվող 735 քմ մակերեսով հողամասի նկատմամբ:

Գլխավոր դատախազ Աննա Վարդապետյանը ներկայացրել է. «Պետական և համայնքային շահերի պաշտպանության գործառույթի շրջանակում վերջին 9 ամիսներին Հայաստանի Հանրապետությանն է վերադարձվել շուրջ 10 միլիոն 276 հազար ԱՄՆ դոլարին համարժեք 3 միլիարդ 933 միլիոն դրամ շուկայականին մոտարկված կադաստրային արժեքով 280 հազար 338 քմ մակերեսով անշարժ գույքի, 2 մանկապարտեզի և 1 մարզադաշտի տարածք, բռնագանձվել է 654 հազար ԱՄՆ դոլարին համարժեք 249 միլիոն դրամ: 2024 թվականի դեկտեմբերի 5-ից մինչ օրս՝ Վերականգնված միջոցների միասնական հաշվին մուտքագրվել է 52 միլիոն 254 հազար ԱՄՆ դոլարին համարժեք 20 միլիարդ դրամը գերազանցող գումար»:

Հիշեցնենք, որ Ռոբերտ Նազարյանը ՀԾԿՀ նախագահն էր 2003-18 թվականներին, ընդհուպ մինչև "թավշյա հեղափոխությունը": Մինչ այդ եղել է Երևանի քաղաքապետ, էներգետիկայի փոխնախարար, ՀՀ տրանսպորտի և կապի նախարար ։ 2020 թվականի օգոստոսին Հատուկ քննչական ծառայությունը հաղորդել էր, որ Նազարյանը կասկածվում է ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը) հանցագործություն կատարելու մեջ: Քննությամբ պարզվել է, որ Նազարյանի ակտիվ մասնակցությամբ՝ որպես կարգավորողի ղեկավար, նախկին նախագահ Սերժ Սարգսյանի փեսայի ՝ Միքայել Մինասյանի հետ փոխկապակցված և հիդրոէլեկտրակայան ունեցող "Ձորագետ Հիդրո" ՍՊԸ-ն ընկել է փոքր ՀԷԿ - երի համար սահմանված արտոնության տակ: Դրա համար Նազարյանը, առանց համապատասխան փորձագիտական ուսումնասիրություններ կատարելու և առաջարկվող փոփոխությունները վերլուծելու, անտեսելով ՀՀ-ում առկա ջրային ռեսուրսների հնարավորությունները և դրա արդյունքում հիդրոէլեկտրակայանների կառուցման վիճակագրությունը, հանձնաժողովի իրավասու վարչության միջոցով մշակել է համապատասխան որոշման նախագիծ: Արդյունքում "Ձորագետ Հիդրո" - ն գրանցվել է փոքր հիդրոէլեկտրակայանների ցանկում ՝ օգտվելով էլեկտրաէներգիան ավելի բարձր և կայուն սակագներով վաճառելու հնարավորությունից, արդյունքում Հայաստանում էլեկտրաէներգիա սպառող ֆիզիկական և իրավաբանական անձանցից ստանալով 7,05 մլրդ դրամ գումար: