Արմինֆո. Մեծ Բրիտանիայի խորհրդարանի կայքում հրապարակվել է Եվրոպայի և Հյուսիսային Ամերիկայի գործերով պետնախարար Սթիվեն Դաութիի հայտարարությունը Ադրբեջանին և Հայաստանին զենքի մատակարարման արգելքի լիովին վերացման վերաբերյալ:
Իր հայտարարության մեջ Դաութին բրիտանացի խորհրդարանականներին տեղեկացնում է "Հարավային Կովկասում կարեւոր իրադարձությունների եւ Հայաստանի ու Ադրբեջանի միջեւ խաղաղության գործընթացում ձեռք բերված պատմական առաջընթացին Միացյալ Թագավորության արձագանքի մասին":
"Օգոստոսի 8-ին Վաշինգտոնում կայացել է եռակողմ գագաթնաժողով՝ ԱՄՆ նախագահ Դոնալդ Թրամփի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի մասնակցությամբ: Արդյունքում նախաստորագրվել է խաղաղության պայմանագիր և ստորագրվել է հռչակագիր։
Փաստաթղթերում ներառված են ԵԱՀԿ Մինսկի խմբի լուծարման կոչ եւ Հայաստանի ինքնիշխանությունը հարգելու պայմանով Ադրբեջանի և Նախիջևանի միջև կապն ապահովելու պարտավորություն։
Մեծ Բրիտանիան ջերմորեն ողջունում է խաղաղության ճանապարհին Հայաստանի և Ադրբեջանի արձանագրած առաջընթացը։ Այդ իրադարձությունները նշանավորում են շրջադարձային պահ տարածաշրջանում տեւական խաղաղության և կայունության ապահովմանն ուղղված ջանքերում:
Ի նշան ձեռք բերված առաջընթացի ճանաչման եւ ի նպաստ դեպի խաղաղություն հետագա ընթացքի՝ Մեծ Բրիտանիայի կառավարությունը որոշում է ընդունել Հայաստանի եւ Ադրբեջանի հետ իր երկկողմ հարաբերությունների մակարդակը ռազմավարական գործընկերության մակարդակի հասցնելու մասին: Այդ գործընկերությունները պաշտոնականացնում են համագործակցությունն այնպիսի ոլորտներում, ինչպիսիք են առևտուրը, անվտանգությունը և պաշտպանությունը, և կամրապնդվեն նախարարների մակարդակով աամենամյա հանդիպումներով ՝ ձեռք բերված առաջընթացը ամփոփելու համար: Օգոստոսի 24-26-ը ես այցելեցի Հայաստան և Ադրբեջան ՝ վերահաստատելու Մեծ Բրիտանիայի աջակցությունը, և երկու երկրների ղեկավարների հետ քննարկեցի այն գործնական միջոցները, որոնք Մեծ Բրիտանիան կարող էր ձեռնարկել Հարավային Կովկասում երկարաժամկետ խաղաղության հեռանկարներն ամրապնդելու համար:
Մենք անհապաղ քայլեր ենք ձեռնարկել ՝ ողջունելու և աջակցելու Հայաստանին և Ադրբեջանին խաղաղության ճանապարհին՝ աջակցելով ԵԱՀԿ Մինսկի խմբի փակմանը ՝ նրանց խնդրանքին համապատասխան։ Մեծ Բրիտանիան ողջունում է ԵԱՀԿ Մինսկի խմբի կառույցների պաշտոնական լուծարման վերաբերյալ սեպտեմբերի 1-ին ձեռք բերված փոխհամաձայնությունը:
Հաշվի առնելով խաղաղության առաջխաղացման գործում ձեռք բերված զգալի առաջընթացը եւ Վաշինգտոնում նախագահ Թրամփի կազմակերպած վերջին գագաթնաժողովի պատմական արդյունքները՝ Մեծ Բրիտանիան գտնում է, որ 1992 թվականին ԵԱՀԿ-ի կողմից առաջարկված զենքի մաատակարարման արգելքի հիմնավորումը, որը վերաբերում է "Լեռնային Ղարաբաղի
շրջանում մարտական գործողություններին մասնակցող ուժերին զենքի եւ զինամթերքի բոլոր մատակարարումներին", կորցրել է իր արդիականությունը: Ուստի, Մեծ Բրիտանիան ամբողջությամբ կվերացնի Հայաստանին և Ադրբեջանին զենքի մատակարարման արգելքը։
Այդ որոշումը թույլ կտա զարգանալ Մեծ Բրիտանիայի գործընկերությանն անվտանգության եւ պաշտպանության ոլորտում՝ ինչպես Հայաստանի, այնպես էլ Ադրբեջանի հետ՝ արագ փոփոխվող միջավայրում, եւ Մեծ Բրիտանիային թույլ կտա աջակցել նրանց ինքնիշխանության եւ տարածքային ամբողջականության պաշտպանությանն ուղղված ջանքերին, այդ թվում ՝ ի պատասխան այլ պետությունների եւ ոչ պետական սուբյեկտների կողղմից սովորական եւ հիբրիդային սպառնալիքների", - ասվում է հայտարարության տեքստում:
Հայաստանի եւ Ադրբեջանի համար արտահանման եւ առեւտրային լիցենզիաների սստացման հայտերը, անշուշտ, նախկինի պես կգնահատվեն յուրաքանչյուր կոնկրետ դեպքում ՝ Մեծ Բրիտանիայի ռազմավարական արտահանման լիցենզավորման խիստ չափանիշների հիման վրա, եւ կառավարությունը լիցենզիա չի տրամադրի, եթե դա հակասում է որեւէ չափանիշի: Մենք ուշադիր հետևելու ենք տարածաշրջանային և ներքին անվտանգությանը ինչպես Ադրբեջանում, այնպես էլ Հայաստանում։
Մենք անկեղծորեն ակնկալում ենք, որ սա Հարավային Կովկասում խաղաղության, անվտանգության և բարգավաճման հնարավորությունների պահ է։
Մեծ Բրիտանիան պատրաստ է համագործակցել երկու երկրների, Միացյալ Նահանգների, Եվրոպական միության և այլ գործընկերների հետ ՝ կառուցողական և ակտիվ դեր խաղալով այս բարեփոխումներին, ինչպես նաև ողջ տարածաշրջանում անվտանգությանն ու կայունությանն աջակցելու գործում:
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
