Արմինֆո. ՄԱԿ-ի Բնակչության հիմնադրամի հայաստանյան գրասենյակը (UNFPA) և SafeYou հավելվածի թիմը գործընկեր կազմակերպությունների հետ համատեղ միջոցառում են անցկացրել "Ընդդեմ գենդերային բռնության ակտիվության 16 օրյակ" քարոզարշավի շրջանակներում: Ուշադրության կենտրոնում էին այնպիսի հարցեր, ինչպիսիք են թվային միջավայրում բռնության սրընթաց փոփոխվող դրսևորումները, դրանց կանխարգելման և արձագանքման մեխանիզմները:
Ինչպես հաղորդում է UNFPA-ի մամուլի ծառայությունը, իր ողջույնի խոսքում Հայաստանում ԵՄ պատվիրակության ղեկավար Վասիլիս Մարագոսը նշել է, որ թեև Հայաստանը զգալի առաջընթաց է գրանցել կանանց նկատմամբ բռնության դեմ պայքարում օրենսդրության կատարելագործման և ծառայություններ մատուցողների հզորացման գործում ներդրումներ կատարելու շնորհիվ, առցանց բռնությունը նոր չափում է, որը պահանջում է ուշադրություն և համատեղ գործողություններ:
ՄԱԿ-ի Բնակչության հիմնադրամի հայաստանյան գրասենյակի ղեկավար Լուսինե Սարգսյանն իր հերթին առանձնապես կարևորել է հանրային իրազեկման միջոցառումները: "Տեխնոլոգիաների զարգացմանը զուգահեռ, բռնությունը տարածվում է նաև առցանց տարածքներում։ Այստեղ կարևոր է հատկապես հանրային իրազեկումը, որը կօգնի բոլորիս ձեռք բերել թվային գրագիտություն ու կկանխարգելի բռնությունը։ Առցանց բռնությանն արձագանքման գործում կարևոր է նաև բազմամասնագիտական համայնքի, բոլոր շահագրգիռ կողմերի ջանքերը, որպեսզի համատեղ ուժերով թվային տարածքները դարձնենք անվտանգ և այն իրոք ծառայի իր նպատակին՝ լինի հարթակ մարդկային շփման, առաջնորդության և հզորացման համար", - նշել է նա:
ՀՀ ներքին գործերի նախարար Արփինե Սարգսյանն իր ելույթում ընդգծել է, որ գենդերային բռնության դեմ պայքարը Հայաստանի կառավարության հստակ նպատակն է, և դրան հասնելու ճանապարհին կան շոշափելի ձեռքբերումներ: "16-օրյա քարոզարշավը կատարված աշխատանքի վառ պահերից մեկն է միայն։ Ես նաև շատ ուրախ եմ, որ արդեն մի քանի տարի է, ինչ նման հարթակներում տեսնում եմ ոչ միայն կանանց և աղջիկների, այլև՝ տղամարդկանց: Դա վկայում է բռնության դեմ միասնական ուժերով պայքարելու մեր ընդհանուր պատրաստակամության մասին", - հավելել է նա։
ՀՀ աշխատանքի և սոցիալական հարցերի նախարարի տեղակալ Լուսինե Քոչարյանն իր ելույթում նշել է ընտանեկան բռնության ենթարկված կանանց պաշտպանության և աջակցության նոր մեխանիզմների ներդրման անհրաժեշտությունը, դեպքերի կանխարգելման, վաղ հայտնաբերման և երկարաժամկետ արդյունքների ապահովման նպատակով այս ոլորտում ժամանակակից թվային գործիքների կիրառման հարցերը:
Իսկ Հայաստանում ՄԱԿ-ի մշտական համակարգող Ֆրանսուազա Ժակոբը փաստել է, որ թվային բռնության կանխարգելումը լուրջ մարտահրավեր է, քանի որ գոյություն ունեցող պաշտպանական համակարգերը, հատկապես, արհեստական բանականության սրընթաց զարգացման պայմաններում, դեռևս լիարժեք չեն գործում: "Չնայած այն հանգամանքին, որ ՄԱԿ-ը սահմանել է թվային անվտանգության և ԱԲ կառավարման հետ կապված միջազգային ստանդարտներ և բանաձևեր, մենք դեռ շատ անելիքներ ունենք։ Անվտանգ թվային միջավայր ստեղծելու այս աշխատանքում, որտեղ յուրաքանչյուրը կարող է սովորել, աշխատել և արտահայտվել առանց վախի, ինչպես առցանց, այնպես էլ իրական միջավայրում, կարևոր է յուրաքանչյուրի ներդրումը ՝ պետության, ազգային ինստիտուտների, միջազգային հանրության, ինչպես նաև մասնավոր հատվածի", - ընդգծել է Ժակոբը:
Միջոցառման ընթացքում Safe YOU-ի օպերատիվ տնօրեն Լիլիթ Շախուլյանը և ՀՀ ՆԳՆ Ոստիկանության մասնագիտամեթոդական ապահովման վարչության պետ Գեորգի Խաչատրյանը ներկայացրել են Safe YOU-ի ահազանգերը ՆԳՆ օպերատիվ կառավարման կենտրոնի համակարգում ինտեգրելու գործընթացի արդյունքները: ՄԱԿ-ի Բնակչության հիմնադրամի և Եվրամիության կողմից աջակցվող այս գործընկերության շնորհիվ, Safe YOU հավելվածի օգտատերերը կարող են նաև ահազանգող հաղորդագրություններ ուղարկել իրենց գտնվելու վայրով ոստիկանության օպերատիվ կառավարման կենտրոնի համակարգ ՝ "զանգ" կոճակի մեկ հպումով:
Միջոցառումն անցկացվել է "Աջակցություն մարդու իրավունքների պաշտպանությանը և ազգային ինստիտուտների ամրապնդմանը" ծրագրի շրջանակներում, որը համաֆինանսավորվում է Եվրոպական միության կողմից և իրականացվում է ՄԱԿ-ի Զարգացման ծրագրի, ՄԱԿ-ի Բնակչության հիմնադրամի և ՅՈՒՆԻՍԵՖ-ի կողմից:
Քաղաքագետ. Կառավարությունը երաշխավորում է տասնյակ միլիոնավոր դրամների աշխատավարձեր Սահմանադրական դատարանի ինը դատավորների համար, մինչդեռ միևնույն ժամանակ, Սյունիքում մոտ 869 ընտանիք կորցրել է իրենց ընտանեկան նպաստը
Հայ փորձագետներն ու Թուրքիայի առաջատար վերլուծական կենտրոնների ներկայացուցիչները քննարկել են երկրների միջև համագործակցության ընդլայնման հեռանկարները
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
