Արմինֆո. Նոյեմբերի 22-ից 23-ը «Ինժեներական քաղաք»-ի բարձր տեխնոլոգիական աքսելերատորի հյուրընկալ հարկի տակ անցկացվեց կիբեռանվտանգության ամենամյա «Capture the Flag 2025» մրցույթը՝ այս տարի ներկայացնելով «AI APOCALYPSE» թեման։ Միջոցառումը միավորեց կիբեռանվտանգության ոլորտի մասնագետներին և ուսանողներին, ովքեր 24 ժամ շարունակ մրցեցին միմյանց հետ՝ հայտնաբերելով համակարգերի խոցելիություններ, ուսումնասիրելով վիրուսներ, վնասակար ծրագրեր և լուծելով կիբեռանվտանգության ոլորտի արդիական խնդիրներ։
Ամենամյա մրցույթի նպատակն է բարձրացնել կիբեռանվտանգության նկատմամբ հետաքրքրությունը Հայաստանում:
Միջոցառման գործընկերների շարքում IDBank-ը և Իդրամը ստանձնել էին հաղթող թիմերի մրցանակների հովանավորությունը։
IDBank-ի Տեղեկատվական անվտանգության ղեկավար Համբարձում Դանիելյանը նշում է․ «IDBank-ը ջանք ու միջոց չի խնայում, որպեսզի էլ ավելի ուժեղացնի Բանկի կիբեռանվտանգությունը։ Այսօր կարող եմ ասել, որ հասել ենք այն նպատակին, երբ գրեթե բոլոր ռիսկերը նվազեցվել են։ Ինչ վերաբերում է CTF-ին, ապա նման նախաձեռնությունները խթանում են կիբեռանվտանգության ոլորտի զարգացումը՝ հնարավորություն տալով երիտասարդ մասնագետներին և ուսանողներին գործնական միջավայրում փորձել իրենց ուժերը, բացահայտել նոր գիտելիքներ և լուծել կիբեռանվտանգությանն առնչվող բարդ խնդիրներ։ Մենք վստահ ենք, որ Հայաստանում կա իսկապես մեծ ներուժ և աճող հետաքրքրություն ոլորտի նկատմամբ, և դրա ապացույցն է այս միջոցառմանը մասնակից թիմերի թիվը։ Վստահ ենք, որ CTF-ը գործուն ներդրում է երկրի ապագա թվային անվտանգության գործում»։
«CTF-ը, որը նշանակում է «գրավիր դրոշը», միջազգային ֆորմատի հաքերների մրցույթ է, որի հիմնական նպատակը կիբեռանվտանգության ոլորտի զարգացումն է, երիտասարդների մոտ ոլորտի և մասնագիտության հանդեպ հետաքրքրության մեծացումը։ Մրցույթի ժամանակ առաջադրվում են խնդիրներ, որոնք շատ նման են իրական աշխարհում հանդիպող խարդախություններին։ Հայաստանում մրցույթն իրականցվում է արդեն 6-րդ անգամ։ IDBank-ի և Իդրամի աջակցությունը վկայում է այն մասին, որ ընկերությունները կարևորում են այս բնագավառը, մասնագիտական զարգացումը, նման մասշտաբի մասնակիցների ներկայությունը և հետագայում, ինչու չէ, կարող են նաև իրենց թիմերի համար այս համայնքից աշխատակիցներ ներգրավել»,- նշեց «Ձեռնարկությունների ինկուբատոր հիմնադրամի» CyHub Armenia կիբեռանվտանգության նախաձեռնության ղեկավար Մարի Բարսեղյանը։
Երկու օր շարունակ մրցույթին մասնակից 56 թիմերից ավելի քան 250 մասնակից իրենց ուժերը փորձեցին՝ լուծելով արհեստական բանականության համակարգերի և դրանց անվտանգության խոցելիության հետ կապված բարդ գործնական առաջադրանքներ։ Միջոցառման հիմնական նպատակն էր բացահայտել նոր տաղանդներ, զարգացնել մասնակիցների վերլուծական մտածողությունն ու արագ արձագանքման հմտությունները, ինչպես նաև ամրապնդել ոլորտի մասնագիտական ներուժը։
Իդրամի ՏՏ անվտանգության մենեջեր Հասմիկ Ալավերդյանը համոզված է՝ ցանկացած համակարգի համար՝ լինի դա պետական կառույց, անձնական տվյալների բազա, թե ֆինանսական ոլորտ, անվտանգ թվային միջավայրը առաջնահերթություն է․ «Մեր հաճախորդների վստահության և ամբողջ ֆինանսական տեխնոլոգիական էկոհամակարգի կայունության հիմքում հենց կիբեռանվտանգությունն է, և մեր ծառայությունների բարձր անվտանգությունն ապահովելու նպատակով մենք պարբերաբար իրականացնում ենք համակարգերի վերազինում ու թարմացում: Ինչ վերաբերում է CTF-ին, ապա պիտի նշեմ, որ այսօրինակ միջոցառումները շատ արդյունավետ են ոլորտի շարունակական զարգացման գործում, քանի որ հնարավորություն են տալիս երիտասարդ մասնագետներին փորձարկել իրենց հմտությունները իրական միջավայրին մաքսիմալ մոտ պայմաններում, ձեռք բերել նոր գիտելիքներ և լուծել բարդ խնդիրներ, որոնք վաղը կարող են և վերածվել իրական մարտահրավերների»։
AIN թիմը դարձավ մրցույթի հաղթող՝ հավաքելով ամենաշատ դրոշները, իսկ HIGH5 և LAPS թիմերը զբաղեցրին, համապատասխանաբար՝ 2-րդ և 3-րդ տեղերը։ Հաղթող թիմերը պարգևատրվեցին միջոցառման մրցանակների հովանավոր IDBank-ի և Idram-ի կողմից։ Նշենք, որ բացի ուժեղագույն երեք թիմերի մրցանակներից, IDBank-ը և Իդրամը պարգևատրեցին ևս երկու թիմի՝ իրենց առաջադրած խնդիրների լուծման համար, ինչպես նաև ամենաարագ թիմին։ Բոլոր մրցանակները տրամադրվել են Idcoin-երի տեսքով։ Նշենք, որ idcoin-երով կարելի է վճարել 25000-ից ավելի վաճառակետում, որտեղ կա Իդրամով վճարման հնարավորություն:
Ֆրանսիայում բողոքի ցույցերի փորձագետ. Քաղաքակրթությունները մարում են, երբ հասարակությունը կորցնում է ապագայի տեսլականը
Թուրքագետ․ Ադրբեջանն ամենազոր չէ․ նրա խոցելիությունները պետք է դառնան Հայաստանի անվտանգության ռազմավարության մաս
Կարծիք․ Ջերմուկի ծոցում Ամուլսարի բացումը էկոլոգիական աղետի մեկնարկ է Հայաստանում
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Արցախի Հանրային խորհուրդը վրդովմունք է հայտնել ՄԱԿ-ի գլխավոր քարտուղարի վարքագծի վերաբերյալ
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
