Արմինֆո. Հայաստանն իր պատմության մեջ երբեք նախկինում չի ունեցել ավելի կայուն անվտանգ միջավայր, քան 2026 թվականի հունվարի 14-ի առավոտյան ժամը 08:00-ի դրությամբ:
]Նման գնահատականով է հանդես եկել վարչապետ Նիկոլ Փաշինյանը՝ Միջազգային և անվտանգության հարցերի հայկական ինստիտուտի XV անվտանգային ֆորումի շրջանակում «Հայաստանը և խաղաղությունը ռիսկերի ու հնարավորությունների խաչմերուկում» խորագրով լիագումար քննարկմանը՝ անդրադառնալով ՀՀ ԱԳ նախարար Արարատ Միրզոյանի և ԱՄՆ պետքարտուղար Մարկո Ռուբիոյի «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի` Հայաստան-ԱՄՆ իրականացման շրջանակի հրապարակման վերաբերյալ համատեղ հայտարարությանը։
Ավելի վաղ Հայաստանի ԱԳՆ-ը հրապարակել էր «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի իրականացման կարգը սահմանող փաստաթուղթը, որը ներկայացվել է Վաշինգտոնում Միրզոյան-Ռուբիո հանդիպման արդյունքում։ Նշվում է, որ փաստաթուղթը նոր քայլ է 2025 թվականի օգոստոսի 8-ին Սպիտակ տանը ձեռք բերված հանձնառությունների կյանքի կոչման ուղղությամբ՝ Հարավային Կովկասում հարատև խաղաղության գործին նպաստելու համար։ Ընդգծվում է, որ այն ուրվագծում է «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) իրականացման շրջանակը։ «Այս շրջանակը չի առաջացնում և միտված չէ առաջացնել իրավական հանձնառություններ կամ պարտավորություններ Հայաստանի կամ ԱՄՆ-ի համար», - ասվում է փաստաթղթում:
Փաշինյանի խոսքով ՝ դեռևս չկա պաշտոնական Բաքվի արձագանքը փաստաթղթին, սակայն, նրա կարծիքով, առաջարկված բանաձևը լիովին համահունչ է ադրբեջանական կողմի շահերին: Ընդ որում, Հայաստանի վարչապետը համոզված է, որ ԹՐԻՓՓ նախագծի իրականացման հարցում կողմերին հաջողվել է մշակել մի բանաձեւ, որը լիովին բավարարում է Հայաստանին եւ ԱՄՆ-ին:
Նիկոլ Փաշինյանը նշել է ԱՄՆ նախագահ Դոնալդ Թրամփի դերը, անձնական շահագրգռվածությունն ու ներգրավվածությունն այդ գործընթացում: Միևնույն ժամանակ, հարկ կլինի եվրոպացի գործընկերների հետ քննարկել նաև ԹՐԻՓՓ նախագծին նրանց մասնակցության ձևաչափը։ Նա համոզված է, որ մեծ փողեր են հոսելու Հայաստան և տարածաշրջան ։
"Այս ամենն ամբողջությամբ փոխում է մեզ շրջապատող միջավայրը, ինչի կապակցությամբ ուզում եմ շնորհավորել ԱՄՆ-ին, ԵՄ-ին, քանի որ այս ամենը շատ մեծ հնարավորություններ է բացում", - ասել է Փաշինյանը:
Իսկ այդ ամենի մեկնակետը, ինչպես ընդգծել է վարչապետը, 2022 թվականի հոկտեմբերի 6-ն էր։ Այն ժամանակ հոկտեմբերի 6-ին Պրահայում Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի, Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի քառակողմ հանդիպման արդյունքներով ընդունված հայտարարությամբ Հայաստանն ու Ադրբեջանը հաստատեցին իրենց հավատարմությունը ՄԱԿ-ի կանոնադրությանը և 1991թ.Ալմա-Աթայի հռչակագրին, որով երկու կողմերն էլ ճանաչում են միմյանց տարածքային ամբողջականությունն ու ինքնիշխանությունը (այդպիսով Փաշինյանը Լեռնային Ղարաբաղը (Արցախը) ճանաչեց Ադրբեջանի մաս - խմբ.):
«Հենց այս կետից սկսած գործընթացը մտցվեց բանաձևի մեջ, որն անխուսափելիորեն, իհարկե, տարբեր սցենարներ կարող էին լինել, կարող էին տեղի չունենալ 2023 թվականի իրադարձությունները Ղարաբաղում (2023 թվականի սեպտեմբերի 19 - ի կեսօրին Ադրբեջանը լայնածավալ հարձակում սկսեց բոլոր ուղղություններով, որն ավարտվեց էթնիկ զտումներով և Արցախից հայերի բռնի տեղահանմամբ - խմբ.), բայց դա այլ հարց է, և պատճառների մասին ես արդեն խոսել եմ, բայց ուզում եմ ընդգծել ԵՄ դերն այդ գործընթացում, քանի որ դրանից հետո տեղի ունեցավ շատ կարևոր իրադարձություն․ Հայաստանում տեղակայվեց ԵՄ խաղաղապահ առաքելություն", - նշել է նա։
Նրա խոսքով՝ ինքը որևէ կերպ չի նսեմացնում միջազգային գործընկերների և գերտերությունների դերը, սակայն 2022 թվականի սեպտեմբերին Հայաստանում գիտակցեցին, որ չպետք է ուրիշներից ակնկալեն իրենց հարցերի լուծումը (2022 թվականի սեպտեմբերի 13 - ի կեսգիշերին ադրբեջանցիները ինտենսիվ հարձակում սկսեցին ինքնիշխան Հայաստանի սահմանների վրա՝ 5 ուղղություններով․ Գորիս, Կապան, Սոթք, Իշխանասար, Ջերմուկ - խմբ.)։
«Մինչև այդ պահը, ինչպես Խրիմյան Հայրիկն էր ասում, մենք թակում էինք «մեծ դռները»: Բայց այդ ժամանակ մենք հասկացանք, որ պետք է ինքներս որոշումներ կայացնենք և հասկանանք, թե՝ ուր գնալ։ Այդ ժամանակ արդեն միջազգային հանրության մասնակցությունն ավելի հասցեական և առարկայական կլինի», - նշել է Փաշինյանը։ Արդյունքում՝ «այն ժամանակ, երբ ողջ աշխարհը փոթորկվում է, Հայաստանի Հանրապետությունը և մեր տարածաշրջանն այսօր քայլ-քայլ, առնվազն, Հայաստան-Ադրբեջան հարթությունում վերածվում է կայունության ու անվտանգության մի միջավայրի, համագործակցության մի միջավայրի, որը չափազանց կարևոր է և շատ մեծ ձեռքբերում է»:
Նշենք, որ այսօր Երևանում տեղի է ունեցել «Հայաստանը և խաղաղությունը ռիսկերի ու հնարավորությունների խաչմերուկում» խորագրով լիագումար քննարկում՝ Միջազգային և անվտանգության հարցերի հայկական ինստիտուտի XV անվտանգային ֆորումի շրջանակում։ Միջոցառմանը մասնակցել են վարչապետ Նիկոլ Փաշինյանը, ՀՀ արտաքին հետախուզության ծառայության ղեկավար Քրիստինե Գրիգորյանը, ՀՀ-ում ԱՄՆ դեսպան Քրիստինա Քվինը, ԵՄ դեսպան Վասիլիս Մարագոսը, Անվտանգության խորհրդի քարտուղար Արմեն Գրիգորյանը և այլոք:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
