Արմինֆո. ԱրարատԲանկի գլխավոր հովանավորությամբ տեղի ունեցավ «4090 Բարեգործական» հիմնադրամի՝ «Պատմություն և ջազ» խորագրի ներքո անցկացվող ամփոփիչ միջոցառումը: Շուրջ հինգ տարի երկու կառույցների միջև համագործակցությունը օգնել է ապրել և ապրեցնել՝ պատերազմից հետո կյանքը վերագտած հերոսներին։
Հիմնադրամի շահառու հանդիսացող տղաների կյանքում տարիներ առաջ երաժշտություն չկար։ Փոխարենը պատերազմ էր, կորուստ ու երկար լռություն։ Միջոցառման սկզբում պատերազմի մասնակից մի քանի տղաներ բեմից պատմել են անցած ճանապարհի մասին և, թե ինչպես է կրթությունը փոխել իրենց կյանքի որակը։
Գործունեության 5 տարիների ընթացքում հիմնադրամն ունեցել է 172 շահառու և ավելի քան 100 նախագիծ։
«Մենք արդեն կարող ենք հպարտորեն ասել, որ հասել ենք մեր նպատակին և կարողացել ենք իրականացնել մեր առաքելությունը, այն է՝ փոխել պատերազմի մասնակից տղաների կյանքի որակը՝ կրթության միջոցով։ ԱրարատԲանկի դերը մեր հիմնադրամի գործունեության մեջ անկրկնելի էր, վստահ էինք մեր քայլերում, քանի որ գիտեինք, որ ունենք ռազմավարական գործընկեր», - նշում է «4090 Բարեգործական» հիմնադրամի գործադիր տնօրեն Իրինա Փահլևանյանը։
«Ամենակարևորը՝ տղաները հավատացին իրենց ուժերին, կարողացան կառուցել իրենց ընտանիքները, իրենց ապագա կարիերան։ Առանց մեր գործընկերոջ, առանց թիմային արդյունքի մենք որևիցե արդյունքի չէինք հասնի, և մեր տղաներն էլ փաստացի տեսան, թե ինչպես կարելի է թիմային աշխատանքով ահռելի աշխատանք ապահովել»,- բանկի հետ համագործակցությունը կարևորեց «4090 Բարեգործական» հիմնադրամի հոգաբարձուների խորհրդի նախագահ Մերի Մամիկոնյանը։
Հինգ տարիների ընթացքում հիմնադրամի կողմից բազմաթիվ մեծ ու փոքր բարեգործական միջոցառումներ են իրականացվել։ Հավաքագրված յուրաքանչյուր դրամ ուղղվել է հերոս տղաների կրթավճարների տրամադրմանը, վերածվել՝ կրթության, մասնագիտության ու ապագայի։ Եվ այս ճանապարհին հիմնադրամի կողքին է եղել ԱրարատԲանկը՝ որպես ռազմավարական գործընկեր, որպես վստահելի կառույց, որը հավատում է, որ կրթությունը վերելք է…
«Միշտ գտնվում են շնորհալի կառույցներ, հասարակական կազմակերպություններ, որոնք մեծ ջանքեր են գործադրում՝ արժեքներ ստեղծելու համար։ Ի պատիվ ԱրարատԲանկի, բանկն ընդամենը փորձում է իր համեստ մասնակցությամբ նման նախագծերի կողքին լինել։ Տղաներն այս տարիների ընթացքում ավարտել են բուհերը, սկսել են փորձառություն ձեռք բերել, իրականացնել նպատակները, և մենք հույս ունենք, որ նրանց մասնակցությամբ ավելի ամուր, ավելի արժեքավոր հասարակություն կունենանք», - նշել է ԱրարատԲանկի Վարչության նախագահ, գործադիր տնօրեն Մհեր Անանյանը։
«4090 Բարեգործական» հիմնադրամի հետ համագործակցությունը ռազմավարական էր, ինչը նշանակում է, որ ԱրարատԲանկը մշտապես կանգնած է եղել հիմնադրամի կողքին և մասնակցելով ծրագրերին՝ ապահովել 4-օրյա և 44-օրյա պատերազմների մասնակից տղաների կրթավճարները բարձրագույն և միջին մասնագիտական ուսումնական հաստատություններում։ Այսօր նրանք գրանցել են բազում հաջողություններ տարբեր ոլորտներում, ունենք շահառու, որը զբաղվում է գինեգործությամբ, մեկ այլ շահառու իր հեղինակած գրքի շնորհանդեսն է կազմակերպել, երրորդը՝ շուտով ոսկերչական լաբորատորիա կբացի դպրոցներից մեկում, և այս շղթան շարունակական է լինելու»,- նշում է ԱրարատԲանկի Հաղորդակցության և սոցիալական պատասխանատվության ծրագրերի համակարգման բաժնի ղեկավար Աննա Ալլահվերդյանը։
Երեկոյի թերևս ամենահուզիչ ու ամենաանսպասելի պահը՝ պատմությունն է այն մասին, թե ինչպես է պատերազմից հետո սերը փոխում մարդու կյանքը։ Շահառուներից մեկի՝ պատերազմի դաշտում վիրավորված Հարությունի և Արփիի սերը հենց դահլիճում նոր կարգավիճակ ստացավ․ Հարությունը ամուսնության առաջարկ արեց իր սիրելիին։
Հանդիսատեսին անկրկնելի զգացողություններ պարգևեց Հայաստանի պետական ջազ նվագախումբը՝ անվանի կոմպոզիտոր Ռոբերտ Ամիրխանյանի և Մաշա Մնջոյանի մասնակցությամբ։ Միջոցառման ավարտին բեմ բարձրացան նաև կյանքի նոր ճանապարհով ընթացող տղաները։ Նպատակը կատարված է, բարձունքը՝ հաղթահարված։ Հիմնադրամն ամփոփում է գործունեությունը, սակայն հայրենի հողը պահած տղաներն այսուհետ հայրենիքը զարգացնելու և վեր հանելու նոր բարձունքներ են նախանշում։
Հայ թուրքագետը բացատրեց, թե ինչպես է Ադրբեջանը վերաշարադրում Երևանի պատմությունը
Քաղաքագետ. Կառավարությունը երաշխավորում է տասնյակ միլիոնավոր դրամների աշխատավարձեր Սահմանադրական դատարանի ինը դատավորների համար, մինչդեռ միևնույն ժամանակ, Սյունիքում մոտ 869 ընտանիք կորցրել է իրենց ընտանեկան նպաստը
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
