Ադրբեջանի իշխանությունների գործողությունները հերթական անգամ ցույց են տալիս, որ այդ երկրի ղեկավարությունը խելքը գցել է: ԱրմԻնֆո-ի թղթակցի հետ զրույցում այդպիսի կարծիք է հայտնել ԼՂՀ նախագահի մամուլի քարտուղար Դավիթ Բաբայանը` մեկնաբանելով ԱՄՆ-ին ներկայացված Ադրբեջանի բողոքի նոտան, որի պատճառը ԼՂՀ արտգործնախարար Կարեն Միրզոյանի հետ ամերիկացի միջնորդ Ջեյմս Ուորլիքի հանդիպումն է:
«Ադրբեջանի նման գործողությունները ոչ մի տրամաբանության շրջանակում չեն տեղավորվում: ԵԱՀԿ Մինսկի խմբի համանախագահները միշտ հանդիպումներ են անցկացրել Արցախի ղեկավարության հետ: Ի՟նչ են ուզեցել նրանք ասել այդ գործողություններով: Միգուցե, դա միջնորդների գործունեության հետագա բոյկոտի նախաբա՟նն է», - հարց է տվել Բաբայանը:
Ընդ որում նա համոզմունք է հայտնել, որ Ջեյմս Ուորլիքը և ԱՄՆ Պետդեպարտամենտը պարտադիր պետք է արձագանքեն Բաքվի այդ գործողություններին: Նրա ասելով, այսօր Ադրբեջանը բողոք է հայտնում Միրզոյանի հետ հանդիպման առնչությամբ, վաղը` միջնորդների Լեռնային Ղարաբաղ այցի առնչությամբ, ի մյուս օրը` արդեն կբոյկոտի ԵԱՀԿ ՄԽ համանախագահների գործունեությունը:
«Հուսանք, որ Միացյալ Նահանգները կարձագանքի Բաքվի հիվանդագին քաղաքականությանը, քանի որ շատ հավանական է, որ ադրբեջանական կողմը վաղը կբողոքի միջնորդների Հայաստան այցի դեմ», - եզրափակել է Բաբայանը:
Նշենք, որ Ադրբեջանը ԱՄՆ-ին բողոքի նոտա է ներկայացրել ԼՂՀ արտգործնախարար Կարեն Միրզոյանի հետ ԵԱՀԿ Մինսկի խմբի ամերիկացի համանախագահ Ջեյմս Ուորլիքի հանդիպման առնչությամբ: Բողոքի նոտան Ադրբեջանում ԱՄՆ դեսպան Ռոբերտ Սեկուտային հանձնել է Ադրբեջանի փոխարտգործնախարար Մահմուդ Մամեդգուլիևը:
«ԵԱՀԿ Մինսկի խմբի ամերիկացի համանախագահի մասնակցությունն Ադրբեջանի ինքնիշխանության և տարածքային ամբողջականության դեմ ուղղված միջոցառումներին լիովին հակասում է Մինսկի խմբի համանախագահության մանդատին և ինստիտուտին և ստվեր է նետում դրա չեզոքության և անաչառության վրա», - ասվում է ԱՀ ԱԳՆ բողոքի նոտայում: Ընդ որում, Ադրբեջանը ԱՄՆ Պետդեպին տեղեկացրել է, որ Միացյալ Նահանգների տարածքում ԼՂՀ ներկայացուցիչների որևէ գործունեության համար պայմանների ստեղծումը չի նպաստում Լեռնային Ղարաբաղի հակամարտության կարգավորման շուրջ բանակցային գործընթացի առաջխաղացմանը, այլ ընդհակառակը, էլ ավելի է բարդացնում առանց այդ էլ բարդ գործընթացը:
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
