Արմինֆո. «Ապրելու երկիր» կուսակցության նախագահ Մանե Թանդիլյանը դիվանագիտական ճանապարհով նամակ է փոխանցել ԱՄՆ փոխնախագահ Ջեյմս Դեյվիդ Վենսին՝ խնդրելով միջնորդել Բաքվի բանտերում պահվող հայերի ազատ արձակման հարցում։
«Հարգելի՛ պարոն փոխնախագահ, «Ապրելու երկիր» կուսակցության անունից ցանկանում եմ մեր հարգանքի հավաստիքը հղել Ձեզ՝ Հարավային Կովկասում Ձեր դիվանագիտական առաքելությունը սկսելու կապակցությամբ։ Ձեր այցը Հայաստան և Ադրբեջան նշանակալի պահ է ամերիկյան արտաքին քաղաքականության համար՝ այս անկայուն տարածաշրջանում և վճռորոշ հանգրվան՝ նրա ապագայի տեսանկյունից՝ անցած տարի հաստատված խաղաղության շրջանակներին հետևելու համատեքստում։ Ձեր այցը նաև եզակի հնարավորություն է ընձեռում լուծելու մի մարդասիրական խնդիր, որը շարունակում է ապակայունացնել տարածաշրջանը։
Մեր կուսակցությունը սերտորեն համագործակցել է Ռուբեն Վարդանյանի՝ համաշխարհային ճանաչում ունեցող մարդասերի, ձեռնարկատիրոջ և նվիրված քրիստոնյայի հետ, ով մինչ օրս պահվում է Բաքվի բանտում՝ 19 այլ հայերի հետ միասին։ Այդ անձինք, որոնք Լեռնային Ղարաբաղում ծառայել են իրենց համայնքներին, ենթարկվում են ծանր փորձությունների, որոնք բնութագրվում են «ցուցադրական դատավարություններով» և համակարգային մեկուսացմամբ։
Այսօր Ձեզ գրում եմ ոչ միայն որպես պարոն Վարդանյանի գործընկեր, այլև որպես մայր և որպես մեկը, ով կիսում է Ձեր խորը նվիրվածությունը արդարության, ողորմածության և հալածվածների պաշտպանության քրիստոնեական արժեքներին։ Այս մարդկանց ծանր վիճակը ոչ միայն քաղաքական վեճի առարկա է, այլև խորը բարոյական ճգնաժամ, որը հարվածում է արժանապատվության և արդարության քրիստոնեական իդեալներին։
Բաքվում նախատեսվող Ձեր հանդիպումներին նախապատրաստվելիս հարգանքով կոչ եմ անում Ձեզ 20 հայ բանտարկյալների անհապաղ և անվերապահ ազատ արձակումը դարձնել Ձեր դիվանագիտական առաքելության առաջնահերթությունը։ Նրանց վերադարձը հսկայական թեթևացման և արդարության զգացում կպարգևի հայկական Սփյուռքի հազարավոր ընտանիքների, այդ թվում՝ Միացյալ Նահանգներում բնակվող նշանակալի և կենսունակ համայնքին։
Հարավային Կովկասում երկարատև և արժանապատիվ խաղաղությունը, որը ներկայիս վարչակազմի տարածաշրջանային ռազմավարության հիմնական նպատակն է, չի կարող կառուցվել մարդասիրական գործիչների շարունակական և անօրինական կալանքի վրա։ Այս անկայուն տարածաշրջանում կայուն խաղաղության հաստատման ջանքերը կարող են հաջողության հասնել միայն այն դեպքում, երբ մարդասիրական հարցերը լիովին լուծված լինեն։ Ռուբեն Վարդանյանն իր կյանքը նվիրել է բարեգործությանը և մարդկային համերաշխությանը, և նրա բանտարկությունը բիծ է այն առաջընթացի վրա, որին տարածաշրջանը ձգտում է հասնել։
Որպեսզի «Թրամփի ուղի՝ հանուն միջազգային խաղաղության և բարգավաճման» (TRIPP) նախագիծը հաջողության հասնի, այն պետք է կառուցվի վստահության հիմքի վրա։ Այս պատանդների վերադարձի ապահովման միջոցով Միացյալ Նահանգները կամրապնդի իր դիրքը որպես վճռական և սկզբունքային խաղաղության միջնորդ՝ ապացուցելով, որ ամերիկյան դիվանագիտությունը մարդկային կյանքը գնահատում է նույնքան, որքան ռազմավարական միջանցքները։
Մենք հարգանքով կոչ ենք անում Ձեզ օգտագործել Ձեր պաշտոնի ողջ կշիռը՝ ապահովելու, որ այս մարդիկ վերամիավորվեն իրենց ընտանիքների հետ։ Այս հարցում Ձեր առաջնորդությունը կծառայի որպես հավատքի, ազատության և օրենքի գերակայության նկատմամբ Ամերիկայի անսասան նվիրվածության հզոր վկայություն», - ասվում է Մանե Թանդիլյանի նամակում։
Նշենք, որ մինչ օրս հայտնի չէ ադրբեջանական բանտերում պահվող հայ ռազմագերիների և պատանդների ստույգ թիվը: Փորձագետների գնահատմամբ ՝ նրանք մի քանի հարյուր են ։ Այսօր Ադրբեջանի իշխանությունները հաստատում են իրենց մոտ 19 հայերի առկայությունը ։ Ադրբեջանական գերության մեջ պահվող անձանց թվում են նաև Արցախի ռազմաքաղաքական ղեկավարության նախկին և գործող 8 ներկայացուցիչներ․ Արցախի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, արտաքին գործերի նախկին նախարար Դավիթ Բաբայանը, ինչպես նաև խորհրդարանի խոսնակ Դավիթ Իշխանյանը, Արցախի Պաշտպանության բանակի նախկին հրամանատար, գեներալ Լևոն Մնացականյանը, գեներալ Դավիթ Մանուկյանը և նախկին պետնախարար Ռուբեն Վարդանյանը:
Բաքվի խամաճիկային դատարանը շինծու մեղադրանքներով ցմահ ազատազրկման է դատապարտել Արայիկ Հարությունյանին, Դավիթ Բաբայանին, Դավիթ Իշխանյանին, Դավիթ Մանուկյանին, Լևոն Մնացականյանին, իսկ Բակո Սահակյանին և Արկադի Ղուկասյանին ՝ 20 տարվա ազատազրկման: Մնացած արցախցիներին, այսպես կոչված, դատարանը դատապարտել է մինչև 15 տարվա ազատազրկման։ Առայժմ չի հրապարակվել միայն բարերար Ռուբեն Վարդանյանի նկատմամբ դատավճիռը, որի գործն առանձնացվել է առանձին վարույթում:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
